用三樣嘢變身「明玉」! 蝦頭教你化《延禧》宮女妝

內地劇《延禧攻略》熱爆中港台,近日蝦頭 (楊詩敏) 就喺big big channel狂玩《延禧攻略》化妝大挑戰,以簡單三樣嘢化成「Low tech」版嘅延禧明玉宮女頭!

撰文:東方新地|圖片:Instagram

蝦頭教整明玉頭!

蝦頭教整呢個明玉宮女頭前,已經化咗個幼眉嘅明玉妝,之後佢攞出一個黑色嘅冷球,冇錯!就係織冷衫用嘅冷毛線球。

再加埋個頭箍,同埋各色假花 (包括絨花、絲花、膠花),即刻為呢個宮女頭增色不少!

最後再化埋個「絳唇妝」就搞掂!

不過喺整頭同化妝嘅過程中,有兩樣嘢令網民睇到好分心,一樣就係不時閃過、意圖搶蝦頭鏡嘅貓貓同狗狗。

另一樣就蝦頭心口條「事業線」,喺蝦頭動作間不時谷一谷,勁吸睛!

完成啦!真係低技術低成本,仲好有創意㖭!學蝦頭話齋,真係嚟緊萬聖節必學呀!

化妝大挑戰 實在太好玩! 呢個 Low tech 延禧宮女頭 大家都話like 😍😍😍😍😍 #蝦頭帶冷球 #延禧妝第三擊 #創意無限 #令人開心的生活小情趣
Hatou 蝦頭 楊詩敏(@yeunghatou)分享的貼文 於 張貼

胡定欣都留言讚:「真心唔夠你玩!」

除咗「明玉頭」,蝦頭仲整過「令妃頭」,同埋扮皇上、皇后,真係好癲!

蝦瓔珞 🤣🤣🤣 #化妝大挑戰 #延禧妝 #絳唇妝 #係離譜嘅🤣 #BigBigChannel @bigbig_beauty @bigbigchannel_official
Hatou 蝦頭 楊詩敏(@yeunghatou)分享的貼文 於 張貼

讀者留言