SQ

舒淇母愛氾濫 攬實徐若瑄囝囝唔放

由舒淇、林心如同徐若瑄三人組成嘅「台灣三大黃金盛女」組合,經已係舒淇宣布結婚喜訊嗰一刻解散,事關佢哋已經進化成至索人妻團啦!呢日新婚嘅舒淇見到好姊妹徐若瑄囝囝Dalton攬住唔放,對Dalton愛不釋手,啲母愛擋都擋唔住呀。

延伸閱讀︰

《律政強人》五點睇智叔有幾奸

型佬方中信 新角5點特色同你睇

早兩日,三位索爆人妻聚首一堂食飯敘舊,從佢哋分享嘅相片都感受到佢哋有幾開心呀!

呢日,舒淇就分享咗佢同徐若瑄囝囝Dalton嘅影片!喺呢條短片入面睇得到舒淇有幾興奮,一隻手抱住Dalton唱歌,另一隻手就跟住拍子手舞足蹈,投入程度一百分呀!不過Dalton就冇乜表情,呆下呆下,可能心諗點解呢個Auntie搞乜失晒控嘅?

三位索爆人妻,就只差舒淇一個未有好消息公佈,可能就因為咁,見到老友嘅囝囝,啲母愛忍唔住爆晒出嚟~ 大家都等緊你好消息呀!

全文完