連環香閨短敘 杜如風 姣撬姊妹男友

「世界級港女」 杜如風 ,曾主動出擊姣黐馮德倫及余文樂等靚仔,可惜只係姣女有心、型男無夢。不過兵唔怕收,好姊妹男友就更加就手! 杜如風 與御用化妝師Jenny情同姊妹,與其拍拖多年的男朋友Alvin關係亦非比尋常!本刊記者發現, 杜如風 與Alvin經常外出後孖住返何文田香閨密會,就連 杜如風 的波子跑車亦兩份揸!

老友三人行

據知杜如風近年出埠工作,每次都帶上化妝師Jenny,Alvin亦不時同行,三人寓工作於娛樂,friend過打band。事實上,從近年杜如風出外拍外景的照片中,都可看到Alvin的蹤跡,有Jenny在場都好合理,但原來私底下亦經常單獨見面。

0503

1716

熟晒地頭撳密碼

其實早於三月中,本刊記者已目擊杜如風與Alvin在沒有Jenny在場的情況下私會,當日Alvin駕駛杜如風的白色保時捷跑車,與杜如風一同回到其何文田寓所。泊好車後二人一同上樓,Alvin負責撳大門密碼,熟晒地頭。

01 02

密會四粒鐘

到上星期,Alvin再次與杜如風一齊返家,仲幫手做埋咕喱,呢次更逗留四小時先離開,出入都未見Jenny同行,Alvin登堂入室已成習慣!

09 10

波子兩份揸

異性密友頻頻出入香閨已夠耐人尋味,早前下午,杜如風親自駕車到Alvin位於西環的寓所接對方,到埗後杜如風即下車轉位,等Alvin做司機,非常有默契。之後二人去銅鑼灣行街shopping,Alvin除了體貼地幫杜如風孭背囊拎戰利品,期間更多次出手扶實杜如風,橫睇掂睇似足熱戀中的情侶!

50 51

53

年過四十的杜如風對住Alvin,即收起平時的豪情,不時笑瞇瞇腰果眼望實對方,姣出面!

49

翌日再訪香閨

見完一日都未夠,翌日Alvin又到訪杜如風屋企,一如以往自己撳密碼上樓,好似返自己屋企一樣。

55 56

媾仔主動出擊

杜如風自小得父母寵愛,要風得風,物質供應從來不缺,可惜感情事不是錢可以買到。單身多年的杜如風性格大癲大肺,對於心儀的異性往例必主動出擊,早年更被指姣黐馮德倫與余文樂,余文樂更公開拒戀話:「咪搞!」

{"IPTC-DATA":"NMG","data":{"photoID":2423590}}{"IPTC-DATA":"NMG","data":{"photoID":2217953}}

{"IPTC-DATA":"NMG","data":{"photoID":2217932}}

 

話就話女追男隔重紗,杜如風雖然不時主動出擊,但情路依然唔多順。今次姣撬姊妹男友,兩女一男最後都係一個「嬲」字,不過任性如佢,一定唔會輕易收手!

 

全文完

關鍵詞
杜如風