荃灣威威

荃灣威威被爆做傳銷 淚眼自拍回應 「古惑仔」指控

最新娛聞

廣告

荃灣豬肉佬威威劉宋威因為一副明星相而一夜成名,早前大搞生日會畀奶師粉絲熱捧,仲成為廣告界新貴,job接job豬籠入水!不過威威人紅是非多,不斷被網民翻出黑歷史,繼早前爆出疑似做傳銷,又被爆狂串MIRROR同COLLAR。近日再有網民公開一張10年前的威威舊照,指他曾經撈偏以及玩過好多女人?面對種種負面抨擊,阿威在周四晚上自拍回應 !

荃灣ak豬肉威威 威威生活照。
威威最近在社交網非常活躍。(圖片來源:[email protected]_608)

威威做豬肉切割員前係古惑仔?

近日網上討論區有人貼相爆料,指荃灣豬肉檔威威曾經是古惑仔一名。網民紛紛留言和應「睇佢頭髮同紋身都估到了」、「紋哂身,知咩料la」、「炸到咁唔通正經人家咩」同時亦有網民指出「我有朋友識佢之前個女友,話佢唔係好人,撈開古惑…之後先轉行切肉」、「條友玩過好多女人」。更有網民質疑威威可能兩個身份同時擁有,又係古惑仔又係豬肉佬。

荃灣ak豬肉威威 網民貼出威威疑似黑社會的相片。
網民貼出冇著上衫疑似威威與性感打扮女士的合照。(圖片來源:LIHKG區截圖)
荃灣ak豬肉威威 網民評論。
網民評論。(圖片來源:LIHKG區截圖)
荃灣ak豬肉威威
(圖片來源:LIHKG區截圖)
荃灣ak豬肉威威
(圖片來源:LIHKG區截圖)

不過部份網民力撐威威,覺得佢「曾經學壞」依家「從良學番門手藝養家」故事好感人,好欣賞佢。亦都有網民覺得「浪子回頭金不換」。

荃灣ak豬肉威威
(圖片來源:LIHKG區截圖)

阿威拍片淚崩回應

純情暖男形象幻滅!16日晚上威威終於忍唔住要出片澄清,仲要講講吓哭了?!劉宋威於ig及Facebook出自拍片回應,表示近日收到好多唔少的報導,當中包括好多負面的說話,「話我唔係好人、話我係黑社會」,劉宋威作出以下澄清:

首先我要澄清返,我只係一個普通屋邨成長,基層出生,亦唔係大家所講的黑社會⋯⋯

點解喺屋邨長大就係黑社會?點解有紋身就唔係好人?就要俾人歧視?

點解我自己的事業去賣豬肉,揸把刀就要去斬人哋?

劉宋威又說,之前聽好多人講「人紅事是非多」,實會俾人攻擊,如今自己親身感受到,說到這裡威威還未講完,已經哽咽講唔到落去咁,最後更流出眼淚表示「我會繼續努力,做好自己,多謝大家!」

威威 含淚反問為何有紋身就是罪。
含淚反問為何有紋身就是罪。(圖片來源:[email protected] 威威 劉宋威)
威威 一分鐘的影片,講出眼淚來。
一分鐘的影片,講出眼淚來。(圖片來源:[email protected] 威威 劉宋威)

威威疑似做傳銷

近日有網民爆出一張疑似威威的照片,照片中該男士拎住一枝黑色產品自拍,眼利網民即指出拎呢支產品影得相就係做傳銷工作,仲指做得傳銷就無個好人。跟住網民仲搵出呢支產品功效神奇,「呢支嘢癲架,佢哋講到噴胸會豐胸,噴頭會生髮,噴臉會瘦臉,講到支嘢萬能有智慧識得知你噴緊邊。」有網民就話職業無變「咁以前職業都係劏豬,但就係劏港豬囉」「傳銷傳到做明星,好勵志,銷佬又可以宣傳」「唔怪之得唔除罩,原來做傳銷」「總之建華啲馬仔一律唔當好人」不過有網民就力撐威威「咁又點?要佢受網络公審?改過自身,己屬好事,何必要揭他瘡疤,人誰無過,豁達啲,睇開啲!放個過人,亦饒恕自己」

荃灣ak豬肉威威 疑似威威做傳銷相片。
疑似威威做傳銷的相片。(圖片來源:LIHKG區截圖)
威威 威威好識冧粉絲。
威威好識冧粉絲。(圖片來源:[email protected]_608)
威威 威威每次出席公開活動都有大班女粉絲追捧。
威威每次出席公開活動都有大班女粉絲追捧。(圖片來源:[email protected]_608)

詳細文章請睇:荃灣肉檔AK回應幕後策劃傳聞 劉宋威自爆17秘密兼開金口獻唱

重溫TVB搵威威加入《愛回家》撼ViuTV?

處境喜劇《愛回家之開心速遞》可謂TVB劇集中比較貼地而且風格都較大膽,會抽水最新時事問題,收視一直都唔錯。近日網上突然瘋傳一張疑似威威拍《愛回家》的照片,事源一名網民撞到《愛回家》劇組正在戶外拍攝,見到一班師奶包圍住疑似威威身影的人打卡影相,懷疑TVB睇中現時紅爆的威威拉駐入《愛回家》撼ViuTV!?

詳細文章請睇:愛回家|爆紅荃灣豬肉AK威威火速上位 進駐TVB拍《愛回家》?

常見問題

荃灣豬肉威被爆做咩傳銷?

近日有網民爆出一張疑似威威的照片,照片中該男士拎住一枝黑色產品自拍⋯⋯詳情請看

阿威如何回應事件?

劉宋威近日拍片澄清,仲講到喊⋯⋯詳情請看

撰文:東方新地圖片來源:[email protected]_608、 LIHKG區截圖

讀者留言