蒼井空

蒼井空拋4吋事業線 性感谷新劇

34歲前AV女優蒼井空日前著上一襲低胸貼身紅裙,同拍檔大浦龍宇一及永澤俊矢齊齊出席活動,宣傳佢首次主演嘅深夜劇《逃亡花》,雖然「蒼老師」婚後多咗唔少幸福肥肉地,但佢今次為宣傳新劇谷行4吋事業,依然性感誘人!

撰文:東方新地|圖片:新傳媒圖片庫

蒼井空 再拍《孃王》監製

蒼井空新劇《逃亡花》將於本周六(4月14日)首播,睇翻蒼井空首次正式拍劇係05年深夜劇《孃王》,當時同佢合作過嘅劇集監製森田昇大讚蒼井空喺《孃王》表現出色,所以今次先決定搵佢擔正新深夜劇《逃亡花》,又指當年《孃王》嘅成功蒼井空有好大功勞,令蒼井空即場感動爆喊。

蒼井空
獲讚05年喺《孃王》表現出色,令蒼井空感動爆喊。
蒼井空
蒼井空同拍檔大浦龍宇一及永澤俊矢一齊扭出S腰pose。

蒼井空

老公唔過問工作

蒼井空今年元旦閃嫁DJ NoN,講到今次新劇有唔少瞓身肉搏嘅情慾戲,蒼井空笑言老公唔會過問佢嘅工作,畀佢好大自由,所以工作雖然很辛苦,但對佢嘅家庭都冇影響。

蒼井空
蒼井空今年元旦閃嫁DJ NoN,升呢做人妻,佢話今次拍劇唔會影響佢嘅家庭生活。

蒼井空

新婚幸福肥

蒼井空曾直言渴望結婚生仔,佢新婚後心廣體胖,變得面圓圓勁好肉地,難怪被傳有喜,但呢日出席活動,佢穿著貼身窄裙,力證冇凸肚。

蒼井空
新婚快樂嘅蒼井空面圓圓現出雙下巴。

蒼井空

蒼井空
不過蒼井空穿著窄身裙仍然冇凸肚,澄清懷孕傳聞。

新劇連場肉搏

《逃亡花》改編自同名漫畫,蒼井空飾演被誣告謀殺親夫嘅女主角小園井咲子,佢喺新劇中搏到盡,預先張揚會有連場瞓身肉搏戰,睇拍攝現場嘅劇照,就見到蒼井空笑住同拍檔生島勇輝拍攝床上戲,雖然肉帛相見,但對「蒼老師」都係濕濕碎!

蒼井空蒼井空

蒼井空
睇翻拍攝安排,可以發現蒼井空飾演嘅小園井咲子有多場裸戲。
蒼井空
影宣傳海報相時,蒼井空亦有半露酥胸兼晒腿。

關鍵詞
蒼井空