邵珮詩晒D奶谷節目《台北101種玩法》 溫馨提示：「驚大家錯過咗﹗」

無綫皇牌旅遊節目之一《3日2夜》，以女藝人走訪各國，谷奶sell靚景、浸浴、浸溫泉等，畫面亮眼，吸引不少人追看，年中播完第四輯後，一直未有新看頭；不過另一旅遊節目《台北101種玩法》，將由余德丞及譚凱螢主持換上2014年港姐冠軍邵珮詩及張楷奕，邵珮詩在節目大晒水著甚為吸睛。

邵珮詩逐一回覆網民「大波」留言

邵珮詩當選14年港姐冠軍後，主持過《港生活‧港享受》，演過劇集五隻手指數得晒包括《潮流教主》、《完美叛侶》、《財神駕到》及《愛回家之愛心速遞》。今次難得孭飛主持《台北101種玩法》，邵珮詩不但在節目中大晒D奶，又瞓身谷宣傳，拍攝時已狂出po宣傳節目。為免觀眾Happy Friday忘記收看，邵珮詩連日出po溫馨提示大家，呢兩日更出po晒三點式蕩奶谷宣傳，更逐一回應網民的留言，不少網民忍唔住讚她「好波」、「好大波」等，佢都妙回，並再一次寫下播映日期及時間，為處女旅遊節目大力谷宣傳。

邵珮詩處女拍旅遊節目

邵珮詩更在節目大晒水著甚為吸睛。將在10月播出的新一輯《台灣101種玩法》，換上邵珮詩和張楷奕主持，由地膽張楷奕帶著港姐冠軍邵珮詩走遍台北，自8月初，邵珮詩已在ig狂po遊台北自拍照，走勻西門町、饒河街夜市、大稻埕碼頭兼玩埋卡丁車等。

邵珮詩和張楷奕穿上中式服拍攝，可惜深色旗袍未能突顯邵珮詩美好身段。

邵珮詩晒34D維他奶

邵珮詩於加拿大名牌大學Simon Fraser University的心理學系畢業，有學歷其實亦有家底，她是維他奶創辦人之一邵蔚明的曾孫女，家底豐厚，身材亦不容忽視！邵珮詩這趟台北之旅，將會在下月播出，她在ig興奮寫道：「第一次拍旅遊節目，每日心情開心到爆炸，刺激到不能想像，好期待啊～」台北之旅期間，當然唔少得晒34D豐滿上圍，在鮮黃色水著下，更見突出！

邵珮詩曾演出《愛•回家》

邵珮詩為14年港姐冠軍，該屆亞及季軍分別為王卓淇及何艷娟，邵佩詩除在明珠台當主持，亦曾在處境劇《愛．回家之開心速遞》演出，劇中扮演傻大姐侯蔡欣，不過在第232集是她的「告別作」，當時邵曾感言：「有好多人批評我喺度扮可愛，到依家真係接受咗侯蔡欣，我唔知你喺邊度鍾意我或者唔鍾意我，我都係用個心去做。拍最後兩集我真係去感受欣欣嘅心聲、喜怒哀樂，對佢嚟講好重要嘅野。做出呢個決定係冇遺憾，完結晒佢所有意願。」 之後邵珮詩偶爾客串劇集、綜藝節目。