台慶吳若希feature

【萬千星輝賀台慶】網民:準備畀人照肺啦!吳若希大爆TVB講明要撐周柏豪

《萬千星輝賀台慶》噚晚(19/11) 播出,約個半鐘嘅節目搵嚟多位藝員表演。節目開始約半個鐘就搵嚟周柏豪、袁偉豪同胡鴻鈞表演射籃,問到吳若希支持邊個嗰時,佢嘅答案嚇到身邊嘅鄭俊弘眼都凸埋!

撰文:東方新地|圖片:節目截圖

【萬千星輝賀台慶】吳若希大爆TVB講明要撐周柏豪

噚晚(19/11)《萬千星輝賀台慶》為慶祝TVB生日,請來一眾藝員歌手表演。當中有一個環節就係搵嚟周柏豪、袁偉豪同胡鴻鈞表演射籃。

萬千星輝賀台慶
Do姐同叻哥逐個訪問參賽者感受
袁偉豪話自己喺屋企練習過
周柏豪又係話自己喺屋企練過下

問到陳山聰支持邊個時,佢就話識咗袁偉豪咁耐,都唔知佢識打籃球。

之後再問馬國明,佢就話自己支持《降魔的》嘅胡鴻鈞,不過唔知自己嗰隊支唔支持。

最後訪問埋歌星隊嘅吳若希,佢就話:「我個心就係支持胡鴻鈞,不過TVB份稿叫我支持周柏豪!」Do姐都不禁講句:「乜你咁㗎?」連叻哥等人都忍唔住話佢倒米。有網民就諗此言論一出,吳若希應該好快畀TVB高層「照肺」喇!

坐喺吳若希旁邊嘅鄭俊弘本身無咩表情
聽到吳若希驚人言論後即刻眼都凸埋
唯有用笑掩飾一下尷尬

同場加映:

Do姐叫錯名 場面非常尷尬

射籃之後有一個環節係《兄弟》一眾演員大騷身手,表演過後Do就介紹幾位男演員時就將伍允龍叫做馬允龍,不過Do未有察覺,場面搞到幾咁尷尬。

坐喺後面嘅黃嘉樂、龔嘉欣、陳庭欣、周志康即刻討論

 

朱晨麗睇落忍笑忍得好辛苦