蔡一傑

蔡一傑拍劇14日冇瞓 母病逝只放兩日假 暗指無綫收買人命

最新娛聞

廣告

蔡一傑入行多年,在舞台上身經百戰,原來當年紅到發紫的他,亦曾經在無綫拍劇一嘗做男主角滋味。蔡一傑日前上陳敏之的YouTube頻道節目《Chi Chat》做嘉賓,重提當年拍劇辛酸,連續14日沒有睡覺,即使母親病逝,無綫只放他兩日假,復工開更要他拍開心狂笑的場口,令蔡一傑精神崩潰。

撰文:東方新地 圖片:YouTube頻道節目《Chi Chat》影片截圖、[email protected]蔡一傑

蔡一傑14日內5分鐘都冇瞓過

蔡一傑@草蜢唔止唱得跳得,原來做過劇集男主角,他在陳敏之的YouTube頻道節目《Chi Chat》做嘉賓,大談當年拍劇的辛酸,蔡一傑先問陳敏之拍戲時試過最長有幾多天沒休息,陳敏之說:「我最耐試過3日冇瞓覺、冇沖涼冇落妝,啲妝照化上去,身體入面好似腐爛咗咁,我覺得入面嘅器官好似揦埋咗一舊。」而蔡一傑就仲誇張,他指自己試過14日冇休息過。

蔡一傑 陳敏之先講自己曾經為拍劇3日冇瞓同冇沖涼。
陳敏之先講自己曾經為拍劇3日冇瞓同冇沖涼。(圖片來源:YouTube頻道節目《Chi Chat》影片截圖)
蔡一傑表示最長試過14日冇瞓,陳敏之感到好驚訝。
蔡一傑表示最長試過14日冇瞓,陳敏之感到好驚訝。(圖片來源:YouTube頻道節目《Chi Chat》影片截圖)

唔畀自己坐低

蔡一傑說︰「入行第9年,約26歲左右,當年東南亞周圍走,仲要拍無綫劇……我最長係14日,真係連5分鐘都未曾試過瞓覺,外景、廠景、外景、廠景一路接落去,我嗰時同Chi Lam拍《沖天小子》,我係做主角,變咗每一個場口都有我。我唔可以畀自己坐低,唔可以坐低,因為一坐低就會瞓……唔夠瞓人都癲,我每日就淨係飲雞精,用嚟補充體力,撐住整個人,14日呀!」

蔡一傑表示連5分鐘都冇瞓,驚自己一瞓就昏迷。
蔡一傑表示連5分鐘都冇瞓,驚自己一瞓就昏迷。(圖片來源:YouTube頻道節目《Chi Chat》影片截圖)
當年蔡一傑所拍的劇是《沖天小子》,由草蜢及Chilam做主角。
當年蔡一傑所拍的劇是《沖天小子》,由草蜢及Chilam做主角。(圖片來源:YouTube頻道節目《Chi Chat》影片截圖)
蔡一傑連坐都唔畀自己坐。
蔡一傑連坐都唔畀自己坐。(圖片來源:YouTube頻道節目《Chi Chat》影片截圖)

累到情緒失控

最慘就是當年蔡一傑的母親因癌病住院,他要趁拍劇放飯時爭取時間兩邊走,心力交瘁……最慘母親過身當日,蔡一傑根本累到反應不來,去到醫院望住母親,摸住她的手仍有餘溫,他對自己說母親只是睡著了,在病房門外呆站3小時,最後醫護人員要為其母打包,蔡一傑終於崩潰,情緒完全失控,瘋狂痛哭,最後無綫只讓他放兩日假,復工後更要即拍一場好開心的戲,蔡一傑提出押後拍攝被拒,他唯有收拾心情對鏡頭狂笑,導演一cut機,他即衝去角落痛哭,並形容自己像一個活死人。

蔡一傑表示當年自己的情緒完全是失控。
蔡一傑表示當年自己的情緒完全是失控。(圖片來源:YouTube頻道節目《Chi Chat》影片截圖)
即使母親病逝,蔡一傑都要頂硬上,繼續拍開心狂笑戲。
即使母親病逝,蔡一傑都要頂硬上,繼續拍開心狂笑戲。(圖片來源:YouTube頻道節目《Chi Chat》影片截圖)

網民質疑真確性

不少網民對蔡一傑14日不眠不休的經歷都存疑,留言指:「有可能14天不眠不休嗎」、「水份超多」、「正常人14日唔瞓會死吧」等等,亦有人講出重點,直指無綫向來使人唔使本。

蔡一傑
(圖片來源:YouTube截圖)
蔡一傑
(圖片來源:YouTube截圖)
蔡一傑
(圖片來源:YouTube截圖)

爆梅姐高招捧草蜢

此外,蔡一傑亦提到當年梅姐如何獨具慧眼,如何培育出獨當一面的草蜢,他說:「梅姐真係好高招,當年佢喺華星唱片,我哋又準備出唱片,如果我哋都入華星,一定有閒言話我哋靠梅姐大石擲死蟹,最後梅姐話要丟我哋去另一間唱片公司發展,我哋要自己獨立同努力,結果我哋去咗寶麗金,係梅姐話畀我哋知做人要努力,我同自己講要更加努力,要做好畀梅姐睇!」蔡一傑表示對梅姐的提攜銘記於心。

蔡一傑憶起當年梅姐親自找他上公司見面。
蔡一傑憶起當年梅姐親自找他上公司見面。(圖片來源:YouTube頻道節目《Chi Chat》影片截圖)
原來梅姐親自邀請蔡一傑做紅館表演嘉賓。
原來梅姐親自邀請蔡一傑做紅館表演嘉賓。(圖片來源:YouTube頻道節目《Chi Chat》影片截圖)
蔡一傑與梅姐第一次同台表演。
蔡一傑與梅姐第一次同台表演。(圖片來源:YouTube頻道節目《Chi Chat》影片截圖)
蔡一傑 梅姐安排初出道的草蜢去另一間唱片公司,即係保寶金。
梅姐安排初出道的草蜢去另一間唱片公司,即係寶麗金。(圖片來源:YouTube頻道節目《Chi Chat》影片截圖)
蔡一傑表示與梅姐的師徒情永世難忘。
蔡一傑表示與梅姐的師徒情永世難忘。(圖片來源:[email protected]蔡一傑)

去片!睇陳敏之與蔡一傑為拍劇唔使瞓!

讀者留言