陳凱琳爆粗feature

被鄧麗欣鬧係性工作者 陳凱琳爆粗:「你係咪痴X線㗎?」

鄧麗欣(Stephy)同陳凱琳(Grace)兩個唔熟嘅人,竟然會互相對鬧?原來佢哋兩個都係電影《起底組》嘅演員,而喺呢套戲入面,其中一幕Stephy同Grace一路行一路互鬧,真係睇到兩位靚女嘅另一面!

撰文:娛聞樂|圖片:《起底組》預告片截圖 |編輯:東方新地

被鄧麗欣鬧係性工作者 陳凱琳爆粗:「你係咪痴X線㗎?」

電影《起底組》改編自當年解款車馬路跌錢案。

當中陳凱琳做嘅拜金妹妹,同鄧麗欣飾演嘅休班O記就嘈交喎!

Grace就鬧Stephy「係咪痴L線!」

仲話Stephy搞到自己好無面。

喺呢個時候,Stephy就駁返一句「冇面?而家做雞(性工作者)好有面?」

真係不得了!

因為套戲就11月1號上,當Grace出席電影《起底組》首映禮嗰時就話戲中自己講咗粗口,應該就係「係咪痴L線。」話怕爸爸聽到自己爆粗會嚇一跳。

Stephy直言有被Grace爆粗嚇倒,笑說:「劇本本身無,我又不知她會講,仲以為她突然爆肚,以為她真人都是這樣。」

N

去片!

陳凱琳爆乳戴Bra Top做Gym 再發育驚現事業線

6月23日係凱琳27歲生日嘅大日子,佢當晚就喺IG貼出一段短片,多謝朋友同粉絲嘅祝賀,影片中嘅佢拎住疑似男友鄭嘉穎送嘅黃色玫瑰,不時甜笑,額sweet到糖尿喇喂!除咗同男友一齊慶生,人緣好好嘅佢除有喺IG貼出同朋友們一齊慶祝嘅相,愛情同友情運都好到爆燈喎!

同朋友慶生

食杯雪糕慶生都開心

陳凱琳去做gym,做完gym仲同朋友一齊食個蛋糕仔慶生。

不過眼利嘅網民就發現,喺呢兩張做gym相入面,陳凱琳嘅身材離奇「再發育」,出名超瘦底,平胸嘅佢,離奇谷出一條事業線。

5月份仲係平胸。

本身係超瘦底iPad胸,夾硬谷都只能谷出一條「微gap」

陳凱琳平時都有做開運動,跑過10 km㗎

【閃光彈】一開IG即刻follow陳凱琳 鄭嘉穎獲老婆秒比like

近年將事業重心放喺內地嘅鄭嘉穎一直活躍於微博,但就遲遲冇開IG關照吓香港嘅fans,不過最近佢終於踏出呢一步!鄭嘉穎開IG後第一件事當然係即刻follow自己嘅最愛,時刻關注老婆嘅一舉一動!

鄭嘉穎開嘅第一個IG post嘅相笑得非常燦爛,並留言話:「Hello instagram!」。鄭嘉穎一留言即刻引來大批粉絲follow,個個都留言按讚爭住同佢打招呼!不過要鬥快就當然唔夠佢另一半阿Grace快手啦,事關阿Grace早已follow咗老公啦。

鄭嘉穎開IG後暫時只係追蹤咗15個人,由上至下包括:黎耀祥太太Julia、唐詩詠、楊怡、古天樂、鄭裕玲、林子善、賴慰玲、曹永廉、黃嘉樂、唐文龍、田蕊妮、胡杏兒、黎耀祥、黃智賢、陳凱琳。

鄭嘉穎、陳凱琳甜蜜峇里婚後疑「分居」

鄭嘉穎和陳凱琳一直在鏡頭前後都十分甜蜜,二人拍拖三年多,終在早前8月於峇里島舉行了甜蜜的小型婚禮,嘉穎當場還對著老婆唱冧爆情歌《一千個願意》,抱得美人歸。

但原來二人註冊結婚的手續還未完成。上月28日在港入紙排期註冊,而二人遞交的《擬結婚通知書》曝光,在表格上填報的住址竟然不是同一個,嘉穎填寫居於大角咀,而陳凱琳則繼續填寫與父母同住的九龍塘又一村住址。

之前有傳鄭嘉穎在結婚之前,擬在2016年購入的何文田豪宅作為愛巢,如今看來是不想把愛巢曝光?

陳凱琳父母:唔係100分唔畀個女嫁

鄭嘉穎與陳凱琳(Grace)將於明日於印尼峇里舉行婚禮,陳凱琳父母今早約10時15分現身機場,問到Grace是否同機,陳父稱囡囡同未來女婿昨晚已經離開,問到婚禮有冇中式傳統禮儀?他說婚禮形式及賓客數目,亦由一對新人安排,他們什麼也不知道,甚至之後會否於香港補擺喜酒也不知,陳父笑說:「全部係佢哋安排,唔到我哋話事,我係被動。」問陳父給未來女婿幾多分?他即道:「一定係100分,唔係100分都唔會畀個女嫁。」問到陳母對未來女婿滿不滿意?她亦道:「好鍾意、好鍾意!」

陳凱琳
陳凱琳父母興奮出發去峇里島參加女兒的婚禮,陳媽媽表現風騷!

問到陳父會否不捨得女兒出嫁?他則說:「嫁咗都會喺度㗎嘛!」

見到記者陳父母笑容滿面,好友善!

講到之前有傳會於加拿大補擺酒,陳父坦言唔係加拿大,至於香港會否補擺喜酒,佢話都要看女兒安排,而今次會逗留數天就回港,至於Grace跟嘉穎會遲一點再回來。

問到陳母有否擔心峇里地震,她坦言有點擔心,陳父及陳母全程笑不停,影合照時陳母更風騷得擺出多個甫士,還舉起姆指叫記者加油。

陳凱琳 認嫁鄭嘉穎

藝人鄭嘉穎同女友陳凱琳拍拖三年幾,近日屢傳婚訊,近日有消息指兩人將於8月12日拉埋天窗,到峇里舉行婚禮,更有報道指連番目擊陳凱琳到九龍法國醫院做產檢,話好大機會係雙喜臨門!

今日陳凱琳終於喺社交網現身,用英文講番成件事,陳凱琳承認與拍拖三年男友嘅鄭嘉穎拉埋天窗,話去年聖誕男友求婚時自己一口答應,好感恩大家嘅關係升到另一層次。對於最近有傳佢有咗身孕,佢就好間接咁否認,話除咗結婚消息係真外,其它傳聞都唔係真,佢仲多謝大家祝福咁話!

View this post on Instagram

Hello Everyone! I believe many people have been waiting for this…so here I am, proud and extremely excited to announce that YES, I AM ENGAGED! Kevin and I have been dating for over 3 years and there was never a doubt in my mind that he was THE ONE! So when he popped the question last Christmas, the answer was a definite YES! We both feel incredibly blessed to have one another and we believe this is the perfect time for the two of us to take our relationship to the next level! Lately there have been many rumors about us, and aside from Kevin and I getting married, the rest of the rumors are not true! I hope everyone understands and can respect our privacy from here on out. That aside, I sincerely want to thank all the amazing people who took the time to send their blessings and well wishes to us! Most importantly, we want to thank our families, for showing the most unconditional support to us. We love you so much. ❤️

A post shared by Grace Chan ♥ 陳凱琳 (@ghlchan) on

鄭嘉穎陳凱琳因《殭》結緣

入行25年的鄭嘉穎,一直都係無腳雀仔,直至14年拍無綫劇《殭》,與13年港 姐冠軍陳凱琳(Grace )戲假情真,拍拖兩個月已經急急公開情侶關係。四年戀情愈 來愈穩定,陳凱琳早前在IG 公開一張鄭嘉穎拖女相,鄭嘉穎一臉慈愛拖住約三歲 的小妹妹去遊樂場玩耍,小妹妹紮紮跳開心到爆,至於配圖文字,陳凱琳就 話:「請支持保良局兒童助養計劃!」陳凱琳當時回應本刊解畫,原來鄭嘉穎愛心爆棚,獲邀擔任保良局兒童大使,除助養了幾位兒童仲會每月定期探訪,陳凱琳 受到男友感染,亦打算助養小朋友。

下個月就49歲的鄭嘉穎和27歲的陳凱琳,因拍攝無綫劇《殭》結緣,兩人在荷蘭拍攝時朝夕相對,擦出愛火!鄭嘉穎與陳凱琳年齡相差22歲,起初戀情不被看好,不過二人從不受外界影響,拍拖以來人前人後愛得甜蜜!

夾啱時間停工

恨B恨到發燒的鄭嘉穎唔係得個講字,今年終於的起心肝向女友求婚成 功,雖然大陳凱琳22年被笑指似父女戀,但女友思想成熟性格又平易近人,肯定 是個賢妻良母,鄭嘉穎亦甘於跌入愛情墳墓。盛傳二人將於下月12日於峇里島的海邊 酒店舉行婚禮,只會邀請十多廿位親朋好友 現場見證。更有指陳凱琳在近日無綫的大騷中未見蹤影,而原本今個月要到大陸工作亦全部取消,突然停工被指是有了BB 未夠3個 月,要專心安胎和不能公開露面。

自6月中出席過香港小姐宣傳活動後,陳凱琳便消聲匿跡,更被指已取消所有手上工作。早前本刊就影到陳凱琳出席公開活動後繼續貼地搭地鐵,到中環約會朋友食飯。

同時,鄭嘉穎主演的電影《L風暴》原本已經排好宣傳工作,但有消息指他突然要請假,打亂了電影的宣傳工作。對於急住請假結婚,鄭嘉穎指:「多謝大家關心!就我哋嘅感情狀況,連日來惹來唔少揣測同不實報道,總之,現階段我哋的確有計劃結婚,至於懷孕一事,就屬無謂揣測。至於婚期,明白大家嘅關心,但唔好比我哋更加心急,亦希望畀啲空間我哋,總之結婚就會同大家交代。」而陳凱琳就回應:「我都唔知邊個咁有創意,真係唔想再回應,呢刻真係需要私隱同空間。」

慶祝半百生日

據知鄭嘉穎與陳凱琳的婚事早已籌備多時,一直希望低調行禮的二人,估唔到臨門一腳洩露風聲,知情者透露:「其實佢哋真係講咗畀好少人知,得雙方直屬親友同兄弟姊妹團知,不過嘉穎媽咪就真係好開心,終於等到個仔肯結婚,佢周圍同啲親戚交代,話個仔同新抱唔喺香港行禮,但一定會派喜餅,可能因為咁洩漏風聲啦!嘉穎講到明唔想大搞,未必會喺香港擺酒,但佢好錫Grace,唔止放手畀佢揀婚禮地點同酒店,仲應承咗遲啲會陪佢返溫哥華擺酒。今次佢哋去峇里結婚行禮,可以同最親嘅屋企人同兄弟姊妹一齊去玩,亦順道慶祝嘉穎49歲生日,嘉穎好想50歲前做爸爸㗎!所以Grace近幾個月好努力做運動調理身體,希望可以一撃即中。」鄭嘉穎與陳凱琳拍拖,在其愛情史上應該是最高調一次,唔止公開戀情、情侶檔搵銀、高密度放閃外,鄭嘉穎亦都恨私有化女友、升格做人夫兼人父恨到出面,四年來求婚、結婚傳聞不絕於耳,今次終於狼來了。

早說非君不嫁

還記得年初本刊訪問陳凱琳,說到與鄭嘉穎共度的第三個情人節,她亦狂放幸福正能量,除了讚男友個人好sweet,過人之處多到數唔晒,孝順肯定是優點之最,陳凱琳:「好孝順!佢(鄭嘉穎)真系好孝順,佢同我講賺錢都係爲咗養媽咪同家姐,一個人賺錢養全家。我最鍾意佢嘅性格,唔會表面一樣嘢,内裏又另一樣嘢,呢個真性情我係好欣賞。佢對外界有時會起杠係因爲佢以往慨經歷所以想保護自己,佢本身真係一個好nice嘅人。」問陳凱琳男友是否她的Mr. Right, 她秒答:「Absolutely!(肯定)」随即摸住凳連講兩次「Touch Wood!」

陳凱琳:「我都想生孖胎!」

講到生B大計,陳凱琳當時話自己年紀仲細唔急,亦深信男友有心有力,她笑說:「我都想生孖胎!我同細佬都係孖,我有機會㗎!一仔一女都好幸福。」可見陳凱琳對結婚生仔早已有晒憧憬。如果結婚傳聞屬實,唔夠兩星期陳凱琳就正式成為鄭太,婚後又要趕生豬B,咁無綫咪又少個一線花旦?