謝天華

再做老竇 湊個好字!謝天華 晒B女相報喜

謝天華05年就同圈外女友李天恩(Tina)結婚,2014年Tina以42歲高齡懷孕生咗個仔謝浩飛(小天天),今年4月,天華就喺微博宣布太太再度懷孕,天天好快做哥哥!而早前Laughing喺宣傳新戲嘅時候,還透露太太第二胎陀女。今日謝天華就在其社交網貼B女照報喜,湊成個「好」字,恭喜晒呀!

撰文:東方新地 |圖片:謝天華微博李天恩微博

謝天華 晒B女相報喜

51歲謝天華再做老竇喇!佢喺社交網晒出B女嘅相報喜,並留言:「Hello 我來了。先跟大家打個招呼!我叫 Mia 體重 2.88kg (6磅5安士)願各位哥哥姐姐 身體健康。 妹妹 MIA。 ​​​​」

見謝天華抱實囡囡,父愛出晒嚟!

謝天華4月宣布 太太再度懷孕

謝天華在4月時,於微博貼出一張超聲波圖片,佢好開心咁留言話:「今年將會迎接家裏的新成員,感恩感恩天天要做哥哥了也辛苦了媽媽。」

 

謝太高齡再懷孕會好辛苦,所以最後天華不忘寫上「I love u」送俾老婆,抵讚!

早前謝天華同陳小春、鄭伊健、錢嘉樂同林曉峰宣傳佢哋主演嘅新片《黃金兄弟》時,公佈BB性別:「係開心事嚟嘅!嚟緊屋企會再多個新成員,今次係粉紅色嘅!」即係囡囡,湊成個「好」字,囝囝天天好快就會多個妹妹喇,恭喜晒!

View this post on Instagram

#MR1起來1起衝

A post shared by @Jordan (@jordan_chan_36) on

今年父親節,Tina送上印有天天和老公合照的水杯做禮物,睇相真係好sweet好冧,天天也長大不少,好可愛!

睇返天天細個啲相,真係同天華一個餅印,簡直係迷你大天二,笑起上嚟肯定學爸爸一樣咁受女仔歡迎呀!

 

10