苟芸慧

苟芸慧宣布結婚 陸漢洋用TIFFANY鑽戒求婚

「處女黨」最後一員終於宣布結婚!34歲苟芸慧(苟姑娘)與陸漢洋拍拖兩年,二人最初都愛得低調,至近年二人都已經認定對方,更拍拖出席公開活動,同時亦計劃今年訂婚!今日,苟芸慧在IG宣布結婚,而陸漢洋用TIFFANY鑽戒求婚!恭喜晒!

撰文:東方新地

苟芸慧宣布結婚

今日苟芸慧喺Instagram上載與男友合照,見到陸漢洋拎住一個TIFFANY & CO嘅戒指盒,苟姑娘姅用布蒙住眼睛!

苟芸慧
苟芸慧終於結婚,恭喜晒!
苟芸慧
苟芸慧宣布結婚,原來陸漢洋準備咗tiffany & co 求婚戒指!

另一張相就見到佢嘅無名指戴上閃爆鑽戒,苟姑娘留言:「很幸福,找到一個一生一世陪我看夕陽的人!」宣布求婚成功!

苟芸慧
苟芸慧宣布結婚,但佢哋身處外地,冇透露去咗邊同求婚地點!

苟芸慧陸漢洋 狂放閃

今年34歲的苟芸慧和大十年的富三代陸漢洋拍拖一直玩低調,年頭男的還放風指女方很難追,女的就指對方是考慮的拍拖人選。陸漢洋在意義跟情人節不相伯仲的520大日子,在fb貼出「52099」(意指我愛你苟苟)放閃,日前再發功,在車隊的社交網留言「一切由賽車開始,以後我們手牽手去征服所有艱難的人生競賽!沿途伴我走挽我的手」而苟芸慧亦貼合照並冧爆指男友「Always my number one」,好肉麻!

苟芸慧
苟芸慧愛情得到滋潤,去年8月被爆撻着錫礦大王陸佑後人兼賽車手陸漢洋。
苟芸慧
前華姐冠軍苟芸慧同富三代陸漢洋好襯!

男方贈家傳之寶

陸漢洋和苟芸慧拍拖接受訪問時,陸指自己13年前喪母,將媽媽生前常戴的鑽石戒指改裝成男裝戒指以記念:「媽媽臨終前將另一隻戒指畀我,上面有兩顆鑽石,佢話冇機會見到我結婚,叫我將戒指送畀將來的太太,再傳畀下一代,一代一代傳落去。」陸漢洋更將家傳之寶送贈苟姑娘,已認定對方為終身伴侶。

苟芸慧
苟芸慧曾因壓力導致甲狀腺失調至暴肥 ,高峰期達170磅,不過去年成功由肥苟變回索苟,狀態回勇!

 

苟芸慧
苟芸慧提男友就甜絲絲!

兩口子溫馨行街

陸漢洋對女友無微不至,連日來陪實苟姑娘,早前不嫌其煩陪佢到銅鑼灣行街睇女裝,更不時貼心畀意見,兩口子好溫馨!雖然即將嫁入豪門,不過苟姑娘只係睇平民大眾化的時裝店,未有睇名牌。

苟芸慧
苟芸慧孖男友出雙入對,好恩愛!
苟芸慧
苟芸慧買衫都問男友意見!
苟芸慧
陸漢洋仲幫苟芸慧睇衫畀意見!

苟姑娘掃零食

苟芸慧的體重經常成為焦點話題,但陸漢洋man爆話:「其實佢依家都好靚,肥唔係罪,瘦都唔好太過分,佢肥瘦我都咁鍾意,最緊要佢開心。」幸福滿瀉的苟芸慧,獲得男友的非苟不娶之承諾,已經不用再在乎體形磅數。本刊曾在天后捕獲二人拍拖,苟姑娘趁男友等外賣,自己就掃零食,近日苟芸慧明顯心廣體胖,面圓腰脹,一身幸福肥。

苟芸慧
陸漢洋man爆話女友肥瘦佢都咁鍾意,苟芸慧可以開懷食零食!
苟芸慧
苟芸慧愛吃零食!

甜笑認計劃婚事

苟芸慧和陸漢洋以往拍親拖都搵人掩護,如今對記者對鏡頭不再避忌,本刊記者追問二人是否已計劃結婚,陸漢洋笑住默認,再追問婚期,二人笑到見牙唔見眼,婚事應該已在計劃中。

苟芸慧
苟芸慧拍拖僅十個月,已經私訂終身,陸漢洋不但公開示愛指無論苟芸慧肥定瘦都咁愛,更送上家傳之寶鑽戒訂情,以示娶硬對方。

 

苟芸慧
本刊記者捕獲呢對準新人拍拖,當提到婚期, 苟芸慧和陸漢洋立即笑到眼瞇瞇,苟姑娘更有意無意大騷手上的婚戒,幸福同鑽戒狂閃,想閃死人咩!?
苟芸慧
苟芸慧雖然未肯確實婚期,但不停風騷大晒手上的鑽戒﹗應該好快改口叫陸太﹗