b69244cf-9858-46d4-b0dd-cd1ad93237ed

造美人|八強誕生﹗Miko反敗為勝入總決賽 Tracy被淘汰Shweta爆喊自責

最新娛聞

ViuTV《造美人》八強名單誕生,順利進入下周六(7 月3日)的總決賽,角逐冠軍。在camp 2獲第六名次的Jonie最後卻八強止步,由名次第九位的Miko攝上,心情如坐過山車,在比賽中整傷腳的AB,險勝以第八名次進軍總決賽﹗

文:東方新地|圖:《造美人》截圖

《造美人》八強名單於周六(26日)決賽前加時版揭盅﹗十女感情要好,宣布賽果時,充滿不捨與淭水,經理人娟姐同沈殷怡都喊唔停﹗

造美人 八強誕生 總決賽 淘汰
《造美人》八強名單終於誕生﹗(圖片來源:《造美人》截圖)

《造美人》強尼宣布八強故弄玄虛

《造美人》八強名單由強尼宣布,他先讀讀出三名單,分別是Stella、Ice同AB,並請三人講出感想。《造美人》Stella:「我首先要多謝自己,喺呢個歲數好難group埋成班女仔,大家目標一致,開頭大家會話我兒戲,經過調整之後,我知道邊啲時間要正經,我冇諗可以行到幾遠,但我盡咗力,無悔﹗」

造美人 八強誕生 總決賽 淘汰
《造美人》Stella(圖片來源:《造美人》截圖)

《造美人》Ice:「我都係要多謝自己,我覺得以前對自己太差,Ann、Tracy、Shweta我真係好鍾意你哋,希望可以同你哋玩埋嗰一個月﹗」

造美人 八強誕生 總決賽 淘汰
《造美人》Ice(圖片來源:《造美人》截圖)

《造美人》AB:「我要多謝大家,冇嫌棄我帶畀大家麻煩,好開心認識到你哋,令我改變咗好多﹗」

造美人 八強誕生 總決賽 淘汰
《造美人》AB入營初段比賽時傷腳,要坐輪椅代步,但能以第八名次打入八強﹗(圖片來源:《造美人》截圖)

《造美人》Stella最高分

強尼最先叫的三人都順利入圍,Stella排名第一、Ice是排名第二,而AB是排第八,雖然腳傷仍能入八強﹗之後強尼請三位佳麗Ann、Kathy、Shweta三人行前,並請她們講出對自己在camp 2的表現﹗

造美人 八強誕生 總決賽 淘汰
大家都以為強尼最先叫三位佳麗站前一步是即將被淘汰,點知都能順利入決賽,連沈殷怡都感到驚喜﹗原來好戲在後頭,愈睇愈緊張﹗(圖片來源:《造美人》截圖)

Ann:我一向對自己冇信心,冇野心,呢次camp 2我覺得自己進步咗,爭勝心大咗﹗

造美人 八強誕生 總決賽 淘汰
強尼一直睇好Ann,最後以第三名次打入八強﹗(圖片來源:《造美人》截圖)

Kathy:「我覺得自己愈來愈差,好似個花瓶,乜都唔識淨係識大叫,我好迷失,以前我淨係識睇住自己,但我喺咁多個女仔身上都搵到特質,但我自己搵唔到,我好驚會比下去﹗」

造美人 八強誕生 總決賽 淘汰
Kathy觀眾緣麻麻,但都能晉身八強﹗(圖片來源:《造美人》截圖)

Shweta:「我覺得自己原地踏步甚至退步,好驚被淘汰﹗」

造美人 八強誕生 總決賽 淘汰
黑馬Shweta愈戰愈勇﹗(圖片來源:《造美人》截圖)

強尼再分別講出三人名次,Shweta得第七,Kathy第五,Ann是第三,八強中六名單已誕生,即餘下四名佳麗只有兩名能入總決賽﹗強尼請餘下四人Jonie、Miko、Tracy及Semi講出感受﹗氣氛緊張又沉重,在一片淚水中進行﹗

造美人 八強誕生 總決賽 淘汰
Semi、Tracy、Miko、Jonie被壓軚上前,四個只能活兩個﹗(圖片來源:《造美人》截圖)

Jonie:「我覺得最後衝刺盡咗力,我知自己一直係個邊緣人,我好想融入大家,但我個世界好小,可能要再勇敢啲,踏前一步,好開心喺最後階段我學到呢樣嘢﹗」

造美人 八強誕生 總決賽 淘汰
Jonie被指太遲發力﹗(圖片來源:《造美人》截圖)

Miko:「都係嗰句搏盡無悔,呢兩個月係好難得,結咗婚生咗仔仲可以去玩,或者今日之後我可以做番全職媽媽同老婆,其實我老公好不滿嘅﹗」

造美人 八強誕生 總決賽 淘汰
Miko被強尼讚為團隊帶來歡樂和氣氛﹗(圖片來源:《造美人》截圖)

Tracy :「我對自己camp 2後半部分表現好唔滿意,因為唔係我擅長嘅運動挑戰,之前我係諗點攞第一,但今次我成日諗點先可以唔被淘汰﹗」

造美人 八強誕生 總決賽 淘汰
Tracy覺得自己表現愈來愈差﹗(圖片來源:《造美人》截圖)

Semi:「我唔係好識點去融入每一個圈子,自己表現浮浮沉沉,好唔穩定,但呢幾個月學到嘅嘢我係賺咗,所以好多謝大家﹗」

造美人 八強誕生 總決賽 淘汰
Semi(圖片來源:《造美人》截圖)

Jonie被投暗票終被淘汰

強尼宣布Jonie在camp 2名次排第六,但因暗票中最多佳麗投Jonie淘汰,這次賽制要結合暗票,故Jonie雖然在後段表現令人另眼相看,但仍難逃被淘汰,最後由名次排第九的 Miko攝上,Miko反敗為勝順利入八強。

造美人 八強誕生 總決賽 淘汰
Miko爆喊指爭咗Jonie個位,Jonie反笑住安慰對方,但無損姊妹情﹗(圖片來源:《造美人》截圖)

而最後公布打入八強名單的是Semi﹗Tracy被淘汰,但Shweta喊得比Tracy更激動,不停自責:「如果射槍比賽,我可以快啲,Tracy就可以入八強,係我累咗佢﹗」順利進入八強的包括Stella、Ice、Ann、Kathy、Shweta、AB,Miko和Semi﹗Jonie和Tracy被淘汰出局﹗

造美人 八強誕生 總決賽 淘汰
Tracy被淘汰,Shweta比佢更激動,失控爆喊﹗落到台繼續收唔到聲﹗(圖片來源:《造美人》截圖)

 

 

讀者留言