賴凱靖

長腿靚女主播賴凱靖Rachel 鏡頭下係個文青女神?

自從無綫最索女主播陳嘉倩離開新聞部後,唔少男士大呼失望,連新聞都冇心機睇,但其實新聞台依然有唔少靚女留守,好似梁凱寧、麥詩敏等等,唔知大家有冇留意另一位主播賴凱靖 (Rachel) 呢?去年九月加入TVB的Rachel最近擔任專題節目《探古尋源》主持,原來私底下仲係一位文青女,漸漸多人留意!

撰文:東方新地|圖片:Instagram

講到新聞小花…

被譽為最索主播的陳嘉倩去年離開無綫新聞部,去過港台、ViuTV拍節目,另外又活躍於社交平台,曝光率可能比前更高。另一方面陳嘉倩放下了多年來正正經經的新聞女郎形象,造型愈來愈多變,令人驚喜!

以前又點會有機會睇到小蠻腰!

梁凱寧好身材成賣點

梁凱寧(Maggie) 都係另一個被網民力捧的新聞小花,92年出生的Maggie畢業於浸大傳理系,加入無綫後更成為史上最年輕的《香港早晨》主持。 Maggie除了樣靚聲甜,一副姣好身材都係其受男士歡迎的原因!

梁凱寧中學時期的相片曾在網上瘋傳,其中一張三點式泳衣照盡顯其豐滿身材,睇到男士們呆晒!

靚女主播賴凱靖Rachel

上文講完兩位出晒名的靚主播,小編其實想介紹另一位主播賴凱靖(Rachel),去年九月加入TVB的最近擔任專題節目《探古尋源》主持,同大家講講沙田新市鎮歷史。雖然賴凱靖又未算話靚到驚為天人嗰種,但勝在乖乖女外表清秀可人,笑得夠甜,小編都好buy!

賴凱靖
同其他女主播唔同,賴凱靖好似較少露齒笑?

鏡頭下係個文青女神?

另外,網上關於賴凱靖的資料真係寥寥可數,只知道佢之前喺城市大學修讀語言、文學相關科目,去年正式學士畢業,其後即加入TVB擔任主播。雖然為人低調,但IG都有9千幾人follow,當中都有唔少私照靚相,仲係依家網民至愛的文青風?

賴凱靖去年喺城市大學畢業,IG中亦有畢業照睇~

賴凱靖
雖然只係事隔一年,又可能係化妝的關係,賴凱靖著畢業袍個樣好似青澀好多!

愛玩文青菲林機

私底下的賴凱靖最愛玩文青菲林機,好多時啲相隔住個Mon都感覺到有構圖有味道,雖然小編唔係專家,總之都覺得幾靚啦!

長腿同樣吸睛

文青look吸引,一雙白滑長腿同樣吸引!

關鍵詞
主播