伍詠薇

伍詠薇上ViuTV節目喧賓奪主狂窒娟姐 網民圍插無品大支嘢

最新娛聞

廣告

ViuTV的新節目《晚吹 – 讓我一次買個夠》日前(16日)首播,節目由當奴和練美娟主持,請來伍詠薇擔任第一位嘉賓,向來得罪人多稱呼人少的伍詠薇,恃住自己是前輩不停擺款,除反白眼嘴藐藐外,更瘋狂寸娟姐,又用個背脊得住人。網民戥娟姐慘,忍足成個節目仲要對伍詠薇表現恭敬。今次伍詠薇上ViuTV吸嬲,被網民圍插無品唔識尊重人,乞人憎指數飆升。

伍詠薇 伍詠薇為ViuTV新節目《晚吹 - 讓我一次買個夠》打頭陣做嘉賓。
伍詠薇為ViuTV新節目《晚吹 – 讓我一次買個夠》打頭陣做嘉賓。(圖片來源:ViuTV影片截圖)

伍詠薇與ViuTV早有淵源新節目靠佢打頭陣

曾是無綫藝人的伍詠薇,其實與ViuTV關係不俗,開台無耐2017年 伍詠薇參演過ViuTv綜藝《碌卡大導》;2020年伍姑娘更曾擔大旗主持直播綜藝遊戲節目《埋嚟睇埋嚟玩》,不過就被指與《Do姐有問題》撞橋,反應麻麻;有指今次ViuTV搞搞新意思,頂替《晚吹 – 有酒今晚吹》的全新節目《晚吹 – 讓我一次買個夠》首集再搵伍詠薇做嘉賓,希望打頭陣令節目有迴響,點知就造成「反效果」,節目一開始伍詠薇已經寸寸貢,完全唔畀面當奴及娟姐兩位主持,喧賓奪主自己一輪嘴講自己想講嘅嘢。

伍詠薇 伍詠薇要在節目中分享她的日常支出表。
伍詠薇要在節目中分享她的日常支出表。(圖片來源:ViuTV影片截圖)
伍詠薇 被問到有沒有在住屋方面夾錢,伍詠薇唔like主持問家事。
被問到有沒有在住屋方面夾錢,伍詠薇唔like主持問家事。(圖片來源:ViuTV影片截圖)

伍詠薇被問日常開支勁唔耐煩

伍詠薇在節目開段公開自己的生活開支圖,兩位主持見其住屋費佔最多,於是展開追問為何老公要她夾錢,伍詠薇說:「平時係唔夾㗎,有時我會畀下咁樣囉!」娟姐回一句:「隨心啦呢啲。」伍詠薇勁唔耐煩反白眼說:「呢啲係我嘅家事,唔關你哋事好冇?」當奴嚇了一嚇,笑着打圓場:「呢個節目就係講家事㗎其實都,咁我哋唔講屋啦!講交通開支啦!」

伍詠薇 伍詠薇擺出不可一世的前輩架子。
伍詠薇擺出不可一世的前輩架子。(圖片來源:ViuTV影片截圖)
伍詠薇 呢啲表情老是常出現。
呢啲表情老是常出現。(圖片來源:ViuTV影片截圖)

伍詠薇狂寸狂窒娟姐

伍詠薇分享自己的儲錢心得,喜歡用現金的她閒時會拎銀紙出來排列整齊然後逐疊數,娟姐表示在風水學上這樣做會令金錢自己湧來,伍詠薇即寸她:「你唔好多事啦!學埋個大頭鬼(Bob林盛斌)講啲嘢!」聽到伍詠薇鍾意食兩餸飯,娟姐表示驚訝,又被伍詠薇鬧:「你依家咩態度呀?……你問我嘢時你唔准笑!」伍詠薇反客為主騎劫了成個節目,明顯對娟姐好唔客氣。

伍詠薇 向來直腸直肚的伍詠薇多次在節目反白眼兼藐嘴,又不斷狂串娟姐,引來大批網民批評她沒禮貌,又戥娟姐感到委屈。
向來直腸直肚的伍詠薇多次在節目反白眼兼藐嘴,又不斷狂串娟姐,引來大批網民批評她沒禮貌,又戥娟姐感到委屈。(圖片來源:ViuTV影片截圖)
伍詠薇 當奴與娟姐不時表露出極度尷尬的樣子。
當奴與娟姐不時表露出極度尷尬的樣子。(圖片來源:ViuTV影片截圖)

伍詠薇用背脊得住娟姐

之後娟姐轉話題,指伍詠薇很捨得花錢買內衣及睡衣,家中收藏近400多套,更拍了一條片介紹她的珍藏,伍詠薇表示好後悔沒有穿過這些睡衣影寫真,娟姐回應:「可咩惜啫,你咪依家着番再影囉!」伍詠薇反應極大唔太like,背住娟姐向當奴說:「佢唔好以為自己身材好過我,講埋啲咁嘅嘢。」娟姐面紅耳熱解釋:「梗係唔係啦,真係可以,有心唔怕遲!」並向當奴求救:「你講吖!你公道!」當奴欲化解尷尬氣氛,扭耳仔表示:「對唔住對唔住,我打工㗎咋,sorry,我哋去下個環節啦唔該晒!」明顯見到氣氛尷尬,伍詠薇仲講咗句:「你哋唔好嘈呀!」唔知真係以為佢先係主持。

伍詠薇 伍詠薇一永用背脊得住娟姐,只與當奴對話,所以這集節目很少娟姐的個人鏡頭。
伍詠薇一永用背脊得住娟姐,只與當奴對話,所以這集節目很少娟姐的個人鏡頭。(圖片來源:ViuTV影片截圖)
伍詠薇 娟姐被伍詠薇曲解她的意思,激動為自己平反。
娟姐被伍詠薇曲解她的意思,激動為自己平反。(圖片來源:ViuTV影片截圖)

嫌娟姐唔識嘢直呼「練美娟」

伍詠薇公開獨特的收藏衣物方法,令衣物不變黃:「搵膠袋包住囉,好似上鏈錶咁得閒拎出嚟,放下啲臭丸落去,又會揈下佢,啲臭丸唔好嘅話痴到會變黃㗎啲嘢,你知唔知呀阿女!阿練美娟!」娟姐面露尷尬說:「真係請教請教!」之後伍詠薇介紹一條早年買入的腰鏈,話自己當年好弗,更轉向娟姐問:「唔知你戴唔戴到呢,呵?」娟姐被窒足全晚,忍得好辛苦。

伍詠薇 變成磨心的當奴扭耳仔求伍詠薇放過他。
變成磨心的當奴扭耳仔求伍詠薇放過他。(圖片來源:ViuTV影片截圖)
伍詠薇 被伍詠薇針對的娟姐,忍耐力非常高。
被伍詠薇針對的娟姐,忍耐力非常高。(圖片來源:ViuTV影片截圖)

網民一面倒鬧爆伍詠薇

節目出街後,不少網民都對伍詠薇的寸爆行為非常不滿,認為她不極尊重兩位主持,尤其針對娟姐起晒槓,Facebook社群「中女講呢啲」的版主更出po大講伍詠薇在節目中的所作所為,引起極大迴響,亦有網民在ViuTV的社交網站圍插伍詠薇無品兼趕客,好多人話頂唔順要熄電視,留言包括「真係無品到一個點」、「伍姑娘冇基本禮貌,令到兩位主持尷尬和難堪,亦另我們(觀眾)睇得不開心」。網民亦看得出娟姐的高EQ,大讚她夠專業,戥娟姐不值:「Respect娟姐」、「忍住道氣唔窒返轉頭都難,仲要唔黑面有笑容,專業」、「要畀個叻娟姐」、「娟姐呢集勁委屈,辛苦晒」,ViuTV今次請錯嘉實,真係捉蟲!

伍詠薇
(圖片來源:[email protected]中女講呢啲)
伍詠薇
(圖片來源:[email protected]中女講呢啲)
伍詠薇
(圖片來源:[email protected]中女講呢啲)
伍詠薇
(圖片來源:F[email protected]中女講呢啲)
伍詠薇
(圖片來源:[email protected]截圖)
伍詠薇
(圖片來源:[email protected]截圖)
伍詠薇
(圖片來源:[email protected]截圖)
伍詠薇
(圖片來源:[email protected]截圖)
伍詠薇
(圖片來源:[email protected]截圖)
伍詠薇
(圖片來源:[email protected]截圖)
伍詠薇
(圖片來源:[email protected]截圖)

伍詠薇重溫自己表現覺得搞笑

當晚節目播出的時候,伍詠薇有份坐在電視機面前捧場,她在Facebook貼出影電視畫面的照片並謂:「而家睇緊ViuTV晚吹新節目,第一集嘉賓就係我啦⋯⋯我自己睇返都笑爆咀!」在伍詠薇下方留言的網民,極大部份都對她的表示表示支持:「綜藝也好,演戲也好,攪笑都好,都能睇得出你係用心去做,好有個性,好真,實在太壓場了」、「可TVB、ViuTV兩邊去雙蠃」、「剛睇完你上此節目。你懂攪笑但2位主持反應不及你!怕被你笑!認識多咗你!原來你可儲存四百幾件睡衣。有趣!」唯獨有一個網友留言表示:「格格不入」。

伍詠薇
(圖片來源:[email protected]伍詠薇 Christine Ng)

娟姐出Story打圓場

節目播出後引起廣大的討論,娟姐在今日(18日)下午於其IG出Story透露收到不少朋友嘅關心,最後更幫伍詠薇講好說話:「今日收到好多inbox,多謝大家對新節目咁留意,睇電視輕鬆啲。其實伍姑娘好nice,對我好好,希望下次有機會再合作。」

伍詠薇 娟姐出名好相處。
娟姐出名好相處。(圖片來源:[email protected]

伍詠薇收集內衣念舊情

《晚吹 – 讓我一次買個夠》邀請到工業及組織心理學家黃仲遠(Mills),為伍詠薇解構喜愛收藏內衣和對失而復得物品特別鍾愛的原因。伍詠薇家中收藏超過400套睡衣、試過最貴一次花費了7萬港元入貨,Mills指喜歡收藏睡衣和內衣,代表對方在愛情、親情或友情各種關係上,都追求激情和親密度。而在伍詠薇分享的鍾愛物品中,大部份都出現過失而復得的情況,Mills認為她在弄丟東西後,即使自己仍有其他相近的物品,但仍堅持尋回失物,顯示到伍詠薇是個念舊、喜歡尋回舊有感覺的人,而伍詠薇亦非常認同Mills的分析。

伍詠薇 伍詠薇家中藏有大量性感內衣和睡衣。
伍詠薇家中藏有大量性感內衣和睡衣。(圖片來源:ViuTV影片截圖)
伍詠薇 自爆家中收藏超過400套睡衣,伍詠薇試過最多一次花費7萬港紙買睡衣。
自爆家中收藏超過400套睡衣,伍詠薇試過最多一次花費7萬港紙買睡衣。(圖片來源:ViuTV影片截圖)
伍詠薇 每套睡衣伍詠薇都以膠袋入住收好。
每套睡衣伍詠薇都以膠袋入住收好。(圖片來源:ViuTV影片截圖)

老公曾偷食

伍詠薇於21歲與第一任老公、安永會計師事務所高級合夥人翁江培結婚,新婚僅13日對方就因突發心臟病去世。現任老公練海棠是於1998年經好友黎姿介紹下認識,拍拖未夠一年就決定結婚,練海棠曾多次被傳媒影到有好多女埋身,每次伍詠薇都站出來幫老公澄清並表示信任,她曾表示:「我認為感情鞏固,唔係因為一句說話就咁易碎,做任何事都要企家庭方向,我唔會鬧一個我愛嘅人。」不過在2018年,伍詠薇於訪問中承認婚姻曾經出現風波,最後大家靠溝通解決好問題繼續前行。

伍詠薇 伍詠薇承認婚姻曾出現暗湧。
伍詠薇承認婚姻曾出現暗湧。(圖片來源:微博@伍詠薇)
伍詠薇 伍詠薇與練海棠1999年結婚。
伍詠薇與練海棠1999年結婚。(圖片來源:東方新地)

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節有什麼好去處推介?

情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!

撰文:東方新地圖片來源:ViuTV影片截圖、[email protected]中女講呢啲、[email protected]截圖、[email protected]伍詠薇 Christine Ng、[email protected]

讀者留言