講你都唔信

講你都唔信|曾志偉邀嘉賓爆「秘密」估真假 被指抄汪明荃《娛樂大家》?

最新娛聞

廣告

曾志偉出山孖住「大師兄」錢嘉樂主持《講你都唔信》,一度被網民以為《獎門人》返嚟啦﹗《講你都唔信》以全新遊戲節目作介紹,不過有網民發現又係炒冷飯,同2019年汪明荃主持的《娛樂大家》其中一個遊戲環節「真假話題」似到 十足十﹗

講你都唔信|曾志偉愛將波波任首集嘉賓

曾志偉主持的《講你都唔信》每集會請不同嘉賓,分成兩組比賽,以不同主題大爆「秘密」,並由另一隊估內容真定假﹗首集(21日)嘉賓有「烈女隊」波波黃婧靈、江美儀及莊思敏,而「兄弟幫隊」有Bob林盛斌、范振鋒及王梓軒﹗

講你都唔信 曾志偉與錢嘉樂、丁子朗和林秀怡主持首集《講你都唔信》,曾志偉及錢嘉樂做膽,會有不同主持人。
曾志偉與錢嘉樂、丁子朗和林秀怡主持首集《講你都唔信》,曾志偉及錢嘉樂做膽,會有不同主持人。(圖片來源:TVB)
講你都唔信 講解遊戲玩法時都話好簡單﹗
講解遊戲玩法時都話好簡單﹗(圖片來源:《講你都唔信》截圖)
講你都唔信 曾志偉親自叫波波出場,分享其人生最瘀的事﹗
曾志偉親自叫波波出場,分享其人生最瘀的事﹗(圖片來源:《講你都唔信》截圖)

波波露Bra帶講中學著粉紅底被封「銅鑼灣粉紅」

《講你都唔信》首集主題大爆人生瘀事,波波黃婧靈出場自爆中四時,有一日放學到銅鑼灣商場電梯上跌倒,成條校裙揭起並露出粉紅色內褲,同學即時反應沒有上前把她扶起,而是大叫「粉紅色」從此波波被封為「銅鑼灣粉紅色」,現場男士個個大叫:「嘩﹗好有畫面﹗」、「跌親唔驚,有私家氣墊」,Bob唔信係真仲抵死話:「點會跌完依家變作咁?腫咗咩?」丁子朗一臉疑惑問:「冇著﹗粉紅色?」全場笑佢「諗衰嘢」,Bob笑佢:「丁丁諗到冇著都粉紅色,平時睇開咩㗎?」曾志偉都搭嘴:「銅鑼灣啫!去到北角變黑色啦!」笑爆全場

講你都唔信 波波講到好引人入勝,自爆中四著粉紅色內褲,聽到現場所有男士都好興奮不停發言,最後波波開估係假﹗
波波講到好引人入勝,自爆中四著粉紅色內褲,聽到現場所有男士都好興奮不停發言,最後波波開估係假﹗(圖片來源:《講你都唔信》截圖)
講你都唔信 著上貼身背心的波波講到𠌥晒身﹗
著上貼身背心的波波講到𠌥晒身﹗(圖片來源:TVB)
講你都唔信 波波同莊思敏、江美儀同隊﹗
波波同莊思敏、江美儀同隊﹗(圖片來源:《講你都唔信》截圖)
講你都唔信 男子組有阿Bob、范振鋒和王梓軒,一聽到波波自爆露出粉紅色內褲,大家都大叫「好有畫面」﹗
男子組有阿Bob、范振鋒和王梓軒,一聽到波波自爆露出粉紅色內褲,大家都大叫「好有畫面」﹗(圖片來源:《講你都唔信》截圖)

講你都唔信|阿Bob被認錯做鵬哥?

向阿姐致敬?

曾志偉出山主持的全新遊戲節目,周一至三晚十時半播出,不過有眼利網民指遊戲節目同汪明荃三年前主持的《娛樂大家》,其中一個遊戲環節「真假話題」好相似﹗其中一集最經典的是羅仲謙(現改名羅子溢)自爆曾為追楊怡(現改名楊茜堯)在冬天晚上跳海示愛,羅仲謙爆:「嗰時佢大我,本來係戲言,點知我真係跳落去,游出去浮台大叫『你可唔可以做我女朋友』,不過嗰時佢冇理我﹗」大家都話太誇張唔信,點知原來係真嘅﹗

講你都唔信 羅仲謙自爆追楊怡的經過,現場藝員估佢講真話定假話﹗
羅仲謙自爆追楊怡的經過,現場藝員估佢講真話定假話﹗(圖片來源:《娛樂大家》截圖)
講你都唔信 羅仲謙開估係真嘅﹗
羅仲謙開估係真嘅﹗(圖片來源:《娛樂大家》截圖)
講你都唔信 《娛樂大家》
《娛樂大家》(圖片來源:TVB)
講你都唔信 汪明荃、森美、余德丞等主持的《娛樂大家》2019年3月播出,邀請藝員一起上節目玩遊戲,反應好不斷添食至2020年8月第四輯的《娛樂大家10點半》,做足年幾﹗
汪明荃、森美、余德丞等主持的《娛樂大家》2019年3月播出,邀請藝員一起上節目玩遊戲,反應好不斷添食至2020年8月第四輯的《娛樂大家10點半》,做足年幾﹗(圖片來源:FB@汪明荃)

《娛樂大家》羅仲謙自爆示愛經過:

講你都唔信|又擺馮盈盈、江嘉敏上枱?

《講你都唔信》一共有九集,除了鐵膽曾志偉和錢嘉樂之外,主持還有馮盈盈、鄭衍峰、丁子朗、方紹聰、江嘉敏、林秀怡等,每集會有不同主持組合,另外每集安排兩組嘉賓亮相,嘉賓需要猜出誰人是說假話。最近傳出馮盈盈唔聽話被掟入雪櫃,今次解凍全靠曾經理,曾志偉承認是他去搵馮盈盈主持﹗而馮盈盈死對頭江嘉敏都有份,未知會否又安排一起增加節目話題及效果﹗

講你都唔信 曾志偉 解構心機女|江嘉敏寸爆馮盈盈例牌遲到 馮盈盈:上次約出街已經係一年前
馮盈盈和江嘉敏呢對反目姊妹,之前被安排一起主持《解構心機女》,馮盈盈「心機」晒線的打扮,完全搶晒江嘉敏fo。

《講你都唔信》究竟係個咩節目?

撰文:東方新地圖片來源:《講你都唔信》截圖、《娛樂大家》截圖資料或影片來源:TVB

讀者留言