ft pic

西藏開新戲 44歲朱茵仲係咁少女

同黃貫中生咗囡囡黃鶯嘅朱茵,多年來竟然keep得到,無論樣貌身材都冇走樣,點睇都唔似生過B嘅44歲人妻!平時多數留晌屋企照顧阿女嘅朱茵,近日撇甩老公囡囡、遠赴西藏拍新戲!山長水遠又要捱更抵夜,但朱茵依然冇捱殘,日前自拍更流露出陣陣少女味!又靚又幸福仲要唔識老,好唔公平呀!

延伸閱讀︰

自己買蛋糕慶祝 Sammi 44歲生日冇人陪

反擊蘇施黃 麥明詩靚抽撐港隊

朱茵近日要去西藏拍新戲,冇老公同囡囡陪住,朱茵焗住玩下自拍解悶。雖然仔細睇會見到朱茵個眼袋出晒嚟,但除此之外唔算點走樣,4張幾算係咁喇!

92年出道拍戲嘅朱茵,第一套電影就晌《逃學威龍2》做主角,之後嘅《西遊記第一百零一回之月光寶盒》更令佢大紅大紫,升上女神之位!睇番24年前嘅劇照,只能讚紫霞仙子堅係keep得好好好好!

自從12年與黃貫中結婚,朱茵不時被影到帶埋囡囡出街,又試過去睇爸爸開騷,一家三口勁溫馨!有傳朱茵覺得一個夠晒數唔再追仔,咁就可以一心一意照顧囡囡同阿Paul啦!

全文完