過氣咪神

放個仔落洗衣機呃like? 過氣咪神被網民轟「波大無腦」

大家都明白小朋友活潑好動,跳跳紮冇時停,搞到爸媽頭都大埋!不過日前有位已經淡出幕前的過氣咪神出奇招,竟然將一歲大的囝囝放入洗衣機度,因為方便自己邊化妝邊睇住個小朋友,結果惹來網民非議!唔少人認為佢妄顧兒子安全,甚至係「波大無腦」…

撰文:東方新地|圖片:新傳媒、Instagram、電影劇照

記唔記得雷凱欣?

首先大家記唔記得雷凱欣係邊個?擁有36F巨乳的雷凱欣,當年因拍三級片《3D肉蒲團之極樂寶鑑》而聲名大噪,不過一脫成名後不久後就消失於娛樂圈。至今年二月,鄭希怡(Yumiko)一家三口遊東京時,意外透露雷凱欣已升呢為幸福人妻兼媽媽,有個得意兒子!

過氣咪神
36F一出,誰「乳」爭鋒?
過氣咪神
每次出席公開活動都係博到盡!
過氣咪神
夾到變晒形喎小姐!

雷凱欣雖然一直未有承認婚事,但近日不時喺IG放閃,同網民分享與兒子的親子照,更寫下已為人母的心聲~

放個仔落洗衣機呃like?

雷凱欣日前又喺IG上載一張兒子的正面照,點知就惹來網民非議!相中見到佢囝囝被放入揭蓋式洗衣機,「今日喺日本嘅屋企發現開蓋式洗衣機嘅好處,當你化妝ing嘅時候,原來可以將呢個痴媽根嘅小朋友放落去企喺你隔籬,又唔怕跌親,而佢又可以望住你,一舉幾得。」

被網民轟「波大無腦」

不過雷凱欣此舉惹來大量網民批評,話佢「波大無腦」,指佢為呃like妄顧兒子安全,最怕係囝囝之後有樣學樣,自己爬入去,到時發生意外就後悔莫及!所以,大家記得唔好胡亂模仿!

那些年《3D肉蒲團》

當年三級片《3D肉蒲團之極樂寶鑑》成為一時熱話,為稱為史上首部3D情色電影,片中雲集日本成人片女優及大量性感女星演出,其中香港代表就有36F巨乳雷凱欣,唔少男士都爭相買飛入場!

過氣咪神
飾演「極樂老人」的雷凱欣其實戲份好少,不過衣著夠晒噴血!
呢幕露點鏡頭就最經典啦!

露點疑係「老點」

當年唔少男觀眾都係想睇雷凱欣露兩點而入場,點知該幕戲只有大概一秒,更有人認為只係剪接技巧,質疑露點戲係用替身!雷凱欣被網民鬧爆,後來出席活動時仲講到喊晒口,好委屈。

陰功豬!

上《美女廚房》晒胸

新一輯《美女廚房》依家逢星期六有得睇,其實當年雷凱欣都上過《美女廚房》,一身超低胸吊帶裙大晒巨乳,仲要瘋狂烏低身煮嘢食!

方力申要用紙巾止鼻血!

關鍵詞
虐兒