車震照肺高層施壓 劉穎鏇飛胡㻗保前途
撰文：東方新地 圖片：新傳媒圖片、《兄弟》截圖
劉穎鏇 飛胡㻗保前途
兩年前從美國回流選港姐、留港發展，本來係土生土長 ABC、入行前又有大學相識要好男友，不過事業為重、遙距愛情又難維繫,出道半年後，劉穎鏇即急急公布分手，自爆回復單身。對外表示上段感情結束後年多冇拍拖，不過據悉16年參選香港小姐與同屆參選香港先生的胡㻗已經結識，被公司安 排經常同場受訓、出席活動，賽後又齊齊加入訓練班，朝見口 晚見面加上年紀相若話題多多，劉穎鏇與胡㻗愈行愈埋,近月 更因為胡㻗主動出擊,終於由大班朋友聚會昇華成二人世界。
同女友慶生
一直擁有共同朋友圈,不過劉穎鏇個 人社交網從不放與男友合照,反而胡㻗(上排中間)私相簿中不難發現劉穎鏇蹤影,可 惜轉為戀人關係僅數月即出事。
16年三料港姐亞軍、樣靚腳長性格亦討好,劉穎鏇當年係大熱,去年首次拍 劇亦即被安排演出要角,飾演女拳王劇中不時 肉搏晒料,搶盡同劇江嘉敏風頭,同男主角楊明有感情線。
主動分手
女友上位期工作多多,所以日前劉穎鏇出席完《 兄弟 》演員飯敍 後即使夜深,胡㻗一樣殷勤驅車到尖沙咀,接埋女友轉場去西貢銀線 灣暗處把握機會談心。可惜戀情萌芽僅僅數月,難得夜會卻被傳媒撞 正登上頭條,據知情人士透露,二人即日已收 c a l l 要回台見高層:「 出 事嗰晚佢哋已經打畀經理人報定案,第二日仲被高層召返去照肺,話 晒Tiffany(劉穎鏇)依家被力捧,搞呢啲新聞出嚟對形象好大影 響,公司都警告佢唔好再行差踏錯,T i f f a n y 都明《 兄弟 》呢個角色係 個好難得機會、出街呢段時間所有新聞都對自己有影響,唔想因為拍 拖冇咗機會,所以死死氣認完錯,雖然好唔捨得,都應承咗高層兩個 人唔會再繼續落去。」換言之,即係為保事業寧棄愛情!始終得21歲 年資又淺,分完手見記者,係會激動啲!
車震新聞登上頭版翌日,劉穎鏇在經理人陪同下回應記者時失控爆喊,據悉在見記者前,劉穎鏇已經先行被高層召見照肺。
為保事業向高層答應斬情絲，劉穎鏇日前現身尖沙 咀,手持一杯珍珠奶茶、面容輕鬆,心情極速回復。
約女友洗底
唔方便拍拖,惟有電 召要好閨密相陪,二 人在尖沙咀睇衫、買化妝品,消磨整個下 午。
兄弟媾女王
被指車震,胞弟胡㻗未出聲,食女上報 經驗無數的羅天宇經驗老到幫細佬拆 彈:「佢哋一入行就識,細佬喺附近收工 順路車埋個女仔,因為第一次被記者衝 出嚟影,係驚啲緊張啲啫!」
劉穎鏇演出賣力 感動觀眾
在11月21日播出嘅劇集《兄弟》的一集，主要講劉穎鏇代表鷹奇拳館參加由王浩信搞嘅女拳王大賽，劇中一開始劉穎鏇率先同韓國金腰帶得獎者對決。劉穎鏇可以話係由頭帶到落尾咁滯，不過後段雙方都同時打到對方太陽穴倒地。
以為咁就完？錯喇，因為Tiffany贏咗呢條賽事後，馬上要同香港另一位晉級對手打。對手實力超卓，打到Tiffany左眼腫晒兼流血！
休息時Tiffany向爸爸講出自己喺外國打拳時整親條腰一直醫唔好，但係話自己真係好鍾意打拳，好想贏呢個比賽！
劉穎鏇首次拍劇就要做女拳手，畀人打到拳拳到肉，雖然大家都知係拍劇，但係又有咩方法可以表現到真係畀人打到咁痛呢？原來喺拍攝前劉穎鏇狠狠地出拳打自己條腰，所以進入拍攝期間畀對手打真係覺得好痛。前晚呢一幕真係感動到好多觀眾，仲令更多人知道拳手呢個行業係唔易做㗎！
演出獲網民激讚！
Tiffany仲喺自己IG上PO咗一段自己練拳時嘅片段！
相關文章：
《3日2夜》劉穎鏇迷倒觀眾
早前一輯《3日2夜》由劉穎鏇(Tiffany) 及江嘉敏帶大家遊歷土耳其伊斯坦堡。節目中大家除了欣賞土耳其的特色景點之外，當然少不了留意兩位女神的互動！Tiffany在鏡頭前可愛真摯不造作，成功攻陷一班觀眾！
土耳其浴騷身材
雖然冇以往大家最期待的浸溫泉環節，但劉穎鏇同江嘉敏去了享受土耳其浴，非常吸睛。靚女浸浴喎，一定好好睇啦！
