許紹雄

流出情慾短訊仲自拍下體?許紹雄稱被整蠱:係網絡強姦

現年70歲的許紹雄與太太結婚27年,育有一名22歲囡囡,許紹雄入行多年都零緋聞,之但係近日有人以匿名向傳媒爆料,提供多張疑似許紹雄微信與一名女子的情慾對話,但Benz雄回應時表示係被整蠱,係網絡強姦咁話!

撰文:東方新地 圖片:新傳媒圖片

疑似許紹雄流出情慾短訊

根據爆料人提供的截圖,微信的頭像及電話號碼與許紹雄本人是一樣,而對話顯示日期為去年4月27至28日。4月27日該女子問「疑似許紹雄」要上身相,許回覆:「我想看你沒衣服的。」

View this post on Instagram

鐵探大結局

A post shared by Benz Hui 許紹雄 (@benz_hui) on

及至28日兩人互傳訊息,「疑似許紹雄」再向女子說「我好想看你的小XX」,女子反要求對方照片,結果有張疑似許紹雄的照片出現並send咗一張下體相。疑似許紹雄即問女網友:「視訊你裸露給我看好嗎?」,兩人之後展開一段18秒的視像通訊。

許紹雄 稱被整蠱

對於疑似佢嘅情慾短訊流出,許紹雄回應傳媒表示冇咁嘅事,仲話冇咁戇居用真名做呢啲事,佢話係畀人整蠱,感覺似畀人綏網絡強姦咗咁。許紹雄話早前石修同佢講話網上流傳佢同助手有染而同老婆離婚,佢話估唔到今次輪到佢!問到微信戶口是否被入侵,佢話唔知發生咩事,仲話都擔心聲譽被毀,但冇辦法因為控制唔到。佢話未向太太講述事件,都唔知太太是否得悉傳聞!

現年70歲的許紹雄在92年同新加坡籍的太太龍嬿而結婚,生咗囡囡許惠菁(Charmaine),可謂老來得女,所以佢都好錫呢個女。雖然兩父女之間,年齡相差接近半個世紀,但都感情好好完全無隔膜,Charmaine亦經常在IG放溫馨家庭照。

 

許紹雄參加第1期無綫電視藝員訓練班入行,多年來在電影電視演活無數角色,其中他在電影《新紮師妹》系列中飾演搞笑嘅「方中Sir」都深入民心。早年在劇集《使徒行者》系列中其「歡喜哥」一角大受歡迎,同年更奪得《萬千星輝頒獎典禮2014》「最受歡迎電視男角色」。

許紹雄識玩ig

人稱Benz雄嘅許紹雄70歲,多年嚟活躍於影視圈,自然為人熟識,更加有唔少圈中好友,IG都有成75.9K Followers㗎!

係方鍾Sir同方麗娟啊!!!

多年嚟,許紹雄都有一直支持黃子華嘅棟篤笑演出!