chrissie

說好的《Pokémon GO》冇影 娜姐玩大了

風靡全球熱爆手機遊戲《Pokémon GO》,原來連娜姐周秀娜都係fans!今日娜姐於fb留言:「我終於有得玩Pokémon GO喇,一陣5點半獨家率先Live玩港版Pokémon GO REAL,到時記得睇我 Facebook Live !! 5點半見! 」即吸引超過4,500人關注,不過,過了下午五點半後,說好的《Pokémon GO》冇影,網民對娜姐未能兌現承諾感到好失望!

扮比卡超當玩Live

公布率先Live試玩Pokémon後,娜姐直播自己着比卡超衫喺到商場內四圍行,仲不停懶可愛咁擺甫士自娛,OK冇問題,小編跟fans一樣覺得可以接受!

Game畫面都冇!

於25分鐘Live過程中,相信大家都好期待到底娜姐幾時會玩《Pokémon GO》,點知全程除了行行企企、同fans吹水合照之外,整個Live完了之後連隻game個影都冇!娜姐,你到底有冇顧及小編嘅弱小心靈感受,媽呀,好hurt呀!

關公災難得罪網民

相信今次公關公司想藉娜姐人氣,為商場谷宣傳!不過咁嘅橋真係好爛,結果惹來好多fans不滿,超過6,500個嬲嬲,絕對係一場「關公災難」!

有網民留言指娜姐未能兌現承諾,以後喺fb會抬唔起頭做人,更有fans要求娜姐一脫以謝天下!

網民狠批:八婆

有網民留言指娜姐咁做根本係呃like,更有網民鬧娜姐係八婆,亦有其他人貼上李思捷著名對白「周秀娜你今次仲唔死」,來形容娜姐呃網民後冇好結果!

全文完