洗米嫂

談洗米華父子 洗米嫂Heidi開腔爆料

最新娛聞

廣告

澳門賭業猛人、兼太陽娛樂文化老闆周焯華(洗米華)有錢又有型,雖然有位為佢誕下兩名子女的紅顏知己Mandy Lieu,不過佢跟早已宣布會離婚的正印太太陳慧玲(Heidi) 若即若離,近日兩人多次同場出席活動,表現親暱,似有復合之勢!最近 洗米嫂 接受訪問時,就透露自己原來唔識賭、大談與大仔周柏豪的關係,另外又為大家解答「洗米華」呢個名的由來!

洗米嫂 唔識賭

未成為洗米嫂之前,Heidi第一份工原來係做保險,洗米華當年就係幫佢保險而結情緣。身為賭業大亨嘅太太,大家一定以為Heidi賭錢實有一手,但原來佢完全唔識賭,係連打麻雀、鬥地主等等都唔識!就算同朋友夾份玩兩手,可惜都係冇咩賭運。另外,佢亦希望子女盡量唔好接觸賭博,同大家想像中的「大家姐」形象好唔同!

「洗米華」的由來

「洗米華」呢個名字如今無人不曉,但周生點解會有呢個外號呢?坊間就有唔少說法,其中一個係周生以前做過廚房、負責洗過米而得名。Heidi呢日就道出真相,原來洗米華呢個名係因為當年一套好紅嘅電視劇《城市故事》中,當時梁思浩演嘅角色就叫洗米華,於是身邊人叫叫吓就變咗係周生個花名。另外Heidi就原來唔係咁鐘意「洗米嫂」呢個名,大家見到佢都係叫番佢「Heidi」啦!

洗米嫂鍾情古天樂

唔少人都覺得洗米華風流倜儻,外型甚有明星相,早前仲自封「澳門古天樂」!但Heidi原來覺得古天樂靚仔過洗米華,因為自小就睇古仔嘅劇集,對方係自己偶像。老公有型,老婆當然唔會差!Heidi生咗兩個女後身材依然索爆,每每出席公開場合都性感迷人,其實佢冇咩特別方法,都係靠努力做運動!佢仲鼓勵其他產後媽媽要有決心,否則一定減唔到!

與大仔friend過打band

雖然同洗米華分開咗,但Heidi與周家眾人關係非常好,其中與大仔周柏豪特別老友,經常都見佢哋攬頭攬頸合照!柏豪與Heidi雖沒有血緣關係,但感情就比與親生爸爸洗米華更好!Heidi表示佢同柏豪感覺似係朋友,無所不談,而柏豪對兩位妹妹周梓潼及周羨潼都疼錫有加,父愛十足,難怪大家關係咁好啦!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!