郭晉安

【再創世紀】做過幾多次奸角? 郭晉安 入行32年經典角色重溫

最新娛聞

廣告

《再創世紀》在無綫開播,今次郭晉安由善良「馬志強」變為奸角「賀天生」,其實安仔入行32年演過唔少經典角色,大家又知唔知當中有幾多個係奸角呢?

撰文:東方新地|圖片:新傳媒圖片庫、電視劇照及截圖、郭晉安微博

郭晉安 86年拍《城市故市》

郭晉安85年由文員轉行入無綫,86年處男拍劇即在處景喜劇《城市故事》中演男四,戲分相當多,成功入屋。當年僅22歲的安仔皮光肉滑,在劇中同唐麗球做夫妻,當時男主角仲有溫兆倫、梁思浩 (洗米華) 和彭健新。

88年《誓不低頭》

88年安仔第二部主演嘅劇集《誓不低頭》飾演鄭少秋兒子,由於劇集受歡迎,令安仔人氣再度急升,升呢無綫一線小生。

88年《嬴單傳奇》

首度擔正男一,拍古裝配襯現代式髮型,卻驚變包包面。

93年《超能幹探SuperCop》

安仔首次做奸角,因為妒忌好友劉錫明有超能力,不惜墮落做黑警來向犯人學習特異功能,最後事敗變成犯案無數的通緝犯。

94年《笑看風雲》

相隔一年安仔再做奸角,飾演男三「潘朗清,角色性格自私自利、為向上爬而不擇手段,同今次《再創世紀》的角色性格頗相似。

98年《離島特警

安仔96年曾離開無綫到台灣和內地拍劇,到98年重返無綫,在《離島特警》第三次做反派角色,身不由己下干犯多宗嚴重罪行,劇尾自首入獄。劇中正派的特警主角係呂頌賢,當時劇集收視高達43點。

99年《刑事偵緝檔案IV》

第四次做奸角的安仔,在劇中只特別演出最後三集,飾演因報復古天樂而綁架了向海嵐的黑社會成員,最後被捕。

99年《創世紀》

在神劇《創世紀》飾演男二「馬志強」,令安仔在無綫再受重用,此後每套劇都擔正做男一。

02年《戇夫成龍》

02年民初劇《戇夫成龍》同05年的現代續集《阿旺新傳》扮弱智「丁常旺」,令安仔兩奪視帝,登上事業高峰。

05年《阿旺新傳》

08年《與敵同行

飾演奸角「唐立言」,劇中嫁禍鄭嘉穎殺人,後又陷害女友蒙嘉慧,表面和善,實際上做盡壞事。

14年《忠奸人》

2014年嘅《忠奸人》令郭晉安第三度奪視帝,證明觀眾都鍾意睇安仔做奸角!

當年《忠奸人》入面安仔表面善良內裡奸到出汁。

18年《再創世紀》做奸商

計埋今次《再創世紀》,原來郭晉安已經做過七次奸角!今次佢飾演嘅「賀天生」係一名充滿野心嘅商人,同楊怡結婚,後又偷食陳自瑤。

劇中郭晉安做事不擇手段,同楊怡合謀,意圖吞併楊怡契爺胡楓嘅集團。

單睇郭晉安嘅笑容,已經奸到出汁,觀眾睇見都心寒!

劇集已率先在內地開播,而香港會在9月10日 (周一) 首播。

自言演技有進步

安仔話覺得自己演技比以前做「馬志強」時有進步:「今次我表面上都好似馬志強成日笑,同身邊好多人都做到朋友,表面上好Nice,但其實佢係心裡所想同現實所做係唔同。」

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節有什麼好去處推介?

情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!

讀者留言