莊思明 楊明密友變拖友

戀情曝光

近日莊思明及楊明被影到拍拖,戀情曝光!報道指楊明開車載女友四圍去,期間二人喺車上頭貼頭傾偈表現煙韌,到紅磡落車後去楊明屋企途中,思明主動翹住楊明右手,邊行邊嗲男友,於楊明家歡度一粒鐘後,齊齊落樓到附近便利店買嘢飲,再坐的士去九龍城會工作人員打邊爐。期間二人發現記者,最後楊明戴住口罩先離開,幾分鐘後思明先落樓走人!

密友變拖友

對於戀情被撞破,二人大方承認,莊思明說:「係同佢(楊明)拍緊拖,下次見到大家時先再講清楚,多謝大家關心。」而楊明表示二人拍攝《愛‧回家》而認識,由最初密友變成拖友:「係,我哋係一齊,都係啱啱開始啫!俾啲空間我哋,其實不嬲都覺得思明係好女仔,拍完《愛.回家》大家都多咗見面、溝通,經過了解先一齊,其實都唔係好多人知道我哋一齊!」

心急返港見女友

其實,早於今年四月初,莊思明及楊明於微博合照已透露蛛絲馬跡,二人頭貼頭合照表現親暱,相中可見二人於餐廳自拍,楊明似幾杯落肚後面紅紅,思明更留言傳情,指男友楊明將到內地工作,要兩個月後再見!不過,可能楊明太掛住女友,所以趁返港宣傳時即抽空會思明,認真愛得癡纏!

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

延伸閱讀:

準備爛尾?《殭》突現膠爆情節

莊思明 楊明密友變拖友

戀陳慧琳弟四年

其實,莊思明及楊明都曾有要好的另一半!莊思明跟歌手陳慧琳弟弟陳司翰拍拖四年,離離合合多次,2014年莊思明於網上晒大髀瘀傷,即傳出遭家暴,最終思明決定斬纜!

而楊明感情生活更係多姿多采,除曾同索腿天后陳敏之拍拖,2013年又宣布同圈外女友Joanna結婚,雖然當時影埋婚紗照,打算去美國舉行婚禮,但由於當時楊明為拍劇,致婚期一拖再拖,最後分手收場!

不過,近年被無綫力捧後,楊明開始專心工作,於劇集《收規華》做第二男主角大獲好評,早前更同袁偉豪到印度拍節目!而工餘時間亦不忘於網上晒外甥合照,盡顯父愛,可見楊明好鍾意小朋友,似乎想盡快成家立室喎!

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk