蔡少芬 朱茵舉家豪遊迪士尼

藝人 蔡少芬 (Ada)與張晉錫女錫到燶,雖然兩人經常返國內開工,但返到香港必定親自接送兩個囡囡返學放學。今月初適逢細女信兒4歲生日,Ada早前在迪士尼樂園酒店為愛女大搞公主生日會,連開六圍招呼好友!日前就再包導賞團,請埋朱茵一家三口及數名友人暢遊迪士尼樂園,開P加遊樂園的費用,估計最少要15萬!

好友聚舊慶祝

Ada與張晉的大女楚兒5歲、細女信兒則4歲。夫婦二人對待女兒如珠如寶,對細女更加係溺愛,所以Ada早前幫信兒喺迪士尼搞咗個主題生日會,每個活動同設施都逐樣計錢,請個真人扮公主用咗成萬蚊,包一個公主宴會廳又使咗十幾萬!不過小朋友搞生日會,大人都可以趁機會聚舊,當日Ada的好姊妹朱茵、洪茵及陳法蓉等都有出席,黎姿更帶埋三個寶貝女到賀。

06 4c0aec55gy1fdmb9goqqdj20ku0v978s

07

物質供應當補償

開完燒錢生日會後,日前Ada相約朱茵一家三口及多位友人,一行十多人再去迪士尼狂歡!為了唔排隊玩園內的遊戲與設施,佢哋參加了「迪士尼賞樂之旅」,分成六人一組,包了兩個觀光款待專員,全程三小時每個款待專員要收$5,688。連埋入場費,Ada又再豪逾花2萬元!當日兩個小公主玩得好開心,不時同朱茵囡囡一齊跑跑跳跳,由於全程不用排隊,所以玩了好多遊戲!

08

Rock友變慈父

平時Rock爆的黃貫中(Paul),對住可愛女兒黃鶯時慈父相盡現,一臉柔情,真係好少見!而媽媽朱茵一樣玩得好開心,展露甜美笑容,女神風采依舊!

09

兩公婆拍住上

回想起九年前Ada嫁張晉時,張晉知名度不及老婆高,被指女尊男卑。現時張晉已衝出中港進軍荷里活,身價跳升百倍,與在國內發展的Ada吸金力同樣強,再加上近年女方投資有道,不停把錢變磚頭,先後買入元朗爾巒維尼亞大道雙號屋、灣仔囍匯豪宅等,再加埋早年買的凱旋門及錦繡花園,二人最少揸住五個總值過億的物業。日前二人更揸住價值逾70萬的Tesla Model X揭翼車接送兩個女返學。

臨返學前都要錫錫!

全文完