ft pic

謝天華歲半大囝囝似足老竇

謝天華囝囝謝浩飛(天天)上年2月出世,話咁快已經歲半喇!相當保護囝囝嘅天華同太太Tina,除咗天天初出世嗰排有擺BB相開心share,近期都甚少將阿仔嘅正面樣放上網,多數都係影背炙或者得半塊面,似乎唔想囝囝全相曝光!

其他文章:

專出童顏?細寶阿雪原來係中學師兄妹

《一屋老友記》扮廢青 細寶張彥博勁有才華

日前謝太又放咗一幅父子合照上微博,仲寫住「你們…贏在起跑線,我們…漫步人生路!」讚完阿仔係人生贏家,再冧埋老公,一石二鳥,高招!呢張相同之前差唔多,都係離遠影,不過可以見到飛飛已經大個仔,識得企穩玩波波,而天華就跪低幫阿仔影相,好有愛!

天華同老寶一放假就會帶天天周圍去,仲會同其他星二代一齊玩,好似梁浸浸、應采兒囝囝Jasper、洪天明細仔JT等,等天天細細個已經有自己朋友圈子。

睇返天天細個啲相,真係同天華一個餅印,簡直係迷你大天二,笑起上嚟肯定學爸爸一樣咁受女仔歡迎呀!

10

全文完

關鍵詞
謝天華