未命名-1

造美人|首播即成大熱 6號胡靄琪OK話ViuTV黐線 強尼都話搞唔掂

ViuTV於6月7日晚推出另類選美節目《造美人》,從第一集介紹佳麗出場的宣傳片來看,6號胡靄琪OK一出場就令全場人另眼相看,除了她本來的職業做地盤夠特別外,被指個樣似專家Dickson的胡靄琪非常有自信,更大膽直指ViuTV招募時講得好輕鬆,點知打入16強後才發覺唔對路!

撰文:東方新地 圖片:ViuTV圖片及影片截圖、DicksonIG圖片

《造美人》6.胡靄琪 OK

職業:土木工程 地盤
年齡:26
滿意部位:耳朵
不滿部位:眼袋

胡靄琪
宣傳照中胡靄琪,髮型非常獨特。

自我感覺非常良好

參加得《造美人》當然想成為焦點,6號佳麗胡靄琪(花名OK)輕易做到了,她一出場就表示覺得自己好OK,但可以更靚,想透過節目執靚啲,說話非常有自信。

造美人
胡靄琪非常有自信,覺得自己本來已經非常OK。
造美人
胡靄琪主要想整走眼袋及大腮骨。

胡靄琪:搞錯咗少少嘢

現年26歲的胡靄琪從事建造工程及管理,之前在地盤返工的她在宣傳片中提到自己:「搞錯咗少少嘢。」仲即場投訴當日ViuTV的招募講到好輕鬆,以為只是扮靚靚做Facial,點知並唔係咁簡單,仲話ViuTV好黐線。

造美人
胡靄琪話自己打入16強才知唔對路,強尼叫佢講清楚係咩事。
造美人
胡靄琪話ViuTV的招募講得好輕鬆。
造美人
胡靄琪話入圍後才知個節目咁黐線,強尼滴晒汗狂笑,笑言真係搞佢唔掂,要交畀其他主持及嘉賓去處理她。

《造美人》中的敢言代表

胡靄琪唔止投訴ViuV,仲話之前返地盤要著住公司的「死人制服」,長期日曬雨淋搞到自己皮膚差又出雀斑,她的直率令現場嘉賓及主持狂笑,就連轉數出名快的強尼都招駕唔住,話佢難搞。宣傳片出街後,胡靄琪成功引起網民注意,讚她性格好,樣又唔算太差,就連女歌手J.Arie(雷深如)都話佢好正。

造美人
胡靄琪話以往返地盤都要穿公司那件死人制服。
造美人
胡靄琪當眾鬧公司,令全場嘩然,她即解釋已辭職冇做。
造美人
女歌手J.Arie大讚胡靄琪好正。
造美人
不少網民覺得胡靄琪是可造之材。
造美人
亦有人覺得胡靄琪同專家Dickson撞樣。
造美人
專家Dickson

讀者留言