蔣家旻

美麗戰場|蔣家旻自爆享受做賤人 葉念琛下令「谷盡上半身」原因公開

最新娛聞

廣告

新劇《美麗戰場》於10月3日播放,但32歲蔣家旻唔係第一次同葉念琛合作,事實上她屬於前輩級「阿寶」之一,更於2013年參與葉念琛的《第一次不是你》。而今次就《美麗戰場》慘被「降呢」,失「阿寶」之位做奸角「琪琪」,不過蔣家旻對做奸角表現的十分興奮,更指自己「Enjoy被人鬧!」

即睇《美麗戰場》最新劇情劇透
美麗戰場 蔣家旻是前輩級「阿寶」,不過今次劇中集降呢做奸角琪琪。
蔣家旻是前輩級「阿寶」,不過今次劇中集降呢做奸角琪琪。(圖片來源:[email protected]

最乞人憎的「琪琪」

蔣家旻的「琪琪」,是葉念琛在《美麗戰場》中塑造出來最「最乞人憎」角色。飾演陳瀅異父異母妹妹鍾家琪的蔣家旻,在一系列的劇集宣傳片中「把口冇時停」,唔係鬧人就係發表驚天歪理,其中向陳瀅怒吼的「家咩姐啫,我同你唔同老豆老母生架!我咁聰明你咁蠢!」,擺明向經典奸角甘量宏(張家輝飾)致敬。蔣家旻受訪時坦言琪琪是其人生中暫時「最攰嘅角色」,並笑指每日收工回家都感覺「散晒」:「琪琪係鬧得最多人,好乞人憎、對白又賤格。我做呢個角色情緒係由內攰到外,每日拍完都成個人散晒,唔係眼瞓嗰隻攰,係有虛脫嘅感覺。因為正常鬧人唔會鬧幾個鐘,但我每日拍戲都鬧足十幾個鐘,因為我冇一場戲係可以好平和,就算平和嘅狀態都係挑釁緊人哋,所以需要嘅能量好高。」

蔣家旻劇中角色相當「乞人憎」,齋睇佢劇照嘅嘴臉都知。佢個角色唔單止尖酸刻薄,仲要偷錢無情又反骨
蔣家旻劇中角色相當「乞人憎」,齋睇佢劇照嘅嘴臉都知。佢個角色唔單止尖酸刻薄,仲要偷錢無情又反骨(圖片來源:TVB)

角色乞人憎蔣家旻更開心

談到角色「金句」浪接浪,蔣家旻笑言全是葉念琛功勞,並透露葉念琛會即場改對白:「佢有時現場有諗法,就會即場改得再衰啲、再賤格啲,佢寫嘅對白都幫到我入戲,令個角色立體啲,佢好知道自己要啲乜。」蔣家旻又讚葉念琛為了Keep住演員的energy level不要大跌watt:「因為通常能量跌咗就唔會有第一、二Take咁好,所以好多時我哋NG導演都會繼續去。大場面佢通常拍一、兩Take就完,然後再補我哋大頭。」蔣家旻笑指不少看過劇集的同事都直指她「乞人憎」,令她相當開心:「我好Enjoy畀人鬧,證明我做到嘛,都想大家睇得投入。」

蔣家旻將挑戰自己的演技
蔣家旻將挑戰自己的演技(圖片來源:TVB)

去到第三集,蔣家旻受到應得嘅懲罰:

更多:美麗戰場|1-5集劇情劇透:陳瀅遭誣衊被趕出家門 蔣家旻販毒被捕

蔣家旻 美麗戰場
美麗戰場|1-5集劇情劇透:陳瀅遭誣衊被趕出家門 蔣家旻販毒被捕(圖片來源:TVB提供《美麗戰場》劇照)

要做最賤格「琪琪」 葉念琛下令「谷到盡」

根據葉念琛早前係IG所講:「葉念琛愛情電影宇宙裡,阿寶的死敵永遠是名叫琪琪的女生!今次的琪琪是有史以來最作惡多端,壞事做盡!保證會讓觀眾對她恨之入骨!」不過蔣家旻受訪時表示,沒有想過自己會做「琪琪」,而劇中與陳瀅會一起選港姐,二人要經常鬥戲。蔣家旻又提到,因為今次自己將會演「葉念琛筆下最賤格的琪琪」,導演更親自落order要佢食肥啲,因為劇中要著短褲、DeepV,身形再豐滿一點才有睇頭重。

美麗戰場 蔣家旻收到葉導order,要食肥少少,著低胸衫會更有睇頭。
蔣家旻收到葉導order,要食肥少少,著DEEP衫會更有睇頭。(圖片來源:[email protected]

傳因拍葉念琛電影被雪藏

蔣家旻當年喺無綫處境劇《愛回家》飾演馬子妮,後來被葉念琛賞識,於2013年喺葉念琛電影《第一次不是你》中破格飾演為病母籌錢嘅援交少女「寶」,據聞當年無綫以為蔣家旻拍的是普通愛情片,但沒料到她在片中有大量情慾戲,加上角色是援交少女,與她當時在《愛回家》的乖乖女形象不符,隨即觸動高層神經,並把她雪藏。當時劇情交代她演的「馬子妮」要出國進修,差不多臨近劇集大結局才再出現。

重頭台慶劇10月首播

由葉念琛監製、編劇及導演的無綫55周年台慶劇《美麗戰場》,於2022年10月3日晚起、一連二十集逢星期一至五晚九點半翡翠台播出。由五大花旦陳瀅、蔣家旻、劉佩玥、陳曉華及朱晨麗擔正的《美麗戰場》,早前TVB更釋出以六位男主角為主的官方宣傳海報,陳山聰及方力申齊齊企C位,不過站在最前方的山聰「地位」明顯略勝一籌。其餘四位男主角還有丁子朗、姜大衞、林盛斌及張馳豪。

蔣家旻
(圖片來源:TVB)

立即收看預告!

常見問題

《美麗戰場》大結局是如何走向?陳瀅下場悲慘?

《美麗戰場》大結局陳瀅將會終極黑化,使計背叛陳山聰,而「反骨琪」殺人後潛逃,曾預告過會回歸進行終極報復,即睇結局劇情分析;結局周劇情好似過山車一樣,陳瀅先背叛陳山聰,再被方力申提出離婚,丁子朗以一身乞丐造型回歸,按此看第16-20集劇情劇透

方力申投訴陳瀅唔對戲?劉佩玥戲裡戲外曾反面?

方力申受訪時大爆「瀅姐」曾因為要補妝唔肯對戲,句句有骨又講明大家唔會有發展空間,詳情請看;劉佩玥與陳瀅當年二人與何雁詩組成閨密圈,更試過一起外遊拍節目friend到爆,甚至試過一齊租屋同居,但原來自從劉佩玥搭上「巨聲幫」大孖周志文,被發現二人已各行各路⋯⋯詳見:劉佩玥陳瀅為仔反面2年

撰文:東方新地圖片來源:TVB、[email protected]資料或影片來源:TVB

讀者留言