台慶

萬千星輝賀台慶2023|嚴選4大TVB台慶嘉賓人選 尹光、Rain炸爆舞台?

最新娛聞

廣告

《 萬千星輝賀台慶2023》TVB 56周年台慶 即將在11月19日(星期日晚)舉行。去年台慶有郭富城駕臨率領超過50位專業舞蹈藝員,勁爆壓軸登場,睇到在場嘉賓和電視機前的觀眾都High到爆!大家都非常關注今年到底會請邊位重量級嘉賓,有網民於社交平台開帖集思廣益,一人推薦一個今年最想睇到嘅TVB台慶嘉賓人選。

萬千星輝賀台慶2023 尹光 去年台慶嘉賓郭富城演出精彩,掌聲、收視、口碑、士氣多方面都得到大量好評!令人好奇今年的壓軸嘉賓將會是誰?
去年台慶嘉賓郭富城演出精彩,掌聲、收視、口碑、士氣多方面都得到大量好評!令人好奇今年的壓軸嘉賓將會是誰?(圖片來源:TVB

網民動議!無綫56周年台慶4大嘉賓人選

網民提名TVB台慶嘉賓人選|1. 尹光(官方落實「尹光玩轉台慶 」!)

近日憑「AI尹光」紅到開紅館演唱會的尹光,不少網民都指希望能夠在台慶看到光B擔任壓軸嘉賓。大家都推薦尹光可以上台唱《少理阿爸》、《一人之鏡》、《Dear My Friend, 》,更有網民建議尹光可以連同修哥胡楓一起上台表演,夠曬睇頭!而根據無綫最近的宣傳片,今年台慶的確邀請了尹光演出,無綫官方今次真係罕有回應網民訴求!

萬千星輝賀台慶2023 尹光 尹光剛完成紅館演出,今周末又會參與《博愛SO ME SHOW MUSIC》,無綫於11月13日晚上發放宣傳,落實台慶將有尹光做嘉賓!
尹光剛完成紅館演出,今周末又會參與《博愛SO ME SHOW MUSIC》,無綫於11月13日晚上發放宣傳,落實台慶將有尹光做嘉賓!(圖片來源:尹光IG)
萬千星輝賀台慶2023 尹光 台慶 尹光早前憑「AI尹光」紅到開紅館演唱會。
尹光早前憑「AI尹光」紅到開紅館演唱會。(圖片來源:東方新地)

網民提名TVB台慶嘉賓人選|2. Rain鄭智薰(未落實)

有網民留言指認為今年會請「韓國天王」Rain鄭智薰!原本Rain同TVB好似大欖都扯唔埋,但近日TVB就宣佈即將播出的男團選秀節目《亞洲超星團》將會邀請到Rain擔任「超星總製作人」。假如今次台慶邀請到Rain壓軸表演,不但可以拉高收視,又能宣傳新節目《亞洲超星團》,一舉兩得,似乎都唔係完全冇可能!

萬千星輝賀台慶2023 尹光 台慶 亞洲超星團 韓國天王Rain鄭智薰就擔任「超星總製作人」。
韓國天王Rain鄭智薰就擔任「超星總製作人」。(圖片來源:TVB
萬千星輝賀台慶2023 尹光 台慶 唔知今年台慶會唔會睇到Rain在無綫大唱《It
唔知今年台慶會唔會睇到Rain在無綫大唱《It’s Raining》呢!(圖片來源:IG@rain_oppa)

網民提名TVB台慶嘉賓人選|3. 劉德華(未落實)

去年有「四大天王」之一的郭富城擔任嘉賓,不少網民都建議今年可以請另一天王劉德華壓軸出場。1984年第三期舞蹈員訓練班出身的郭富城去年在台上親自多謝每一位訓練班的元老,同為TVB藝員訓練班出身的劉德華,唔知今年會否重回無綫大開金口獻唱幾曲呢?

萬千星輝賀台慶2023 尹光 台慶 劉德華早在2021年已經在《香港金曲頒獎典禮2021/2022》亮相獻聲。
劉德華早在2021年已經在《香港金曲頒獎典禮2021/2022》亮相獻聲。(圖片來源:TVB截圖)
萬千星輝賀台慶2023 尹光 台慶 假如今次劉德華登場做嘉賓,可以順便宣傳埋新戲《金手指》
假如今次劉德華登場做嘉賓,可以順便宣傳埋新戲《金手指》(圖片來源:IG@carinalau1208)

網民提名TVB台慶嘉賓人選|4. 梁朝偉 (未落實!)

自從曾志偉上場後,多位無綫出身的殿堂級演員和歌手都會回娘家表演。有網民就建議今年可以邀請第11期藝員訓練班出身的影帝梁朝偉擔任壓軸表演嘉賓,最近無綫於深宵連播兩輯《新紮師兄》,致敬味道十足,加上梁朝偉奪得「威尼斯終身成就獎」後,仍然於幕前活躍,參演Eason 的MV、又於金雞獎奪影帝,現身台慶者可以演唱其首本名曲《朦朧夜雨裡》?!

萬千星輝賀台慶2023 尹光 台慶 梁朝偉在1993年曾經同郭富城在《歡樂今宵》合唱。
梁朝偉在1993年曾經同郭富城在《歡樂今宵》合唱。(圖片來源:TVB截圖)
萬千星輝賀台慶2023 尹光 台慶 網民都指希望今年可以睇到偉仔再開金口。
網民都指希望今年可以睇到偉仔再開金口。(圖片來源:IG@carinalau1208)

重溫55周年台慶:郭富城做嘉賓High爆全場

去年TVB台慶,「天王」郭富城相隔八年重返電視城 ,率領超過50位專業舞蹈藝員,勁爆壓軸登場,勁歌熱舞向Dancer致敬,57歲的他先帶領大班女dancers唱出首本名曲《狂野之城》,之後再唱出《唱這歌》及《動起來》。現場很多藝員如馬德鐘、劉穎鏇、蔡思貝、賴慰玲等也像去看演唱會一樣,起身站到台前跟著一起跳舞,場面極為熱鬧。

萬千星輝賀台慶2023 尹光 萬千星輝賀台慶 郭富城 TVB台慶2022 plt 57歲的城城又唱又跳,實在強勁
57歲的城城又唱又跳,實在強勁。(圖片來源:YouTube@TVB (official))
萬千星輝賀台慶2023 尹光 萬千星輝賀台慶 郭富城 TVB台慶2022 plt 台下反應熱烈
當晚台下反應熱烈。(圖片來源:YouTube@TVB (official))

萬千星輝賀台慶2021|李克勤壓軸登場

以下為大家重溫近年台慶壓軸表演各大嘉賓!2021年為無線第一屆《聲夢傳奇 》做導師的李克勤,在《萬千星輝賀台慶》尾聲壓軸登場,獻唱首首經典金曲,為台慶帶來最高潮!

萬千星輝賀台慶2023 尹光 萬千星輝賀台慶 郭富城 TVB台慶2022 plt 李克勤與炎明熹首次合唱,就係喺台慶晚上。
李克勤與炎明熹首次合唱,就係喺台慶晚上。(圖片來源:tvb)

萬千星輝賀台慶2020 楊千嬅歌藝受關注

2020年壓軸表演係曾經表示「願到人瑞仍然能活出一顆少女心」嘅楊千嬅!當時佢為台慶獻唱佢嘅三首名曲《少女的祈禱》、《飛女正傳》、同埋《假如讓我說下去》 。YouTube置頂評論係十分正面讚揚: 「TVB有個好既地方,從來好少調音就直接出片,可以聽得出歌手Live最真實既聲音,大陸啲節目調到阿媽都唔認得。」

台慶2019 年只有周柏豪、菊梓喬

由於社會示威事件,2019年TVB台慶改名《珍惜香港 發放娛樂 TVB52年》,亦未有特別嘉賓回娘家獻技。

萬千星輝賀台慶2018 | 鄭伊健賀台慶 | 友情歲月 | 周柏豪

鄭伊健原來2018都有回娘家賀台慶!當時無乜人估到有佢份演出!你哋睇吓全場氣氛幾HOT!!跟住仲有周柏豪一齊唱友情歲月呀 !

下一頁:鄭伊健自選演唱會必唱5首歌 蒙嘉慧點唱:我想聽呢首!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:東方新地、TVB、IG@carinalau1208、IG@rain_oppa、YouTube@TVB (official)資料或影片來源:YouTube@TVB (official)