EASON

謝霆鋒王菲約Eason夫婦遊東京 唱K放閃賀阿徐生日

王菲謝霆鋒自14年世紀復合後,愛得癡纏,謝霆鋒大部分時間留在北京陪王菲,多次被影到拍拖蜜遊。近日王菲霆鋒飛咗去日本東京度假,同行仲有好友陳奕迅夫婦等朋友,為預祝三月七日44歲生日嘅徐濠縈,走咗去唱K。現處於半退休狀態嘅王菲,想一賭佢風采或者請佢出山唱歌真係難過登天,不過呢晚王菲不但大開金口,仲唱霆鋒首經典金曲〈因為愛 所以愛〉,霆鋒就唱〈Be a better man〉,互唱情歌,閃死人咩﹗

撰文:東方新地

謝霆鋒 王菲 約Eason阿徐遊東京

王菲霆鋒世紀復合後愛得大方不避忌,王菲專心拍拖,無意復出樂壇,雖然霆鋒兼顧生意及演藝工作,不過仍會抽時間陪王菲四圍去,二人不時被影到拍拖外遊,近日就約埋陳奕迅同徐濠縈等朋友飛東京,為阿徐慶祝生日。王菲霆鋒及同行朋友為阿徐到K房慶祝生日,又預備咗一個由海膽砌成嘅生日蛋糕賀阿徐。阿徐喺IG即時動態po咗段片,片中先影住佢老公阿奕迅拎住支咪,然後鏡頭突然一移,就見到阿菲喺mic stand前叉住條腰,同Eason合唱佢哋首歌〈因為愛情〉。之後Eason轉位,走咗去霆鋒側邊度,同王菲一齊唱霆鋒首經典金曲〈因為愛所以愛〉,霆鋒聽到入神仲不停冧笑﹗

謝霆鋒
徐濠縈日前喺IG貼咗張同老公一齊喺候機室遇見嘉玲偉仔嘅合照,原來係飛東京會合王菲謝霆鋒。
謝霆鋒
陳奕迅最先貼左張兩個人嘅影出嚟,原來就係王菲嚟﹗咁謝霆鋒去咗邊?

 

謝霆鋒
同行朋友預備咗個阿徐至愛嘅海贍砌成嘅蛋糕,預祝佢三月七日44歲生日。
謝霆鋒
王菲叉住腰唱得好投入,原來謝霆鋒就坐喺佢斜前方。
謝霆鋒
本來影住Eason同人合唱,原來把女仔聲就係天后王菲,二人合唱〈因為愛情〉。

王菲謝霆鋒互唱情歌

王菲唱得如此投入,原來謝霆鋒就坐喺佢斜前方,Eason轉位走咗去坐喺霆鋒側邊,同王菲合唱霆鋒首經典金曲〈因為愛所以愛〉,霆鋒望住王菲對住自己唱情歌,臉上笑容甜到爆,不停冧笑﹗聽完女友唱情歌重難月日接住霆鋒立即有回應,唱咗自己曾經翻唱嘅〈Be a Better Man〉,嘩﹗想燦死人咩﹗

謝霆鋒
王菲揀咗謝霆鋒首〈因為愛所以愛〉同Eason合唱, 霆鋒望住王菲不停甜笑,Eason玩嘢成個身挨落霆鋒度笑兄弟。
謝霆鋒
謝霆鋒不停冧笑!
謝霆鋒
謝霆鋒唱番首歌冧阿菲!
謝霆鋒
謝霆鋒之後再唱〈非走不可〉,王菲聽得好入神!

王菲謝霆鋒當眾咀嘴

王菲霆鋒當年愛得轟動,03年分手後,各自結婚,之後霆鋒跟張栢芝離婚,王菲其後跟李亞鵬離婚,輾轉11年,14年驚爆世紀復合,有傳一手撮合二人的趙薇。霆鋒被影到經常出入阿菲位於東三環朝陽區的亮馬橋香閨,並影到二人親密咀嘴。世紀復合後長住北京嘅阿菲孖住霆鋒返港,其後再雙雙飛返北京,二人在候機室情不自禁咀嘴,愛得癡纏﹗

謝霆鋒
謝霆鋒王菲世紀復合!
謝霆鋒
謝霆鋒同王菲激罕公開咀嘴!

延伸閱讀:

 

 

 

簡淑兒拒發誓粉碎整容傳聞:只係妝容與角度唔同!