蔡思貝為好姐妹慶生 大爆雙方素顏及床照！

蔡思貝為好姐妹慶生

昨日，賴慰玲32歲生日，好姊妹蔡思貝於個人社交網上載多張閨蜜相上網慶壽星女生日，當中除咗有買餸、旅行相外，亦有二人素顏及床照等，大顯二人友好程度！

蔡思貝大爆雙方素顏及床照

上年，賴慰玲突然宣布懷孕，做未婚媽媽。今年，她已是一子之母，仲有好姊妹蔡思貝「出賣」床照同素顏相上網任人睇，相信賴慰玲今個生日都非常難忘！

由於早期蔡思貝曾經飽受外界對其的負評，但幸得與壽星女一直互相扶持，令蔡思貝感觸留言：「賴慰玲生日大快樂！我哋一齊去旅行、一齊去青春食杯麵、一齊搬屋、一齊食好嘢、一齊去做師奶買餸！一齊笑笑哭哭，一齊經歷，I love you ! ! 多謝你同我過嘅每一秒，without you I won’t survive。我祝你家庭幸福快樂，有好美滿嘅事業，保持你獨特吸引嘅個性 ！」

一睇留言就知大家係對方心目中有幾重要，二人去到邊都好似孖公仔咁，連叮嘢食都要影番張相，認真好感情！

就連行超級市場入貨都要影，兩個人仲笑哂口咁繑手行，真係姊妹情深，應該打風都打唔甩啦！

上年賴慰玲生b，蔡思貝去醫免採望好姊妹同bb外，仲留言hashtag留言：「#以前係賴慰玲照顧我#依家生左都係」

賴慰玲囝囝 被封新一代柔情星B

賴慰玲（Winki）喺囝囝兩個月大嘅時間首次分享囝囝的正面照，嗰陣已經有唔少網民留言話：「好靚仔！」仲話囝囝雙眼皮好深好靚呀！佢分享囝囝萌照之餘，仲留言話：「仔呀仔，到底你真係識笑？定係面部肌肉練習呢？」原來呢一「笑」，搞到媽咪「心都溶埋」，真係好Sweet呀！

隨住Marat愈大，日日個樣都唔同，賴慰玲都忍唔住成為晒娃一族，同網民分享可愛囝囝的日常生活照。喺Marat百日宴，賴慰玲晒娃之餘，亦公佈囝囝中文名叫「梁進也」

久而久之，Marat間唔時都會喺Winki社交網站出現！

囝囝仲好鍾意笑㖭！

到Marat識轉身，Winki又有另一番體會。

到Marat六個月大生日會，一班契媽都嚟同佢慶祝！

自從六個月之後，小Marat就開始展現佢柔情的一面啦！網民都紛紛留言話：「佢個樣好似好乖咁呀！」

好多人都話BB似媽媽，大家又覺得呢？

囝囝坐「嬰兒車界勞斯萊斯」

早前，Winki帶囝囝「出巡」，見佢身穿一身黑色上衣，牛仔褲配上運動鞋，產後絕對不失風采。面尖尖嘅Winki推住的BB車為英國皇室御用品牌Silver Cross，被譽為「嬰兒車界勞斯萊斯」，睇嚟囝囝人仔細細已經過住有如小王子般的生活！

除咗Winki，胡杏兒囝囝都用緊呢款BB車！唔講唔知，伊莉莎白女王、查理斯王子、威廉王子、到王妃凱特的喬治王子都係坐著這品牌的BB車長大。