許子萱 失蹤唔亮相

失冠港姐許子萱提解約 娘家讓步留人食檸檬 性格女再摑大台一巴

最新娛聞

廣告

2022年港姐亞軍許子萱(Cecca)去年大熱當選,而許子萱當選港姐後,都需要一年任期內履行慈善責任,同埋出席TVB舉辦的年度盛事。而有知情人士透露許子萱近兩個月都缺席TVB公開活動,作為應屆港姐被質疑唔盡責,許子萱竟在IG親自留言反擊:「姊姊這裡不歡迎黑粉,不喜歡的可以滾哦!」今日(6日)有消息指,許子萱已向TVB要求提早解除港姐合約,想回復自由身!

許子萱 失蹤唔亮相 Cecca身材keep得幾好,望落非常陽光!
許子萱身材keep得幾好,望落非常陽光!(圖片來源:IG@ceccamangoqueen0214)
許子萱 失蹤唔亮相 Cecca經常分享生活照。
許子萱經常分享生活照。(圖片來源:IG@ceccamangoqueen0214)

TVB讓步挽留許子萱 性格女照唔俾面摑大台一把

有消息指,許子萱已向TVB要求提早解除港姐合約,話想回復自由身,仲堅稱原因唔係不甘心失落港姐冠軍,而係抵受唔住娛樂圈壓力。TVB自然唔希望2008年港姐冠軍張舒雅離巢,要搵其他港姐為新一屆港姐加冕嘅歷史重演,所以不停游說許子萱只需出席新一屆港姐加冕,可以缺席其他活動。但許子萱我行我素,絕不俾面娘家,只希望盡快回復自由身。亦有消息指,許子萱因要到內地工作,TVB尊重佢意願,除非係有錢賺嘅工作,否則都唔強求許子萱出席公司活動。

許子萱 失蹤唔亮相 性格港姐連環翹起大台!
性格港姐連環翹起大台!(圖片來源:IG@ceccamangoqueen0214)
許子萱 失蹤唔亮相 大台罕有讓步留女。
大台罕有讓步留女。(圖片來源:IG@ceccamangoqueen0214)

貴為應屆港姐大騷唔見人 大膽當TVB無到

應屆港姐當然要跟足規矩,公司舉辦大騷自然要出席。同屆港姐冠軍林鈺洧、季軍梁超怡、友誼小姐邢慧敏,也有亮相TVB的不同大騷,唯獨欠了亞軍許子萱。留心細數,其實許子萱缺席大騷情況都好嚴重,絕對唔只一兩次:許子萱分別缺席去年11月《TVB傳承·狂歡55節目博覽2023》、今年1月《萬千星輝頒獎典禮》、大年初一《喜氣洋洋玉兔賀新歲》,連續多次唔見影!與許子萱感情好嘅港姐冠軍林鈺洧,有急急幫好姊妹澄清,透露許子萱因為外遊而無暇出席以上活動。

許子萱 失蹤唔亮相 Cecca之前都仲有亮相《萬千星輝賀台慶2022》,之後就頻頻缺席!
許子萱之前都仲有亮相《萬千星輝賀台慶2022》,之後就頻頻缺席!(圖片來源:TVB@節目截圖)
許子萱 失蹤唔亮相 最近港姐賀年騷唔見許子萱。
最近港姐賀年騷唔見許子萱。(圖片來源:TVB@節目截圖)
許子萱 失蹤唔亮相 慈善騷許子萱一樣唔俾面!
慈善騷許子萱一樣唔俾面!(圖片來源:TVB@節目截圖)

許子萱失落港姐冠軍鏡頭前黑面 被網友讚真性情

25歲嘅許子萱參加《2022香港小姐競選》總決賽時,向來係網民心中熱門,但當賽果宣佈許子萱只獲得亞軍,冠軍就落在林鈺洧手上時,許子萱即被鏡頭捕捉到疑似黑面,因失落冠軍而唔忿氣嘅表情。事後許子萱接受傳媒訪問,否認失落冠軍有不忿:「我打算宣布前冇笑容,宣布後先笑,咁個笑容會燦爛啲。老實講我係有少少失望,但唔係所有事都咁完美,呢個係不完美嘅完美。」隨後許子萱即在微博貼多張選美照片,感性發文:「我會繼續帶上最燦爛的笑容,不辜負生命,繼續起舞」。

許子萱 失蹤唔亮相 Cecca被捕捉到黑面。
許子萱被捕捉到黑面。(圖片來源:TVB@節目截圖)
許子萱 失蹤唔亮相 許子萱指當選絕對是人生畫上最精彩的筆畫之一。
許子萱微博指當選絕對係人生畫上最精彩的筆畫之一。(圖片來源:微博@許子萱Cecca)

22歲出第1本自傳 許子萱原來係威水才女

許子萱12歲已經移民美國,性格玩得又大方,古銅色肌膚感覺非常陽光,所以賽前已成為焦點。許子萱20歲時曾參與內地相睇節目《非誠勿擾》,未入行已在網上掀起話題。在港姐官網顯示,她的嗜好勁多,包括莎莎舞、探戈、專業調酒、中英文朗誦、演講和學習法語,愛逛博物館和美術展。原來許子萱仲係才女一名,名牌大學畢業後,22歲便於內地推出第一本自傳《一個華爾街女孩的面考實錄》;許子萱仲曾經在紐約美國銀行擔任投行分析師,仲獲牛津及劍橋大學同時取錄MBA課程,但仍未決定讀邊間大學。

許子萱 失蹤唔亮相 許子萱22歲便於內地推出第一本自傳《一個華爾街女孩的面考實錄》。
許子萱好威水,22歲就於內地推出第一本自傳《一個華爾街女孩的面考實錄》。(圖片來源:IG@ceccamangoqueen0214)
許子萱 失蹤唔亮相 許子萱曾擔任內地綜藝節目《非誠勿擾》嘉賓。
許子萱曾擔任內地綜藝節目《非誠勿擾》嘉賓。(圖片來源:《非誠勿擾》截圖)

許子萱打算出第2本自傳講選港姐 惹網民熱議

許子萱曾經表示正籌備寫第二本書,主要分享選港姐的經歷。消息傳出後,網民對許子萱意見多多,網民話:「真係無得輸喎」、「高薪厚職嚟選港姐?」、「幾靚女有身材有學歷」,亦有網民幽默留言:「落左妝先再講!」

許子萱 失蹤唔亮相 許子萱影畢業相不忘露少少!
許子萱果然才女,打算出第2本書分享參選港姐。(圖片來源:IG@ceccamangoqueen0214)
許子萱 失蹤唔亮相 許子萱身材惹火,曾於紐約美國銀行擔任投行分析師。
未知許子萱會否在新書爆港姐內幕!(圖片來源:IG@ceccamangoqueen0214)

許子萱曾被恥笑女生男相 係女版「Anson Kong」

許子萱初宣佈參與港姐,相片曝光後,曾經惹網民恥笑,唔少網民認為許子萱女生男相咁話,同Mirorr成員Anson Kong完全撞樣。

許子萱 失蹤唔亮相 許子萱 網民留言表達意見
網民留言表達意見(圖片來源:網絡截圖)
許子萱 失蹤唔亮相 許子萱 網民表示許子萱個樣好似AK
網民表示許子萱個樣好似AK(圖片來源:網絡截圖)
許子萱 失蹤唔亮相 許子萱 兩人外貌比較圖
兩人外貌比較圖(圖片來源:IG@_kisang_、IG@ceccamangoqueen0214)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:Instagram、微博、TVB、《非誠勿擾》截圖資料或影片來源:TVB