譚詠麟

譚詠麟惡搞好友扮女人 換面相被網友一致好評

歌手譚詠麟同曾志偉不嬲老友鬼鬼,近日阿倫就惡搞好友,喺個人社交網上載咗幾張換臉特效相上網,而啲相仲要係佢自己、曾志偉同陳百祥個樣Key落啲女性裝扮嘅人身上!之後,仲獲網友們一致讚好,皆因佢哋三個都好有「扮女人」嘅天分!一齊睇下佢地有幾似女人~

撰文:東方新地|圖片:Facebook

譚詠麟整蠱好友

啱啱個星期就係母親節,而譚詠麟就上載咗三張換臉特效相上網,而被換面嘅人除咗包括佢自己外,仲有曾志偉同陳百祥,並留言話:「福祿壽難得聚一聚,猜猜我是誰又是誰?祝天下母親 母親節快樂!」

譚詠麟之後再放出三人嘅合照,唔通係想同「扮女人」嘅相做個對比?

之後,譚詠麟可能覺得曾志偉嘅樣貌太適合Key上唔同嘅女性裝扮,所以就再Key多幾張志偉嘅樣,包括有文青女神同古代妃嬪等,睇落又真係零違和感!

就算係Key落女性古裝扮相嘅志偉,都完全輕易駕馭得到~

好嫵媚呀~