ft pic

谷胸拍海報 滕麗名北京講talk教潛水

憑《一屋老友記》再次翻hit的「二寶」滕麗名,雖然未有新劇開拍,但阿滕一直忙到冇停手!先去日本北海道開工,再同黃翠如、江美儀等人飛大馬錄《姊妹淘》,以及做當地國際華裔小姐競選評審。日前阿滕又要出動,為「北京國際潛水展」做大使,一向身材有料到嘅阿滕,將上圍谷到盡影海報,咁吸引,到時肯定好多人入場喎!

延伸閱讀︰

《城寨》張頴康登場 拳佬牙佬反目成仇

學胡定欣七招簡易TRX纖腰法

阿滕熱愛潛水,一早已考到潛水牌,今次獲邀為「2016 ADEX北京國際潛水展」做潛水展大使,唔係得個樣㗎!阿滕今次完全冇收任何酬勞,純粹為主辦單位宣揚環保同分享潛水心得!

當日阿滕為活動拍海報,冇因為係義工就求其hea影,照樣full gear上陣,仲自行幫上圍升級,等攝影師可以影得靚啲!

要拍廣告,又要去大馬錄節目,好在近日阿滕終於有假放,可以約朋友飯局,日前仲去咗泰國打golf叉電!估唔到阿滕真係咁鍾意戶外活動喎!

全文完

關鍵詞
滕麗名