袁文傑

袁文傑團拜攬女友放閃 《殭屍II》飯局好齊人

袁文傑憑 《不懂撒嬌的女人》中「游生」一角成功上位,事業愛情兩得意,過年仲攬實未婚妻張潔蓮(Jackeline)不停放閃,孖住去拜年逗利是不知幾甜蜜,游生同準游太逗埋今年就要派喇!梗係要盡地一煲啦!

撰文:東方新地 部份圖片:袁文傑

袁文傑團拜攬女友放閃

袁文傑年初五約埋《我和殭屍有個約會II》的尹天照、張文慈、袁文傑、曾偉明同李潤祺等,殺上尹天照屋企團拜,一班老友難得聚頭,袁文傑喺網上貼合照,仲留言:「大年初五,又係時候跟照哥見下面,仲有阿祺,Ming Sir,文慈,去年因為工作,都少了大家的聚會時候,不過,又有何關係?」不過大家嘅目光,當然集中喺佢同Jackeline度啦!

尹天照好煮得

一班老友飲飲食食,摸住酒杯底傾傾計實在係一大快事,而原來呢日一枱美食都係由尹天照包辦,微博相中見到大蝦沙律、咖哩雞、蠔等菜式,連自家製燒肉都有!估唔到「況天佑」打得又煮得!

連日見袁文傑出席團拜未見張潔蓮陪同,今次終於帶埋未婚妻恩愛現身,其實早於大年初一袁文傑已經喺FB post賀年合照放閃,佢同張潔蓮面對面相對甜笑,祝大家狗年行大運。唔少粉絲都戥佢喺開心,既然咁happy,不如狗年追狗仔,雙喜臨門啦!

袁文傑與女友張潔蓮
袁文傑與女友張潔蓮

延伸閱讀:

簡淑兒愈大愈靚 六年進化史重溫