ft pic

袁偉豪親整心太軟 豹嫂:我溶咗!

《城寨英雄》接近大結局,劇情愈來愈催淚,除咗牙佬袁偉豪的段家診所眾師兄弟遭滅門,盛傳連花曼亦會慘死!牙佬痛失親人同至愛,粉絲肯定睇到心都實埋!劇集收得,袁偉豪近期心情大靚,日前豹嫂胡蓓蔚上載合照,仲話男神親自整心太軟俾佢食,嘩,羨慕死人咩?

延伸閱讀︰

艷舞女變鄰家女 仙氣花曼驚艷登場

揭段通天被殺真相 刁蘭為幫兇!

近期憑「牙佬」一角勁受歡迎嘅袁偉豪,日前趁得閒自己焗心太軟,仲請埋鄰居胡蓓蔚開心share,氹得豹嫂開心到字都打錯,「牙佬整心太軟俾我食啊!我融(溶)咗!」

咪睇袁偉豪鍾意操肌玩電單車就唔黐家,原來男神一得閒就會親自入廚,除咗拿手整甜品心太軟,連咖啡都識自己沖,拍得住咖啡王子陳豪!

袁偉豪升呢做男神,最開心一定係女友岑杏賢!袁偉豪唔只睇得又煮得,仲係一個超級顧家嘅family man,咁完美嘅男友,快啲結婚箍實佢啦!

全文完