AA

許廷鏗罕晒與父母合照 二千呎獨立屋私人花園意外曝光

最新娛聞

許廷鏗(Alfred)當初參加TVB歌唱比賽節目《超級巨聲》入行時,曾有個「將軍澳吳尊」的稱號,但其實他並非住將軍澳,而是與父母同住在大圍一幢面積約2,000呎的湖景獨立屋,屋後更擁有一個私人花園,市值估計約三千萬,日前許廷鏗罕有地在社交網上載自己與父母的溫馨合照,令他家中這個超大的後花園意外曝光。

文:東方新地|圖:許廷鏗IG圖片

許廷鏗:一句「OK啊」勝過千言萬語

許廷鏗(Alfred)日前在社交網晒出幾張在自家花園拍攝的靚相,其中有一張更是他與父親的激罕合照,原來當日他親自下廚煮了擔擔麵請父母食,他留言說:「我知道⋯⋯佢地一定唔prefer我將佢地個樣放上網,但係⋯⋯對我黎(嚟)講實在太值得post。」

許廷鏗罕晒與父母合照 二千呎獨立屋私人花園意外曝光
許廷鏗指今次是他人生第二次煮嘢畀爸媽食,因此太值得post。

許廷鏗描述當時場面:「如無意外應該係我人生第二次煮嘢畀爸媽食,雖然整呢啲唔健康嘢,但係阿媽叫到想食,淺嚐都勉強可以,一人食咗一碗仔,冇講啲咩嘢評語。」

許廷鏗罕晒與父母合照 二千呎獨立屋私人花園意外曝光
許廷鏗話今次煮擔擔麵係「媽打request」。

他續說:「家人就係咁,輕輕咁帶過,一句『OK啊』勝過千言萬語,其實做仔女嘅,咁樣就咩都值。」

許廷鏗罕晒與父母合照 二千呎獨立屋私人花園意外曝光
雖然父母冇畀到咩評語,但許廷鏗笑指他們一句「OK啊」已勝過千言萬語。

在許廷鏗出post後,DJ朱薰留言笑指:「Auntie似乎好滿意。」許廷鏗就搞笑回應:「佢問我張相咁肉酸做咩post。」

許廷鏗罕晒與父母合照 二千呎獨立屋私人花園意外曝光
許廷鏗話畀阿媽投訴佢張相影得太肉酸。

有網友大讚許母貌似「詩琪姐」(指李司棋),許廷鏗贊同說:「弱弱的講,我細個睇《真情》真心覺得好似我阿媽。」

許廷鏗罕晒與父母合照 二千呎獨立屋私人花園意外曝光
少有曝光的許母獲網友大讚貌似司棋姐。

許廷鏗又分享說煮嘢食想啱屋企人口味,最重要只得一個字,就係「心」。

許廷鏗罕晒與父母合照 二千呎獨立屋私人花園意外曝光
許廷鏗話用「心」去煮先會啱屋企人口味。

許廷鏗叫粉絲如果想重溫今次擔擔麵的煮法,可以去他的IG睇highlight精選重溫。

許廷鏗罕晒與父母合照 二千呎獨立屋私人花園意外曝光
許廷鏗一連兩日上載了「一擔擔麵」和「鏗鏗聲多士」兩段「鏗GRY廚房」影片上IG。

近期在疫情影響下,許廷鏗發掘出自己在廚藝方面的天分,日前他又跟梁祖堯主持的ViuTV節目《空肚講宵夜》學煮多士,並將其命名為「許廷鏗鏗聲多士」。

許廷鏗罕晒與父母合照 二千呎獨立屋私人花園意外曝光
日前炮製出「肥仔度」爆燈嘅「許廷鏗鏗聲多士」。

住市值約三千萬獨立屋

現年32歲的許廷鏗入行已有12年,早前獲得「叱咤樂壇男歌手金獎」,令他事業登上高峰,本身做牙醫的他,與父母同住在大圍一幢面積約2,000呎的湖景獨立屋,屋後更擁有一個私人花園,市值估計約三千萬。許廷鏗父親許義鏞為香港腎臟基金會副主席,有指他亦從事貿易生意,並靠炒樓起家,因此擁有豐厚身家。

許廷鏗罕晒與父母合照 二千呎獨立屋私人花園意外曝光
許廷鏗平日宣傳代言產品時,亦會在自家花園取景拍攝照片。
許廷鏗罕晒與父母合照 二千呎獨立屋私人花園意外曝光
又影過家中作歐式布置的客廳。

從許廷鏗過去所拍的照片所見,他家中的私人花園有樹有草地又有石板路以及各式盆栽,空間廣闊,擺下桌椅後,一家人就可以一齊在花園中聚餐。

許廷鏗罕晒與父母合照 二千呎獨立屋私人花園意外曝光
景致優美,令人心曠神怡。
許廷鏗罕晒與父母合照 二千呎獨立屋私人花園意外曝光
瞓喺草地上睇落好舒服。
許廷鏗罕晒與父母合照 二千呎獨立屋私人花園意外曝光
隨便擺個post已可以影到張靚相!

讀者留言