賈曉晨

一手食雞 一隻手抱女 賈曉晨:練了一身好本領

上年11月,樊少皇同賈曉晨(JJ)嘅愛情結晶品出世,JJ於養和醫院誕下一女,乳名叫「小飯兜」。話咁快BB半歲大,媽咪賈曉晨早前放咗幾張女兒正臉相同大家分享,相中更見到小飯兜似足媽咪咁靚,日前JJ分享湊女之日常,見佢力王上身⋯

 

撰文:東方新地 |圖片:賈曉晨微博

一手食雞 一隻手抱女 賈曉晨:練了一身好本領

賈曉晨(JJ)當媽媽後,不時在網上分享湊女之日常,呢日佢就晒出一張抱住囡囡「小飯兜」食嘢相,相中見JJ一邊食雞翼,另一隻手就抱住囡囡餵佢飲奶,不愧係力王嫂!JJ就話:「練就了一身好本領,又當爹又當媽系列@樊少皇」

賈曉晨 公開全家福

樊少皇與賈曉晨自育有一女「小飯兜」後,一直為愛女嘅容貌保持神秘。但就喺今日,賈曉晨竟然喺個人社交網放咗幾張囡囡嘅正臉相,終於令小飯兜嘅樣曝光!

一家三口嘅全家福中,終於可以見到小飯兜嘅正臉喇!

賈曉晨大方放囡囡正臉相

從賈曉晨擺上網啲相睇得到,小飯兜個樣甚得父母真傳,對眼又圓又大,眼仔碌碌咁,十分精靈!加上下巴尖尖咁,相信第日長大之後都會係一個靚女!

咁細個就識夾胸影相!

賈曉晨更留言:「親愛的寶貝,我們的小飯兜,從你出生、一周、滿月、百天、到現在半歲,媽咪時時刻刻陪着你,就怕錯過你成長的每一秒鐘,今天你半歲生日了,媽媽要跟大家一起分享這份快樂!希望寶貝身體棒棒的,每天快快樂樂,長大也是個樂觀快樂又聰明的好孩子。」 ​​​​

喺媽咪懷中嘅小飯兜,盡顯女兒嘅嬌嗲~

賈曉晨 羨慕囡囡

事實上,賈曉晨之前都有擺囡囡啲相上網,但就唔係正臉。例如有一次,佢就只影愛女嘅半邊面,仲留言話好羨慕小飯兜長長嘅眼睫毛~

啲眼睫毛真係好長呀!

樊少皇與賈曉晨為愛女保持神秘

2016年,樊少皇與賈曉晨結婚。上年11月,賈曉晨就喺香港養和醫院誕下囡囡「小飯兜」,期後兩公婆一直都冇公開女兒嘅正臉,甚為秘密。

今年係二人結婚兩週年。

之前囡囡滿月,樊少皇同賈曉晨都冇俾小飯兜出鏡。