w

視帝王浩信怕傳緋聞 迴避江嘉敏

宅男女神江嘉敏(Kaman)喺新劇《兄弟》升呢做女一,同男主角王浩信有唔少對手戲,但近日有報道指Kaman喺英國拍《兄弟》外景期間,主動姣黐人夫王浩信,即使返港後都頻頻主動聯絡男方。緋聞傳出後,視帝兼人夫王浩信依家見到江嘉敏表現好避忌,放飯連眼尾都唔敢望對方一眼!

撰文:東方新地|圖片來源:新傳媒圖片庫

視帝王浩信 怕同江嘉敏傳緋聞

江嘉敏開朗又玩得,喺新劇《兄》中,佢更一改清純形象,不再演乖乖女,飾演保鑣的她要郁手郁腳拍打戲,又要揸槍,動作戲多多!睇番當日《兄弟》開鏡拜神時,佢同王浩信都仲敢合照搞氣氛!

王浩信
王浩信有家室又係大台視帝,拍劇同上位小花江嘉敏傳緋聞,王浩信依家對伊人都避之則吉!
視帝王浩信
視帝王浩信家有嬌妻陳自瑤,連個女都就嚟六歲大,緋聞一樣長傳長有,今次同江嘉敏傳緋聞,陳自瑤回應話:「傳到麻木咗,會相信老公!」
視帝王浩信
有傳英國拍外景期間,江嘉敏姣上視帝王浩信,經常主動獻殷勤,買咖啡都只預對方!

有緋聞傳出,王浩信即時學識避忌,開完廠同枱食飯都唔敢望劇中女友江嘉敏。前排開廠放飯,全組人拉隊去canteen開飯,坐埋一圍仲要喺正隔離,人夫王浩信都係目不斜視眼裡只係得碗飯,九秒九扒完碗飯就走先。雖然明明最多對手係江嘉敏,不過怕咗再傳緋聞,亦怕咗有人過分熱情,望都冇望江嘉敏一眼。

視帝王浩信
其實成組人開飯時有傾有講氣氛融洽,唯獨王浩信成口飯,莫講話溝通,連望都冇望江嘉敏一眼。

視帝王浩信

九秒九扒完碗飯,九秒九企起身著褸走人,無謂畀人入到位呀嘛!相反江嘉敏望到王浩信實一實!

視帝王浩信

第二日去到中環碼頭,又係開《兄弟》,對手戲換轉班兄弟當然唔使再避忌,唔食煙,王浩信都要黐埋煲緊煙的楊明同許家傑呃水吹。

王浩信 王浩信

其實新科視帝係怕緋聞啫,絕對唔係孤獨精,隔兩日開外景,冇咗江嘉敏喺身邊,成個人當堂放鬆晒,明明唔食煙,唔使埋位時都有黐住煲緊煙的揚明呃水吹。返屋企惹到煙味,幾時都易解釋過惹到女人香水味呀嘛!

王浩信
視帝即係視帝,對自己演出要求係高啲,等緊埋位時,王浩信一個人對住空氣口嗡嗡練拳唸對白,果然專業。

王浩信

食飯跟實王浩信

睇番早前江嘉敏同王浩信在TVB西餐廳拍攝新劇《兄弟》,戲裡戲外江嘉敏都好熱情主動,拍完一個shot,就表情多多不停撩拍檔傾偈。另一日外景,江嘉敏亦一有機會就撩男方傾偈,反而王浩信表現避忌。

視帝王浩信

視帝王浩信

電crew佬

江嘉敏年紀輕輕其實非常識撈,成功冧掂一班幕後。上至監製、Camera man、打燈佬、PA大家都對佢特別照顧,出道咁短日子就咁襟撈,真係叻女嚟!

王浩信
除咗姣視帝王浩信,江嘉敏其實亦非常識撈,嗲功又了得,成功冧掂一班幕後。