英皇電影

英皇與天下一合作開拍十部港產電影 推動香港電影業

新冠肺炎持續蔓延,香港各界發展皆如步入寒冬,當中亦包括影視行業。疫情防控期間,整個影視行業因應公眾安全、及限聚措施等需要停止拍攝, 致製作量急速下滑,幕前幕後的電影製作團隊生計亦受到影響,許多基層員工面臨前所未有的困難;同時業界亦面對人才流失等問題。

編輯:東方新地 圖片:東方新地相庫

集香港電影業精英團隊 共創港產電影新動力

有見及此,英皇電影與天下一電影製作有限公司宣佈攜手合作,雙方公司將於兩年內合作製作及發行共十部港產電影,希望在這個非常時期,為香港電影注入新動力!

十部電影當中主要於香港本地取景以及聘用本地電影工作人員,以確保今次合作能夠為香港電影業界帶來實際支持,亦達到繼續拓展本地電影業市場及發掘電影人才之效。同時,該十部影片涵蓋驚慄、懸疑、愛情、喜劇等不同片種,望能為觀眾提供多元化的選擇。

雙方已正式簽訂協議及正密鑼緊鼓進行籌備工作,積極與不同的業界單位聯繫,當中包括資深而富有經驗的演員及新演員,幕前幕後精英電影製作團隊,希望今次合作可以於下半年度開始拍攝製作,好讓電影從業員能盡快回工作崗位。

英皇娛樂集團主席楊受成先生年來致力推動電影發展,有見香港電影業處於寒冬期,當然出力支持!
英皇集團主席楊受成年來致力推動電影發展,有見香港電影業處於寒冬期,當然出力支持!
藝人古天樂成立的天下一電影,與英皇合作 ,攜手幫助電影業界受影響人士度過前所未有的困難。
藝人古天樂成立的天下一電影,與英皇合作 ,攜手幫助電影業界受影響人士度過前所未有的困難。

 

對於是次合作,天下一電影方面表示:「希望藉着今次合作,可以發掘更多有質素劇本拍攝製作。天下一一向注重培育香港電影幕前幕後的新一代,希望為香港電影帶來新力量新方向,打造香港電影全新格局。」

英皇電影方面亦表示:「眼見香港電影業因為疫情停擺,電影工作者因為停工而經濟狀況陷入水深火熱之中,面臨嚴重人才流失的問題,感到十分惋惜。今次英皇電影跟天下一電影不謀而合,以實際行動支持香港電影,期望協助本地電影業盡快復甦。」

是次英皇電影和天下一電影攜手合作,希望團結業界力量,繼續展現香港電影魅力!

而英皇藝人都表示支持,望與業界同步走出艱難時期。

英皇藝人上下一心 大表支持

蔡卓妍
蔡卓妍

蔡卓妍阿Sa得知英皇與天下一合作十部電影,她謂:「疫情下,好多行業,包括電影業,好多人都要停工!希望呢個合作可以令到人人有工開!帶動成個電影業, 保持到每年香港嘅電影拍攝同上映嘅數量,同時又可以推動本地電影,盡快可以重回軌道。」

英皇藝人鍾欣潼
英皇藝人鍾欣潼

鍾欣潼對此回應時謂:「好開心公司同天下一合作推動本地電影,在疫情下,香港好多行業,包括電影業都好慘,今次合作可以令到電影業同業有開工,同時又可以推動本地電影,希望香港同電影業盡快復甦!」

英皇藝人楊天宇
英皇藝人楊天宇

今年獲英皇電影「疫市」加簽合約的陽光型男楊天宇謂:「我覺得今次英皇同天下一的合作對香港業界係有一定的幫助,不論係台前或幕後。同時亦都可以滿足到觀眾嘅慾望,因為無論係咩時候我相信觀眾睇電影嘅慾望都唔會減低嘅。因為我自己性格較外向,所以陽光青春及搏擊類的,較刺激的題材都會是希望拍到的題材。其實天下一亦有同自己年齡相近的演員,希望籍此機會可以交流交流。」

英皇藝人李靖筠及陳家樂
英皇藝人李靖筠及陳家樂

李靖筠:「當然好開心可以同唔同嘅公司合作啦!希望擦出新嘅火花,至於想拍啲咩戲,我仲係一個好Green嘅演員,所以我自己係唔想咁快去規限自己,咩種類嘅戲都好想做。 」

陳家樂:「咁當然係好事啦,兩間公司聯手去創作十套港產片去幫返香港市場,係非常之好嘅,呢個時勢好多台前幕後嘅工作人員,都的確係有好大嘅影響,我自己本身都有幕後嘅朋友,呢段時間都要轉行做其他唔同嘅工種,其實人才流失真係會㗎,依家有呢十套電影,希望可以幫返多啲人去做香港電影,去保持產量同質素。我自己希望嚟緊可以拍多啲喜劇,因為喜劇可以令人開心啲,依家香港都需要一啲好開心嘅能量,希望可以透過電影入面俾到開心嘅氣氛香港人。」

英皇藝人湯怡
英皇藝人湯怡

湯怡:「公司同天下一合作梗係覺得非常之好啦!因為我相信近期行業一定受到影響,如果電影界嘅話,一來產量少咗,演員嘅機會相對又少咗。疫情關係,大家都選擇留喺屋企,戲院又閂埋,困咗幾個月之後,到戲院重開返,大家都會想有啲選擇,同有啲娛樂。至於想拍咩類型嘅電影?我相信我會選擇喜劇,因為近呢幾個月,我相信大家嘅心情唔會特別開心,所以希望拍番啲有正能量,令香港人會覺得輕鬆嘅電影。」

英皇藝人衛詩雅
英皇藝人衛詩雅

衛詩雅:「好開心有呢個消息,因為我覺得兩間公司合作首先會有唔一樣嘅火花,二來就係如果開十套咁多,我覺得無論對演員或者電影工作人員都係一個好好嘅消息,因為起碼有工開,確實呢幾個月來,好多電影都停晒,大家都好擔憂,所以好支持呢個計劃。當然如果減片酬可以幫到,絕對係願意減片酬啦!同埋依家積極搵多啲好劇本,拎返公司,睇吓公司有無興趣,絕對支持!」

英皇藝人周家怡
英皇藝人周家怡

家怡:「知道呢個消息當然係好開心,好支持啦!好開心知道佢哋有呢個行動,希望快啲多啲人可以開工,同埋希望可以拍多啲唔同題材嘅戲,除咗商業片之外亦都會拍一些藝術性質的戲,透過電影故事帶出各種訊息俾觀眾。」

關鍵詞
英皇電影