B

袁偉豪自拍浸牛奶浴 自摸露點騷腳趾

話要為女友張寶兒禁慾嘅袁偉豪,近日出咗個筍trip,受品牌邀請去咗尼泊爾去了解保育小熊貓計劃,大會安排全程六星級享受,入住豪華靚resort,袁偉豪一人獨享獨立屋,夜晚仲歎番個玫瑰花牛奶浴㖭,咁happy,阿Ben立即同大家開心些牙,自拍浸緊牛奶浴片段上IG,有胸有腳睇,夠晒香艷﹗可惜女友張寶兒未有同行⋯⋯

撰文:東方新地

圖片:袁偉豪Instagram岑樂怡Insatgram

袁偉豪 自摸嗌爽

袁偉豪平時拍劇,日拍夜拍,挨更抵夜冇覺好瞓。近日獲品牌邀請去尼泊爾,一聽尼泊爾大家只諗到落後,仲以為袁偉豪去體驗生活,錯喇﹗今次大會安排阿Ben食好住好,全程六星級,入住豪華resort。夜晚食完dinner返自己間resort,已經有人校好水落晒玫瑰花瓣嘅牛奶浴,等阿Ben食飽去享受。阿Ben雖然自己獨自享受,不過唔自私浸,立即將浸浴過程拍片直擊放上IG供大家欣賞。阿Ben拎住部電話自拍,半個身浸咗喺個牛奶浴度,半裸露出佢兩塊雞扒胸,仲對住鏡頭掃胸,用把好磁性嘅聲嗌爽﹗這些機會唔止張寶兒獨享喇﹗大家都有得睇﹗

袁偉豪
袁偉豪直擊自己赤裸浸牛奶浴。
袁偉豪
袁偉豪影完正面,再影個側面,繼續騷肌露點,真係有玫瑰花瓣㗎﹗想忍死邊個先?
袁偉豪
袁偉豪
袁偉豪
袁偉豪個樣幾咁歎﹗
袁偉豪
袁偉豪邊捽胸邊大叫爽﹗

剝衫做瑜伽

袁偉豪每日被安排有不同活動及體驗,呢日就邊享受日光浴邊做瑜伽,阿Ben索性剝去上衣,練得一身好肌肉唔騷等幾時先?同行嘅另一嘉賓係ViuTV嘅阿妹岑樂怡,見到阿Ben除衫,立即吹晒口哨,不停近鏡遠鏡影低阿Ben一副弗body。

袁偉豪
袁偉豪突然除去上衣做瑜伽。
袁偉豪
袁偉豪平時有操開,騷肌當碎料。
袁偉豪
袁偉豪同岑樂怡一齊著上尼泊爾民族服,seflie是常識吧。
袁偉豪
阿妹朝夕相對阿Ben袁偉豪幾日,忍唔住要晒吓啦﹗仲叫大家唔好去妒忌㖭﹗

袁偉豪晒畫功 阿妹都讚好

袁偉豪唔止睇得,仲畫得,即席畫咗一隻疑似貓科類動物,畫功唔錯。阿Ben呢幾日咁悠閒嘅工作,相信都叉足電,返嚟再拼過啦﹗

袁偉豪
阿妹都讚袁偉豪畫功有料到。
袁偉豪
袁偉豪又學做紙盒
袁偉豪
袁偉豪每朝就係對住呢個靚景食早餐,唔影番大量profile pic對唔住自己。