蔡一智 黃心穎 兄妹重逢
撞樣藝人大典中，包括Rubber Band泥鯭同林海峰、阮兆祥同盧覓雪、農夫C君同歌手小肥、車婉婉同卓韻芝等，當然唔少得網民公認似樣似到講笑係落妝前後的蔡一智、黃心穎「兄妹」！呢pair「兄妹」終於碰頭，仲齊齊撥弄長髮搞搞新意思。
早前，黃心穎BB同蔡一智被網民指撞樣，更將二人的照片拼在一起，寫住「妝前妝後」，妝前就係蔡一智，而妝後就係心穎BB，驟眼睇又真係有幾分相似。
當時心穎BB就在社交平台大方留言話：「哈哈！竟然俾人識穿我哋『兄妹』嘅身份！」而「哥哥」蔡一智亦搞笑回應：「阿妹你好！」網民認為二人相似度達80%，有廣告商睇中呢個賣點，邀請二人合作拍廣告！
二人一身黑白配打扮，散開一頭長髮拍廣告，當然亦把握機會來張「兄妹重逢」合照！
