萬千星輝頒獎典禮2023

萬千星輝頒獎典禮2023|上位小花宣傳照眼袋浮現 炎明熹晚裝被指似潔廁刷

最新娛聞

廣告

無綫電視年度壓軸盛事《萬千星輝頒獎典禮 2023》將於周日(1月 14 日)假澳門上葡京綜合度假村隆重舉行。大會陸續向外發布各獎項十強及「最具潛質新人」候選人官方場刊照,「大合照」依然保留P圖過火的傳統,唔少藝人出現身高離奇縮水,妝容顯老等問題,不過有「出事組」亦有「福利組」,一齊睇睇!

TVB頒獎禮宣傳照 繼續玩P圖

同往年相比,TVB發布宣傳照出來的效果依然是唔合格,多張宣傳照都被P到與背景格格不入,非常奇怪!似乎玩「P圖」已經成為一年一度的指定動作!騎呢程度更勝從前!

萬千星輝頒獎典禮2023 「飛躍進步女藝員」十強
「飛躍進步女藝員」十強(圖片來源:TVB
萬千星輝頒獎典禮2023 「飛躍進步男藝員」十強
「飛躍進步男藝員」十強(圖片來源:TVB
萬千星輝頒獎典禮2023 萬千星輝頒獎典禮2022 宣傳照 萬千星輝頒獎典禮2022 未知是否因為各藝人都太繁忙,所以大合照就好似積木咁逐個對上去,非常奇怪
同舊年的2022宣傳照比較,今年的P圖問題依舊冇改善,就好似積木咁逐個對上去,非常奇怪((圖片來源:TVB

重溫2022年騎呢宣傳照:汪明荃P到好似飲醉酒 羅毓儀變「凌空」?

重溫2022年宣傳照,大部分照片都出現偏紅的情況,特別以汪明荃的宣傳照為例,身穿一身高貴晚裝裙的汪阿姐,塊面卻被P到好似飲醉酒一樣。部分女藝人更因為姿勢問題,搞到出來的效果變得非常滑稽,例如羅毓儀就成個人「凌空」咗。

萬千星輝頒獎典禮2023 萬千星輝頒獎典禮2022 宣傳照 萬千星輝頒獎典禮2022 阿姐塊面被P到仲紅過條晚裝。
阿姐塊面被P到仲紅過條晚裝。(圖片來源:微博@TVB官方微博)
萬千星輝頒獎典禮2023 萬千星輝頒獎典禮2022 宣傳照 萬千星輝頒獎典禮2022 羅毓儀就變凌空
羅毓儀就變凌空!(圖片來源:官方提供)

2023年宣傳照仲破格:游嘉欣眼袋浮現 炎明熹晚裝似潔廁刷!

除此之外,個別女藝人的造型都「出事」,以「A0女神」游嘉欣的宣傳照為例,面色泛黃,仲有眼袋浮現,未知是否妝容累事,似足10日冇瞓過覺咁,相當顯老!而另一位今屆「女飛躍」大熱的何沛珈就有明顯色差問題,面容偏黑、下身偏白,髮型亦較其他女藝人老土,認真扣分!至於炎明熹早前「蝴蝶」遮胸亮相大騷夠晒搶眼,今次宣傳照以一身白色晚裝示人,不過其設計就被網友嘲似潔廁刷!更離奇是《聲夢傳奇》出身的潘靜文雖然冇服裝災難,但就疑似「黑面」,難道是得罪了揀相的小編?

萬千星輝頒獎典禮2023 以游嘉欣的宣傳照為例,面色泛黃,仲有眼袋浮現,未知是否妝容累事,似足10日冇瞓過覺咁,相當顯老!
以游嘉欣的宣傳照為例,面色泛黃,仲有眼袋浮現,未知是否妝容累事,似足10日冇瞓過覺咁,相當顯老!(圖片來源:TVB
萬千星輝頒獎典禮2023 今屆「女飛躍」大熱的何沛珈就有明顯色差問題,面容偏黑、下身偏白,髮型亦較其他女藝人老土,認真扣分!
今屆「女飛躍」大熱的何沛珈就有明顯色差問題,面容偏黑、下身偏白,髮型亦較其他女藝人老土,認真扣分!(圖片來源:TVB)
萬千星輝頒獎典禮2023 更離奇是《聲夢傳奇》出身的潘靜文雖然冇服裝災難,但就疑似「黑面」,難道是得罪了揀相的小編?
更離奇是《聲夢傳奇》出身的潘靜文雖然冇服裝災難,但就疑似「黑面」,難道是得罪了揀相的小編?(圖片來源:TVB)
萬千星輝頒獎典禮2023 至於炎明熹早前「蝴蝶」遮胸亮相大騷夠晒搶眼,今次宣傳照以一身白色晚裝示人,不過其設計就被網友嘲似潔廁刷!
至於炎明熹早前「蝴蝶」遮胸亮相大騷夠晒搶眼,今次宣傳照以一身白色晚裝示人,不過其設計就被網友嘲似潔廁刷!(圖片來源:TVB)

傅嘉莉劉穎鏇玩長腿放題 做「養眼擔當」

今日發布靚相以「女飛躍」大合照最為搶焦,當中亦有養眼擔當!長腿女神劉穎鏇、戴祖儀、傅嘉莉以高貴晚裝上陣兼鬥晒美腿外,陳楨怡的低胸透視露腰裝亦別具美感。傅嘉莉穿上性感戰衣,其坐姿更疑似露出神秘三角,非常誘人!她表示:「我都希望今年可以攞埋最佳衣著獎,我到時會著得好閃耀。」戴祖儀則搞笑爆料指遭父親「睇死」:「我絕對冇諗過我會陪跑架,話我會陪跑嗰個係我爸爸咋,今年我覺得有信心嘅,因為《香港人》個角色我自己落咗好多苦功,都好慶幸劇集出街時都獲得咗好評。」

而今年先後憑《廉政狙擊》及《新聞女王》的突破性演出贏盡關注的陳楨怡,透露其實一直有默默受訓為挑戰打女路線做準備:「我一星期有 Train 兩次劍術,同理古裝通常都有打劍動作,學咗一定有好處。」

萬千星輝頒獎典禮2023 長腿女神劉穎鏇
長腿女神劉穎鏇(圖片來源:TVB)
萬千星輝頒獎典禮2023 傅嘉莉穿上性感戰衣,其坐姿更疑似露出神秘三角,非常誘人!
傅嘉莉穿上性感戰衣,其坐姿更疑似露出神秘三角,非常誘人!(圖片來源:TVB )

《聲夢》學員大合照企正C位

另外在「最具潛質新人」宣傳照,有網友發現唔少《聲夢》學員炎明熹、冼靖峰、黃奕斌企正C位,似足群星拱照《聲夢》,地位明顯高啲!有份爭獎的詹天文受訪感激粉絲落足力支持:「好感動,佢哋凌晨時分都仲投緊票。」

憑《亞洲超星團》人氣攀升不少的黃星綽及文佐匡不約而同透露透過參與《超星團》節目拍攝經歷很多兼成長不少。「東張女神」陳懿德則選擇以搞笑的「自爆年齡系列」路線拉票:「其他參賽者細過我好多,我尾班車,希望大家可以投票畀我支持吓。」

李佳芯1原因自我放棄拒爭獎

2023最佳主持方面,所有候選女星都盡情展現自己靚靚一面,參與場刊拍攝。陳庭欣和麥美恩都穿著低胸紅裙,展示出迷人的事業線。然而,李佳芯(Ali)作為即將合約到期的藝人,卻選擇了沿用在《萬千星輝賀台慶2023》時所穿的掛頸七彩長裙做宣傳照,沒額外準備戰衣上陣,似是自我放棄的感覺。

萬千星輝頒獎典禮2023 李佳芯Ali)作為即將合約到期的藝人,卻選擇了穿著在《萬千星輝賀台慶2023》時所穿的掛頸七彩長裙做宣傳照,沒額外準備戰衣上陣,似是自我放棄的感覺。
李佳芯(Ali)作為即將合約到期的藝人,卻選擇了穿著在《萬千星輝賀台慶2023》時所穿的掛頸七彩長裙做宣傳照,沒額外準備戰衣上陣,似是自我放棄的感覺。(圖片來源:TVB)

已憑《無窮之路》系列兩度勇奪「最佳女主持」的陳貝兒,今年再憑《無窮》系列入圍「女主持」十強,對此貝兒坦言《無窮》系列帶給她無限美好回憶,並謂對於能否再攞獎要隨緣:「之前兩年都有攞到獎,今年再入十強非常開心。嗰兩個獎我一直放喺客廳當眼處,激勵自己繼續努力,已經好開心同好滿足。」

至於去年單拖為台慶頒獎禮擔任主持並贏盡掌聲的周奕瑋,由於本身專業又有功架,加上過去一年先後主持了不同類型的綜藝節目,不但令他成為今年「男主持」頂頭大熱,更入圍「男飛躍」最後十強,對此周奕瑋謙稱很意外:「冇諗過仲可以(入圍)飛躍(10 強),今年算係非常豐收嘅一年,我睇番入圍名單,原來自己過去一年做咗咁多唔同類型嘅嘢。」

至於現為娛樂新聞台主播之一的許文軒,與周奕瑋一樣同時入圍「男主持」及「男飛躍」十強,對此許文軒笑言「入圍當贏咗」:「有本場刊永遠記錄低呢件事,仲要換咗兩套衫喎,我覺得自己已經攞咗獎。」

萬千星輝頒獎典禮2023 已憑《無窮之路》系列兩度勇奪「最佳女主持」的陳貝兒,今年再憑《無窮》系列入圍「女主持」十強,對此貝兒坦言《無窮》系列帶給她無限美好回憶,並謂對於能否再攞獎要隨緣
已憑《無窮之路》系列兩度勇奪「最佳女主持」的陳貝兒,今年再憑《無窮》系列入圍「女主持」十強,對此貝兒坦言《無窮》系列帶給她無限美好回憶,並謂對於能否再攞獎要隨緣(圖片來源:TVB)
萬千星輝頒獎典禮2023 娛樂新聞台主播之一的許文軒,與周奕瑋一樣同時入圍「男主持」及「男飛躍」十強,對此許文軒笑言「入圍當贏咗」:「有本場刊永遠記錄低呢件事,仲要換咗兩套衫喎,我覺得自己已經攞咗獎。」
娛樂新聞台主播之一的許文軒,與周奕瑋一樣同時入圍「男主持」及「男飛躍」十強,對此許文軒笑言「入圍當贏咗」:「有本場刊永遠記錄低呢件事,仲要換咗兩套衫喎,我覺得自己已經攞咗獎。」(圖片來源:TVB)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:圖片來源:TVB