ft pic

遺傳靚樣 邱淑貞大女拍片唱〈Bang Bang Bang〉

邱淑貞同沈嘉偉結婚多年,生咗3個女,分別叫沈月、沈日同沈晨。話咁快大女沈月今年8月就15歲,唔單只遺傳咗媽媽嘅大眼高鼻,就連星味都似到十足!日前沈月拍咗條短片放上Ig,片中沈月唱咗幾句Big Bang名曲〈Bang Bang Bang〉,雖然聲音明顯經過特別處理,但齋睇樣都夠晒quali做明星呀!

延伸閱讀:

着姊弟裝 梁浸浸啜爆小陳真

舊五虎走剩馬明 吳卓羲林峯黃宗澤激罕合體

片段只得短短4秒,但清楚見到沈月樣貌標緻,眼大鼻高面尖尖,甚有邱淑貞影子,側面睇仲有少少似Angelababy!

近年邱淑貞經常帶埋沈月出活動,兩母女外貌同身形都好相似,感情亦非常好,一家人周圍旅行度假,恨死隔離呀!

三個囡囡之中,沈月同邱淑貞最似樣,細細個已經睇得出有條件接媽咪棒入娛樂圈!不過無論做唔做明星,沈月有個富爸爸,又有個索媽媽,點都已經係人生贏家啦!

全文完