蕭正楠

遲到Do姐盛宴 蕭正楠大合照冇影

由鄭裕玲(Do姐)與農夫主持的《Do姐去shopping》添食成功,仲憑《Do姐再shopping》在台慶頒獎禮上連擸「最佳非戲劇節目」和「最佳節目主持」兩獎,日前Do姐就吹雞搵齊《Do姐再shopping》所有主持舉行慶功宴,大合照中可見Do姐、農夫、馬國明和黃翠如都有出席,獨欠蕭正楠,原來他因為工作遲大到,雖然收工後都出現,但已影唔到大合照,Do姐話惟有下次再約!

撰文:東方新地

圖片:網上圖片及新傳媒圖片庫

蕭正楠 收工趕赴會

蕭正楠早前在台慶頒獎禮上憑《超時空男臣》一劇與曹永廉、何廣沛奪得「最受歡迎電視拍檔」獎,最近他正趕拍新劇《十二傳說》,同林夏薇做一對。Do姐舉行慶功宴當日,原本指蕭正楠因工作未能出席,連大合照亦冇佢份,唔知佢係咪要漏夜趕拍劇呢?但蕭正楠在收工亦有趕去赴會,同農夫及女友黃翠如齊齊合照,不過Do姐就難掩失望話:「我已經回家 💤 馬明今早要工作,沒有『最佳節目主持人』的合照,下次再約!Thanks you guys!」

蕭正楠
早瞓嘅Do姐等唔切蕭正楠到場,只有五位《Do姐再Shopping》主持黃翠如、C君、Do姐、陸永和馬國明一齊合照,要齊人,惟有等下次!
蕭正楠
蕭正楠收工後趕到慶功宴現場,同女友黃翠如及農夫合照,翠如事後留言說:「多謝Do姐盛宴❤️」
蕭正楠
蕭正楠最近正同林夏薇趕拍緊新劇《十二傳說》,飾演一名新聞記者,造型不修邊幅。
蕭正楠
《Do姐再Shopping》台前幕後大合照,有主持人Do姐、農夫陸永C君、黃翠如、馬國明,同埋監製周子妮及一班工作人員等,獨欠蕭正楠。
馬國明 蕭正楠
慶功宴上令一焦點是馬國明繼上次《降魔的》慶功宴後,又再以短袖T恤上陣,當晚氣溫得10度,馬明為晒麒麟臂,完全唔怕冷!
蕭正楠
有唔少網民留言話希望可以原班人馬開拍《Do姐再、再Shopping》,相信TVB好快會順應民意,畀Do姐再下一城!
蕭正楠
蕭正楠曾與Do姐及農夫主持五集《Do姐再Shopping》,一齊到米蘭Shopping。
蕭正楠
Do姐仲喺節目中帶蕭正楠去睇首飾同鑽戒,暗示佢送畀女友黃翠如求婚。
蕭正楠
黃翠如亦係《Do姐再Shopping》主持之一,曾經同Do姐去過東京同北海道Shopping。

情侶檔出騷 公開冧翠如 蕭正楠:最緊要有你喺度!

蕭正楠、黃翠如經常以情侶檔出騷,早前兩人以情侶檔出席家居品牌活動,在台上司儀小儀問Edwin幻想中將來自己嘅家係點樣?最需要嘅係乜嘢?蕭正楠忽然笑騎騎,翠如問佢做乜笑得咁開心?Edwin對住翠如冧話:「最緊要有你喺度!」真係冧滋滋……

蕭正楠
問到二人居住的問題,翠如就話小時候會期望家中全都是粉紅色,好有少女心,不過現在就期望黑白或者要有木的顏色。在旁的蕭正楠也常常看外國的房子設計,因為外國房子真的很大,令佢好羨慕!
蕭正楠
問翠如有冇畀壓力男友快啲買一間大屋,蕭正楠話呢方面冇壓力,而翠如也立即回答有給壓力,但壓力係畀自己,希望買到一間大房子。
蕭正楠
蕭正楠話到屋唔一定要太大,夠用就好,太大清潔也很麻煩,說到這裡他就望著翠如笑說到那妳會很辛苦。
蕭正楠
說到家務方面,蕭正楠透露媽媽來我家煮飯,煮完後廚房很亂我會發脾氣的,因為我本身懶,不會怎樣去煮飯,所以對於食我也很乾淨,最好連骨都食埋落肚咁就唔使掉,氹到翠如哈哈大笑!
蕭正楠
再問到係唔係因爲怕廚房太亂,所以翠如索性唔煮飯,聽到呢個問題,蕭正楠靜咗幾秒鐘然後笑話:「我真係諗唔起對上一次係幾時,冇印象,可能最近太忙關係要記對白。」
蕭正楠
最後問到情人節點過?翠如話已10年沒試過一家人去旅行,呢次難得全家人齊,所以會在情人節及農曆新年期間旅行。問Edwin係咪已融入黃家?翠如話:「佢仲未係,未有份,情人節假期都冇時間慶祝。(過了蜜月期?)仲未蜜月就已經過咗蜜月期,好冷淡,我哋一齊做嘢至見到面!」

延伸閱讀:

呢啲先係女神!盤點12位最索華姐冠軍