AA

辣王傳|Dee哥何啟華孖Dee姐再合體食勁辣拉麵食到面容扭曲 網友擔心:又玩命

最新娛聞

由ERROR成員阿Dee(何啟華)主持的新飲食節目《辣王傳》現正於ViuTV逢星期六晚上8時播出,曾在台灣因食辣麵而食到入醫院的阿Dee,今次在節目中竟然自稱「ViuTV辣王」,仲要輪住帶領8位「辣妹」四出挑戰辣料理,每每都辣到面容扭曲,令網友都好擔心阿Dee,話佢咁玩法隨時命都短幾年!

文:東方新地|圖:何啟華IG、J. Arie IG、ViuTV《辣王傳》圖片及影片截圖

《辣王傳》Dee哥、Dee姐再合體

自稱為「ViuTV辣王」的阿Dee自誇曾在東京食過辣拉麵,又在九州食過激辣燒肉,全都難不倒他,在最新一集《辣王傳》中,阿Dee就同「Dee姐」陳海寧(Isabella)再度合體拍節目,加上陳嘉倩,一齊挑戰日韓辣料理。

被指「撞樣」的Dee哥同Dee姐情同兄妹,今次再度合體拍節目,大受網友期待。(圖片來源:ViuTV)
被指「撞樣」的Dee哥同Dee姐情同兄妹,今次再度合體拍節目,大受網友期待。(圖片來源:ViuTV)
阿Dee的8位「辣妹」拍檔包括有陳海寧(Isabella)、陳嘉倩、練美娟、鄭伊琪(浩南)、甄茵、林梓程(Fion)、張綺娜(Nana)、康錦媚(Mavis)。(圖片來源:ViuTV)
阿Dee的8位「辣妹」拍檔包括有陳海寧(Isabella)、陳嘉倩、練美娟、鄭伊琪(浩南)、甄茵、林梓程(Fion)、張綺娜(Nana)、康錦媚(Mavis)。(圖片來源:ViuTV)

Dee姐問Dee哥:雄風去咗邊?

三人首先到訪一間主打辛辣的拉麵店,店舖曾辦過吃辣比賽,最快的紀錄是48秒吃完一碗「鬼辛」拉麵。阿Dee自言可以成功挑戰24秒,怎料阿Dee食到面容扭曲,被「Dee姐」反問:「你啲雄風去咗邊啊?」

阿Dee在節目中四出尋覓餐廳,挑戰辣料理,為每道菜色的辣度評級,務求向觀眾介紹不同辣度的菜色。(圖片來源:ViuTV)
阿Dee在節目中四出尋覓餐廳,挑戰辣料理,為每道菜色的辣度評級,務求向觀眾介紹不同辣度的菜色。(圖片來源:ViuTV)
今集阿Dee同Dee姐、陳嘉倩挑戰店舖的「鬼辛」拉麵。(圖片來源:ViuTV)
今集阿Dee同Dee姐、陳嘉倩挑戰店舖的「鬼辛」拉麵。(圖片來源:ViuTV)
阿Dee食極辣拉麵,食到面容扭曲,只食一啖就想投降!(圖片來源:ViuTV)
阿Dee食極辣拉麵,食到面容扭曲,只食一啖就想投降!(圖片來源:ViuTV)
辣到阿Dee要飲奶解辣。(圖片來源:ViuTV)
辣到阿Dee要飲奶解辣。(圖片來源:ViuTV)

曾因食辣入院

事實上阿Dee曾在前年於台灣拍攝ViuTV節目《花姐ERROR遊2》時,因食一碗麻辣乾麵而搞到入醫院,事後他曾表示:「去到醫院,我畀醫護人員鬧我做咩唔愛惜自己生命!同埋嗰時我明明好急想去廁所都唔敢去,因為feel到『好滾』!」

阿Dee前年於台灣拍攝ViuTV節目《花姐ERROR遊2》時,因食一碗麻辣乾麵而搞到入醫院。(圖片來源:ViuTV)
阿Dee前年於台灣拍攝ViuTV節目《花姐ERROR遊2》時,因食一碗麻辣乾麵而搞到入醫院。(圖片來源:ViuTV)
當時阿Dee食得好辛苦。(圖片來源:ViuTV)
當時阿Dee食得好辛苦。(圖片來源:ViuTV)
最後ERROR四個都食到嘔番晒出嚟。(圖片來源:ViuTV)
最後ERROR四個都食到嘔番晒出嚟。(圖片來源:ViuTV)
阿Dee更需要Call救護車,被緊急送院醫治。(圖片來源:ViuTV)
阿Dee更需要Call救護車,被緊急送院醫治。(圖片來源:ViuTV)

網友:一邊笑一邊心疼

因此網友都好擔心阿Dee的身體,紛紛留言話「好慘」、「又玩命」、「個胃會好辛苦」、「真心respect」、「睇到一邊笑一邊心疼」、「咁玩法命都短幾年」、「會否辣到又入醫院?」、「一哥請注意身體」等等。

阿Dee本身唔係好食得辣,經常食辣都會食到面容扭曲。(圖片來源:ViuTV)
阿Dee本身唔係好食得辣,經常食辣都會食到面容扭曲。(圖片來源:ViuTV)
網友都大讚阿Dee一邊忍辣嘅同時仲要一邊畀反應同評語,非常專業!(圖片來源:ViuTV)
網友都大讚阿Dee一邊忍辣嘅同時仲要一邊畀反應同評語,非常專業!(圖片來源:ViuTV)

主題曲《辣王》獲讚賞

亦有不少網友大讚阿Dee同J. Arie(雷深如)合唱的節目主題曲《辣王》,希望這首歌能獨立推出MV,原來這首歌由J. Arie親自作曲兼作詞,此外也有網友笑讚「Dee哥嘅食評好有深度」、「Dee哥嘅鼻哥窿好反映到有幾辣」,更有網友祝福阿Dee可以「辣到行氣活血,生多啲頭毛」。

網友指J. Arie加阿Dee配搭好新鮮。(圖片來源:J. Arie IG)
網友指J. Arie加阿Dee配搭好新鮮。(圖片來源:J. Arie IG)
建議ViuTV為呢首歌推出獨立MV!(圖片來源:J. Arie IG)
建議ViuTV為呢首歌推出獨立MV!(圖片來源:J. Arie IG)

讀者留言