ft pic

處女真人騷搏到盡 佘詩曼揸爆羊睪丸

內地真人騷大行其道,港星爭住北上搶拍,王祖藍、Angelababy靠《奔跑吧兄弟》賺到笑,近年連胡杏兒、容祖兒、楊千嬅等都受唔住高價誘惑參加真人騷。從未拍過內地綜藝節目嘅佘詩曼,最近都接拍咗處女真人騷《星廚駕到》第三季,要同田亮、秦海璐等其他明星鬥廚藝!

其他文章︰

女藝人副業五捷徑

ViuTV選美廿強 紋身女 人妻乜都有

平日絕少下廚嘅阿佘,話參加《星廚駕到》係由於媽咪好鍾意睇飲食節目,第一集更煮咗一道菜叫「親親魚」,係佘媽媽以前為咗氹阿佘食飯,於是淋啲甜酸汁上條魚上面,再叫阿佘錫下條魚,勁有愛!不過阿佘劏魚時唔小心俾魚刺拮到出血,痛到叫晒救命!

劏魚已經雞手鴨腳,阿佘晌第二集洗內臟時更加狼狽!節目要求阿佘要將豬肺、豬腦、粉腸、雞腎同羊睪丸洗乾淨,未真正落手處理前,阿佘已經嚇到面青,輪到洗雞腎時,阿佘竟然反胃作嘔,嚴重到話想退出比賽!

同雞腎搏鬥完,阿佘洗豬肺時一臉嫌棄不斷嗌臭,反而切羊睪丸時一啲都唔驚,仲興奮到拎起兩邊蛋蛋作狀揸爆佢!幾時都話,千祈唔好得罪女人,尤其係阿佘呢一種呀!

全文完

關鍵詞
佘詩曼