《女神配對》葉蒨文曾展望驚爆拍拖「打風睇戲」同居關係傳聞再被提起！

3號風球下斷正 葉蒨文曾展望前後腳入場勁小心

颱風韋帕逐漸迫近，天文台懸掛三號風球之際，葉蒨文與曾展望的愛火似乎越燒越旺！今日傍晚時分，兩人被直擊現身數碼港戲院。為免戀情曝光，兩人默契十足地分開行動，只見戴上口罩的GM先行到場視察環境，確認人流稀少後，身穿綠色連身裙、同樣戴上口罩的葉蒨文才在5分鐘後現身會合，一同入場觀看電影《超人》。儘管全程小心翼翼，但兩人偷偷約會的甜蜜畫面依然被完整捕捉，斷正一刻可謂證據確鑿。

網民睇好戲假情真：佢哋真係好襯！

自《女神配對計劃》播出以來，葉蒨文與曾展望這對CP已深得觀眾喜愛，坊間一直希望他們能有情人終成眷屬，甚至一度傳出兩人早已同居。雖然GM已否認同居，但無損網民對他們的熱情，紛紛洗版留言：「佢哋真係好襯！快啲一齊啦！」、「GM為咗Sophie先參加節目，呢啲咪係真愛囉！」、「睇到好肉緊，拜託原地結婚！」。如今兩人秘密約會的畫面曝光，相信一眾支持他們的粉絲都會感到非常興奮，期待他們盡快公開好消息。

葉蒨文、曾展望 3年前緣份早有伏線！

曾展望驚喜參加《女神配對計劃》，喺鏡頭前向葉蒨文大膽表白！原來二人早在《大師兄感謝祭 》玩「夾面包」已經充滿粉紅浪漫，相信當時幕後都早知二人是一對，翻查紀錄，其實二人喺幾年前，曾於 J2節目《不能只有我看到的 便利店追女神食譜》中合作並撐過枱腳，席間GM仲向葉蒨文花式示愛，哄得女神又羞又喜！

私下鮮聯繫 節目重逢真情流露

真誠說詞配以殺食甜笑，令Sophie零猶豫情況下直衝曾展望：「我唔需要嗰五秒喇，由開閘嗰吓我已經揀咗（GM）喇！」葉蒨文為曾展望戴上「心動頸鏈」時，二人全程不敢望對方之餘，還忍不住一再甜笑，粉紅氣場濃罩拍攝現場！據知葉蒨文與曾展望拍完《愛‧回家》之後，私下已近乎沒有聯絡，故曾展望今次參加《女神配對計劃》令葉蒨文十分驚喜，並忍不住向GM說道：「曾展望，好耐冇見」，果然是真情流露。

曾展望直播回應同居傳聞：我都想！

節目播出後，多位網友在留言區指出二人原來半年前早就在荃灣某Apartment單位合租同居，對於「同居傳聞」甚囂塵上，在星期一晚TVB Plus 的直播節目《奇情谷》內，吳若希追問曾展望是否已經與葉蒨文同居，又表示如果屬實要送上恭喜，曾展望就直接否認傳聞，但保留了開放空間： 「（同居）我都想係！不過我未有咁嘅福份，多謝大家！」