解構心機女

解構心機女|江嘉敏記者會上擦鞋嗌師姐 馮盈盈唔受落:你早過我入行,我受唔起﹗

最新娛聞

廣告

馮盈盈和江嘉敏被安排拍檔主持新節目《解構心機女》,首日開工已經掀起P圖風波,今日舉行記者會(11日)為節目合體見傳媒,雖然馮盈盈、江嘉敏應記者要求影合照及一起做訪問,但表現生疏,明顯昔日情不再,訪問時話中有話,繼續互相出招﹗

文:東方新地|圖:馮盈盈、江嘉敏IG圖片、東星圖片
J2台《解構心機女》首日開工,馮盈盈萬歲珍珠奶茶,不過江嘉敏卻唔領情,並指自己因生理問題唔飲得凍飲,今日(11日)《解構心機女》舉行記者會,各主持正式見傳媒。

《解構心機女》今日舉行記招,馮盈盈、江嘉敏和賴慰玲首次合作主持,出席嘉賓有張振朗、戴祖儀及劉佩玥,不過大家焦點始終落在新聞人物馮盈盈(右三)及江嘉敏(右一)上。死敵碰頭相當戰鬥格,馮盈盈低胸露腰,江嘉敏露膊頭肉腿迎戰。
《解構心機女》今日舉行記招,馮盈盈、江嘉敏和賴慰玲首次合作主持,出席嘉賓有張振朗、戴祖儀及劉佩玥,不過大家焦點始終落在新聞人物馮盈盈(右三)及江嘉敏(右一)上。死敵碰頭相當戰鬥格,馮盈盈低胸露腰,江嘉敏露膊頭肉腿迎戰。

馮盈盈先認衰唔夠體貼

馮盈盈及江嘉敏被問到是否破冰?二人明顯有備而來,馮盈盈答:「走冰先啱,因為知嘉敏第一次做主持,佢喺IG都有講好緊張,所以第一日開工我請佢飲珍珠奶茶為佢打氣,不過係我唔夠細心,唔知佢生理期,應該買熱朱古力奶﹗」江嘉敏即笑住話:「唔好咁講,有心﹗」

解構心機女 大合照時,馮盈盈和江嘉敏死唔企埋一齊。
大合照時,馮盈盈和江嘉敏死唔企埋一齊。

記者問到二人可曾考慮唔接《解構心機女》的主持工作?二人異口同聲表示唔會推job,問到對方是否心機女時,馮盈盈就話江嘉敏指心機即是有心思,所以以此方向來說,大家都是心機女,江嘉敏大包圍指全人類都是心機的人。訪問開頭互相好禮讓,原來好戲在後頭。

解構心機女 馮盈盈、江嘉敏應記者要求影合照,不過卻保持社交距離,表現生疏。
馮盈盈、江嘉敏應記者要求影合照,不過卻保持社交距離,表現生疏。

馮盈盈:「我冇唔認P圖﹗」

當記者提到P圖風波,有指馮盈盈出post,將自己P靚咗,而江嘉敏卻顯肥,江嘉敏大聲笑住問邊個P肥佢,然後自嘲冇人傷害到自己,因為夠份量打風都吹唔郁﹗馮盈盈則指只是大家出圖風格不同,更直言覺得P圖無問題,人人都會修圖:「我冇唔認P圖﹗呢個唔係秘密,只要唔好P到面目全非就得,本身個底最重要,所以出席記招前,我先前去做運動,希望以最佳狀態見大家﹗」

解構心機女 馮盈盈、江嘉敏一起接受訪問,但眼神從不交流,面左左﹗
馮盈盈、江嘉敏一起接受訪問,但眼神從不交流,面左左﹗

馮盈盈寸爆:「你入行,我仲讀緊大學咋﹗」

江嘉敏不停師姐前師姐後稱呼馮盈盈,指馮盈盈是主持的前輩,又讚馮盈盈好敬業,狂擦對方鞋,不過馮盈盈唔受落,更反應極大叫江嘉敏不要稱呼自己做師姐,指對方14年入行比自己早,江嘉敏即澄清:「冇咁早﹗」馮盈盈話:「維基咁寫㗎,不過點都好你入行時,我仲喺大學讀緊書咋,我叫番你師姐先至啱﹗」江嘉敏再話:「喺主持上你的確係師姐,我要向你學習﹗」馮盈盈搶住答:「係互相學習﹗」江嘉敏再話:「真係多謝監製畀呢個機會我,可以向師姐學嘢﹗多謝大家呀﹗」馮盈盈就話:「真係唔好再叫我師姐呀,我受唔起呀﹗」笑住講,但似乎句句有骨﹗

江嘉敏出席完《解構心機女》記招後,即在IG即時動態自拍,大晒激凸上圍,卻未見貼與馮盈盈的合照。
江嘉敏出席完《解構心機女》記招後,即在IG即時動態自拍,大晒激凸上圍,卻未見貼與馮盈盈的合照。
解構心機女 江嘉敏今次自己出post,唔怕被人P圖﹗
江嘉敏今次自己出post,唔怕被人P圖﹗

馮盈盈晒破冰合照

馮盈盈和江嘉敏去年中因船P事件而反目,近日無綫安排二人前「姊妹花」拍檔主持新節目《解構心機女》,新節目將於3月22開播,日前兩人首次為節目開工,馮盈盈即晒出兩人「破冰」合照,合照中馮盈盈的衣著低胸晒事業線,好明顯充滿「心機」想艷壓對手。

解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
馮盈盈「心機」晒線的打扮,完全搶晒江嘉敏fo。
解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
賴慰玲亦係主持之一,拍埋去馮盈盈同江嘉敏身邊,笑容比兩人自然得多。
解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
無綫焗住馮盈盈和江嘉敏「破冰」主持新節目來製造話題,何雁詩、賴慰玲同朱敏瀚都慘變陪襯。

馮盈盈在留言中卻非常大方地表示知道嘉敏第一次做主持,因此請了她喝少甜走冰的珍珠奶茶,為她加油打氣,希望兩人可以「一齊做好個show」,仲話期待兩人可以擦出「新火花」。

解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
網友大讚馮盈盈比江嘉敏靚好多。
解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
馮盈盈首日開工就「萬歲」請飲珍珠奶茶,仲人人有份,相當識做。
解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
又引用無綫「Big Big College」的IG圖片,話自己「HAPPY WORKING」,不過這張相揭示了原來兩人拍節目時,中間都隔住個何雁詩。

一張合照 兩款P法 :

事後觸發網友熱烈討論的細節位,仲包括馮盈盈與江嘉敏放在IG的合照,江嘉敏好明顯栽走自己對腳,而兩位嘅面口經過P圖之後,亦略有不同:

解構心機女 專頁「傑出男公關」幫大家做PhotoHunt
專頁「傑出男公關」幫大家做PhotoHunt
解構心機女 FYY嘅版本兩個都靚咗,都算公道⋯⋯
FYY嘅版本兩個都靚咗,都算公道⋯⋯

睇片:盈盈江嘉敏 破冰主持《解構心機女》

馮盈盈江嘉敏破冰主持《解構心機女》 被傳好姐妹關係決裂嘅馮盈盈同江嘉敏,最近一齊主持新節目《解構心機女》,盈盈更喺社交平台Po出合照宣佈破冰,更「請Kaman飲珍珠奶茶」!今次係Kaman第一次上節目做主持,坦言同想像中有好大不同,收到稿之後一度瞓唔著,好在有導演從旁鼓勵,先不至於發揮失常。盈盈同戴祖儀兩位資深主持,亦都即場分享一啲做主持嘅經驗。(資料來源:無綫娛樂新聞台)

不過網友就唔多賣帳,笑馮盈盈「焗住扮破冰」、「頂硬上」、「笑到硬晒軚」,仲話馮盈盈個笑容係「尷尬而不失禮貌的微笑」!

解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
網友話馮盈盈「笑到硬晒軚」。
解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
話馮盈盈個笑容係「尷尬而不失禮貌的微笑」。
解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
又話佢哋「好似焗住扮破冰」。
解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
仲話馮盈盈特登影到江嘉敏好肥!

而江嘉敏就在社交網圖文不符地貼出自己著住賀年衫的相片,留言話自己第一次在TVB做主持,會努力好好學習,又話「有幾位綜藝師姐帶領住我呢個新人」,相信所講的「師姐」就係馮盈盈!

江嘉敏發長文同時宣傳新劇《黯夜守護者》入面的角色「盧小寶」,以及今次新節目《解構心機女》,仲話節目中有幾位綜藝師姐帶領住佢呢個新人。
江嘉敏發長文同時宣傳新劇《黯夜守護者》入面的角色「盧小寶」,以及今次新節目《解構心機女》,仲話節目中有幾位綜藝師姐帶領住佢呢個新人。
解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
睇吓佢單人相笑容幾燦爛。
解構心機女 馮盈盈出招晒事業線艷壓「死敵」江嘉敏 「破冰」合照網民嗌尷尬
曾經好到去邊都孖住行動的馮盈盈及江嘉敏,自去年中船P羅生門事件反目,姊妹情亦一去不返,與當時兩人放鬆嘟嘴擺pose的姿態相比,今次的「破冰」合照感覺的確好「硬晒軚」。

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言