盧海鵬

萬千星輝頒獎典禮2023|盧海鵬曾自揭因1病右眼失明 孤身留香港全靠佢幫忙

最新娛聞

廣告

《萬千星輝頒獎典禮2023》在今晚(14日)舉行,每年台慶頒獎典禮都必定星光熠熠,令不少觀眾都表示非常期待。今晚82歲老戲骨盧海鵬更驚喜現身擔任頒獎嘉賓。今晚表現相當精靈的盧海鵬,日前接受鄧英敏訪問時分享近況,自揭近年原來因1病令右眼失明!

萬千星輝頒獎典禮2023|盧海鵬驚喜現身擔任頒獎嘉賓

盧海鵬今晚與戚美珍、賈思樂一齊驚喜現身《萬千星輝頒獎典禮2023》,為「最佳男主持」、「最佳女主持」擔任頒獎嘉賓。盧海鵬已經年過80歲,雖然在台上需要戚美珍從旁攙扶,但可見盧海鵬依然非常精靈,仲好有中氣添!

盧海鵬 盧海鵬驚喜亮相台慶!
盧海鵬驚喜亮相台慶!(圖片來源:TVB影片截圖)

82歲盧海鵬自揭因1病右眼失明

盧海鵬日前出席由無綫電視藝員訓練班畢業同學組成的「藝進同學會」聚會,期間更接受了藝訓班的同班同學鄧英敏訪問。當鄧英敏問到盧海鵬最近身體情況時,盧海鵬中氣十足地表示沒有什麼大礙,只是「以前搞到自己隻眼盲咗」,盧海鵬解釋指:「因為長期糖尿啊,引致隻眼青光眼,都冇辦法醫到,知道都無得醫了。右眼就盲咗嘅,另一隻就冇事」。

盧海鵬 盧海鵬表示近年因長期糖尿導致右眼失明。
盧海鵬表示近年因長期糖尿導致右眼失明。(圖片來源:YouTube@老友鬼鬼)

失明後依然每日堅持做「呢件事」

雖然盧海鵬因糖尿病而導致右眼失明,但他依然注意身體健康,早前就有報道指盧海鵬會每天與周潤發一起跑步。盧海鵬在接受訪問時指自己每早都會堅持跑步:「全靠朝朝早跑步啊。(跑步係急跑?定慢跑?)梗係慢跑啦,我能唔能夠急跑先?就算係急跑都會死人,個心臟都負荷唔起了。」盧海鵬更表示每日都會跑足一個鐘,跑完步後就會買麵包當早餐,非常健康。

盧海鵬 雖然右眼失明,但盧海鵬依然非常注重健康,每日都會堅持晨跑。
雖然右眼失明,但盧海鵬依然非常注重健康,每日都會堅持晨跑。(圖片來源:YouTube@老友鬼鬼)

孤身獨留香港 未必復出演戲

當被問到農曆新年會否到海外過年時,盧海鵬就表示沒有特別打算,又指家人都在海外,過節都會自己一個留在香港:「冇咩打算,過咩節都係咁嘅,我啲人又冇曬喺到,屋企人全部喺加拿大,剩番我一個喺度啫。大陸嘅屋企人呢就死曬。」至於復出拍戲方面,盧海鵬就直言:「演出就難講啦,自己覺得可以做咪做下囉。做戲嘅嘢你撩到就有戲癮,你唔撩就係咁呆呆滯滯囉,年紀都唔細㗎喇。」

盧海鵬 2022年盧海鵬久休後參與網劇《千金難買心頭獎》。
2022年盧海鵬久休後參與網劇《千金難買心頭獎》。(圖片來源:《千金難買心頭獎》劇照)

一度百病纏身 全靠戚美珍陪同就醫

盧海鵬已經年過80,曾與他愛《歡樂今宵》飾演一對鬥氣冤家的林建明,同樣在接受鄧英敏訪問時就大爆盧海鵬身體一度出現問題,孤身留港的盧海鵬全靠「三嫂」戚美珍陪同就醫:

當時盧海鵬身體就有啲問題,佢(戚美珍)就成日打電話Check住,盧海鵬眼睛有問題又陪住佢,book埋醫生,捉埋佢同佢一齊睇,畀埋錢。眼之後就到心臟有問題,跟住又陪佢去心臟科,照顧周到。

林建明更指自從盧海鵬與周潤發一起行山之後身體進步不少:「早排都唔係好行得,冇乜力,但經過成年之後都OK,但呢啲都係全靠阿戚推動佢踏出呢一步。」

盧海鵬 林建明早前在訪問中爆料指盧海鵬一度百病纏身,全靠戚美珍陪同就醫。
林建明早前在訪問中爆料指盧海鵬一度百病纏身,全靠戚美珍陪同就醫。(圖片來源:YouTube@老友鬼鬼)
盧海鵬 戚美珍出錢出力認真唔話得。
戚美珍出錢出力認真唔話得。(圖片來源:《志雲飯局》截圖)
盧海鵬 戚美珍更介紹盧海鵬同周潤發跑步、行山。
戚美珍更介紹盧海鵬同周潤發跑步、行山。(圖片來源:微博@曾華倩)

一齊睇片:

盧海鵬在接受鄧英敏訪問時自揭因1病令到右眼失明!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:YouTube@老友鬼鬼、微博@曾華倩、《千金難買心頭獎》劇照資料或影片來源:YouTube@老友鬼鬼