預告片半裸濕身未算最激！蔡卓妍 大跳性感鋼管舞

蔡卓妍 大跳性感鋼管舞

阿Sa昨日到旺角出席英皇電影《非分熟女》優先場謝票，她接受訪問時被記者問到，日前她接受訪問表示若男友想結婚她會作出配合，阿Sa澄清：「我係話依家狀態好開心，下一秒會發生咩事冇人知，遲啲先算，個天會話畀你聽，總之唔會衝動。」問會唔會好似當年咁瞞婚？她說：「唔會，瀨過一次嘢，希望得到祝福。」

跳鋼管舞增加情趣

講到戲中要身穿性感舞衣跳鋼管舞，她表示：「跳完都發覺周身瘀晒，腳趾甲都爆埋！但跳嗰陣腎上腺素好高唔覺痛。（會唔會再學，跳畀男朋友石恆聰睇增加情趣？）唔使樣樣都喺嗰方面諗，都係一種運動，會更加了解自己，對住塊鏡知道自己點樣最靚，係一個勇敢大挑戰，好似舞衣好少布，我第一次去練習要加條短褲，但去到發現個個都係咁着，反而我覺得好尷尬，做呢一樣嘢咁樣着係好合理。」

聲帶問題困擾一年

阿Sa聲帶出現問題已困擾她一年時間，因此要暫停歌唱事業，連Twins巡迴演唱會也要暫停：「暫時未知幾時可以再唱歌，同埋上次香港站病住都死頂嘅後遺症，都轉過幾個醫生，甚至叫我唔好講嘢，可能係上天畀啟示我，叫我呢一年專心拍戲。」

阿Sa直言每次拍戲均會全情投入至筋疲力盡，這次拍《非分熟女》亦不例外，尤其跳鋼管舞一場，直呼有血有汗：「練習了好一陣子，拍攝時高度集中，腎上腺素升到好高，當時冇感覺，後來先發現腳趾瘀晒、腳甲流晒血，十指痛歸心！」

被看好問鼎金像獎影后

對於被看好有力問鼎金像獎影后，阿Sa說：「如果每次拍戲都諗住攞獎，你唔會喺最自然狀態演出，呢個順其自然啦！」《非分熟女》獲多個外國影展力邀參展，如已確定成為今屆荷蘭亞洲電影節的閉幕電影。

戲中阿Sa扮演與丈夫性生活不協調至婚姻破裂的中女，碰上「廚師」吳慷仁引發激情，從而衝破心理障礙。二人的情慾戲「發生」在廚房。

從影最激

在較早前的預告片中，阿Sa在浴室以全裸背部示人，濕透的身體有所動作，再配合阿Sa的獨白：「我結咗婚，除此之外，我冇嘢可以形容自己，我根本唔知自己係邊個，又或者我將自己變成咗一個連自己都唔認識嘅人……」

之後，她再補上最爆炸性的2句：「結咗婚4年，依然係處女！」令人有莫大的想像空間。

獲邀參展

多個外地影展對《非分熟女》相當感興趣，紛紛提出參展邀約，首個落實的影展就是今年3月舉行的「第12屆荷蘭亞洲電影節」。

延伸閱讀：

細數TVB女星經典鋼管舞演出

朱晨麗《棟仁的時光》

除咗阿Sa，近年TVB唔少劇都安排女藝人表演鋼管舞。好似朱晨麗咁佢喺無綫新劇《棟仁的時光》劇中飾演鋼管舞女郎，暗戀男主角袁偉豪，佢透露為咗劇中多場鋼管舞戲份，曾經跟老師苦練咗幾個月舞，練到手腳都瘀晒：「因為要將成個人凌空抽起，要好大手力先得，所以仲要練埋啞鈴！」

朱晨麗在《棟仁的時光》中飾演Hailey Mok莫熙蓮，除咗係酒吧跳鋼管舞嘅舞者，仲係鋼管舞教室嘅創辦人，暗戀幼時同佢一樣係孤兒嘅男主角袁偉豪。

練到周身瘀，仲要每日不停堅持練習，真係唔容易！

佢話：「《棟仁的時光》入面我要跳鋼管舞，需要用好大力量去夾住鋼管，所以跳嘅時候好痛，為咗練手力，我仲特登買咗兩個啞鈴返屋企，朝早起身或者訓覺前都舉百幾下，練到手腳都瘀晒，真係好佩服鋼管舞者，除非開續集，唔係我真係唔想再跳！」

陳法拉 2010年《誘情轉駁》

除咗朱晨麗外，仲有陳法拉當年喺《誘情轉駁》中都曾經表演鋼管舞，當中跳出唔少高難度動作，大受觀眾讚賞。

陳法拉跳嘅鋼管舞表演被觀眾視為經典。

沈卓盈、胡定欣 2009年《古靈精探B》

「沈大師」沈卓盈同胡定欣喺《古靈精探B》嘅鋼管舞演出比陳法拉更早一年播出，但動作就較簡單，勝在夠火辣性感。

胡定欣更谷出洶湧澎湃嘅身材！

譚凱琪 2017年《誇世代》

去年《誇世代》中譚凱琪亦有著熱褲大跳鋼管舞！